جول ساپاسى جاقسارتىلۋدا
سەنبى كۇنى قالا اكىمى يمانعالي تاسماعامبەتوۆتىڭ قاتىسۋىمەن جول قۇرىلىسى, قالپىنا كەلتىرۋ جانە جوندەۋ نىساندارى تەكسەرىلدى. جول قۇرىلىس كومپانيالارىنىڭ باسشىلارى جۇمىستاردىڭ بارىسى, كەزەڭدەرى مەن ساتىلارى بويىنشا ەسەپ بەردى, دەپ حابارلادى استانا قالاسى اكىمدىگىنىڭ ءباسپاسوز قىزمەتى.
قازىرگى ۋاقىتتا ەلوردادا كەلەسى ۋچاسكەلەردە جاڭا جولدار سالىنىپ جاتىر: بەيسەكوۆا كوشەسى قورعالجىن تاس جولىنان تىلەنديەۆ داڭعىلىنا دەيىن; 2-ءشى الماتى كوشەسى تىلەنديەۆ داڭعىلىنان بەيسەكوۆا كوشەسىنە دەيىن; كۇيشى دينا كوشەسى توقپانوۆ كوشەسىنەن تاۋەلسىزدىك داڭعىلىنا دەيىن; جۇماباەۆ كوشەسى №14 كوشەدەن №41ا كوشەسىنە دەيىن; جۇماباەۆ كوشەسى №14 كوشەدەن №41ا كوشەسىنە دەيىن; بايانتاۋ كوشەسى №14 كوشەدەن №41ا كوشەسىنە دەيىن; №14 كوشە قورداي كوشەسىنەن تولەباەۆ كوشەسىنە دەيىن; رىسقۇلبەكوۆ كوشەسى ابىلاي حان داڭعىلىنان ماحتۇمقۇلي كوشەسىنە دەيىن; كۇيشى دينا كوشەسى جۇماباەۆ كوشەسىنەن ابىلاي حان داڭعىلىنا دەيىن.
سونىمەن قاتار, مىنا جول ۋچاسكەلەرىندە جول جابىنىن قالپىنا كەلتىرۋ جانە جوندەۋ جۇمىستارى جۇرگىزىلىپ جاتىر: اۋەزوۆ كوشەسىندە يمانوۆ كوشەسىنەن مولداعۇلوۆا كوشەسىنە دەيىن, تارحان كوشەسى جۇبانوۆ كوشەسىنەن ءۋاليحانوۆ كوشەسىنە دەيىن. بالقانتاۋ كوشەسىندە جۇماباەۆ كوشەسىنەن تولەباەۆ كوشەسىنە دەيىن, سونداي-اق رەسپۋبليكا داڭعىلىندا سەيفۋللين كوشەسىنەن گيوتە كوشەسىنە دەيىن ورتاشا جوندەۋ جۇمىستارى جۇرگىزىلۋدە.
بۇگىندە اتالعان ۋچاسكەلەردە نوسەرلىك, تۇرمىستىق كارىزدەر جاسالىپ, ەلەكتر كابەلدەرى تارتىلۋدا, جەر جۇمىستارى, اسفالت توسەۋ, قوزعالىس بولىگىن اباتتاندىرۋ جۇمىستارى قولعا الىنعان.
شەتەلدىك «Bureau Veritas» كومپانياسى جوعارىدا اتالعان جولدار قۇرىلىسىنىڭ بارىسىن باقىلاۋىنا الدى. جول جابىنىن توسەۋ مەن ماتەريالدار شىعارۋ دا وسى كومپانيانىڭ نازارىندا.
ەسكە سالايىق, «Bureau Veritas» – جول قۇرىلىسى سالاسىن جەتىلدىرۋ ءۇشىن ارنايى تارتىلعان فرانتسۋز ينسپەكتسيالىق-سەرتيفيكاتتاۋ كومپانياسى.