استانا قالاسى اكىمدىگىنىڭ قولداۋىمەن تىلدەردى دامىتۋ باسقارماسى, «رۋحانيات» ورتالىعى جانە ەۋرازيا ۇلتتىق ۋنيۆەرسيتەتىنىڭ قازاق ادەبيەتى كافەدراسى بىرلەسىپ, 12 قىركۇيەك كۇنى «دۋمان» قوناقۇيى كەشەنىنىڭ كونفەرەنتسيا زالىندا قازاقستان حالقى تىلدەرىنىڭ XVI قالالىق فەستيۆالى اياسىندا قازاقستان جازۋشىلار وداعىنىڭ 80 جىلدىعىنا ارنالعان «ونەر الدى – قىزىل ءتىل» اتتى جاس اقىندار ءمۇشايراسىن وتكىزدى. مۇشايراعا بەلگىلى قالامگەرلەر مەن جاستار قاتىستى.
مۇشايراعا جۇزدەن اسا جاس تالاپكەر ءوتىنىش بىلدىرگەن. ال, بۇل سايىستا تورەلىك ەتۋشىلەردىڭ ۇيعارىمىمەن تارتىمدى تارماعى, شۇرايلى شۋماعى بار تاڭداۋلى 10 اقىن پاتريوتتىق جانە ەركىن تاقىرىپتاعى تۋىندىلارىن وقىدى.
جىر دوداسىنا مەملەكەتتىك سىيلىقتىڭ لاۋرەاتى, جازۋشى قويشىعارا سالعارا, فيلولوگيا عىلىمىنىڭ دوكتورى, پروفەسسور ساعىمباي جۇماعۇلوۆ, «استانا» راديوسىنىڭ رەداكتورى ەربول الشىنباي قازىلىق ەتتى. قازىلار مەن ۇيىمداستىرۋشىلاردىڭ پىكىرىنشە, جىلدان جىلعا جالعاسىن تاۋىپ كەلە جاتقان ءداستۇرلى ءمۇشايرانى كەلەر جىلدان باستاپ كەڭ اۋقىمدا وتكىزۋ كوزدەلىپ وتىر.
ءمۇشايرانىڭ قورىتىندىسى بويىنشا ءىلياس جانسۇگىروۆ اتىنداعى ارناۋلى جۇلدەنى ۇلان نەسىپبەك, ماعجان جۇماباەۆ اتىنداعى جۇلدەنى ايجان تاباراك يەمدەنسە, ءبىرىنشى ورىن اجار ەربولعانعا, ەكىنشى ورىن پاۆلودارلىق اقبوپە ماراتقا, ءۇشىنشى ورىن ايدانا بولاتقا بەرىلدى. جارىس جەڭىمپازدارى باعالى سىيلىقتارمەن, ديپلومدارمەن ماراپاتتالدى.
قۋات قيىقباي
