نۇر-سۇلتاندا «ءتىل مارتەبەسى – ەل مارتەبەسى» اتتى پىكىر الماسۋ كەزدەسۋى ءوتتى. شارا بارىسىندا نۇر-سۇلتان قالاسى تىلدەردى دامىتۋ جانە ارحيۆ ءىسى باسقارماسىنىڭ باسشىسى ساكەن ەسىركەپ جاستارمەن پىكىر الماسىپ, تىلگە قاتىستى سۇراقتارعا جاۋاپ بەردى.
جاستار رەسۋرستىق ورتالىقتارىنىڭ نەگىزگى باعىتتارى شەڭبەرىندە بەيرەسمي ءبىلىم بەرۋ ارقىلى جاسوسپىرىمدەر مەن جاستاردىڭ جەكە جانە الەۋمەتتىك دامۋىنا ىقپال ەتۋ جانە جاستاردىڭ بوس ۋاقىتىن ۇيىمداستىرۋ, شىعارماشىلىق تۇردە ءوزىن-ءوزى جۇزەگە اسىرۋى جانە ءوزىن-ءوزى راستاۋى ءۇشىن جاعداي جاساۋ بولىپ تابىلادى.
«بۇگىنگى كەزدەسۋدىڭ نەگىزى – جاستارعا ءتىل ساياساتىن ءتۇسىندىرۋ, مەملەكەتتىك ءتىلدى ناسيحاتتاۋ جانە جاستاردىڭ ءتىل ساياساتىن جۇرگىزۋدە الەۋەتىن كوتەرۋدەگى يدەيالارىمەن تانىسۋ. سونىمەن قاتار ماقسات-مۇددەلەر بولعان جاعدايدا بىرگە جۇمىس جاساۋ. قازىرگى تاڭدا بىزدە كوپ كرەاتيۆتى يدەيالار بار. ماسەلەن, تيك-توك پەن ينستاگرامدا جاستاردىڭ اراسىندا تانىمال پلاتفورمالاردا قانداي جۇمىستاردى جاساي الامىز, جاستار بىزگە نەندەي كومەك بەرە الادى جانە ولاردىڭ يدەيالارىن قالاي قولداي الامىز دەگەن. ءبىز جاستاردى ۇمىتپاۋىمىز قاجەت. سەبەبى ولار – ەلدىڭ بولاشاعى, مەملەكەتتىڭ تۇتقاسىن ۇستايتىن ازاماتتار» دەدى س.ەسىركەپ.
