جاس كاسىپكەر ءبىلىمىن شىڭدايدى

جاقىندا ەلوردادا اشىلعان «جاس كاسىپكەر مەكتەبىندە» كەز كەلگەن ادام قالاۋى بويىنشا ءبىلىم الا الادى.

بەلگىلەنگەن جوسپارعا سايكەس مەكتەپتە ەكى اپتا بويى بيزنەستى باسقارۋ تەورياسى مەن تاجىريبەسى وقىتىلادى, ال وقۋدىڭ سوڭىندا وقۋشىلار جەكە بيزنەس-جوسپارىن دايىنداپ, ونى قورعايدى. ۇزدىك دەپ تانىلعان جوبالار الەۋەتتى ينۆەستورلار شاقىرىلاتىن يدەيالار جارمەڭكەسىندە تانىستىرىلادى.وسىلايشا جوبا اۆتورى ءوزىنىڭ بيزنەس-يدەياسىن ىسكە اسىرۋ مۇمكىندىگىنە يە بولادى.

ءبىرىنشى توپتىڭ ساباقتارى ۇستىمىزدەگى جىلدىڭ ماۋسىم ايىندا وتكىزىلدى. قازىرگى كەزدە 4-16 تامىزدا ءبىلىم الاتىن ەكىنشى توپقا قابىلداۋ جۇرگىزىلىپ جاتىر. مەكتەپكە جازىلۋ ءۇشىن كاسىپكەرلەردىڭ قىزمەت كورسەتۋ ورتالىعىمەن حابارلاسۋ قاجەت.
جوبا جاستاردىڭ يننوۆاتسيالىق جانە كاسىپكەرلىك الەۋەتىن اشۋ جانە ولاردىڭ اراسىندا كاسىپكەرلىكتى قالىپتاستىرۋ مەن دامىتۋدىڭ جاعىمدى ءۇردىسىن قولداۋ ماقساتىندا ازىرلەندى.

بۇعان دەيىن مۇنداي جوبا 2012 جىلى م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ بازاسىندا جۇزەگە اسىرىلعان بولاتىن. ول تابىستى بولىپ, ءۇش ايدىڭ ىشىندە 400 ادام ءبىلىم الدى. ال وتكەن جىلى جوبا ەلىمىزدىڭ بەس وڭىرىندە قولعا الىندى, 632 ادام وقىتىلىپ, 10 يدەيالار جارمەڭكەسى ۇيىمداستىرىلدى.

ساعي ورال