قاي كەزدە دە ءىرى مەگاپوليستەر ءۇشىن جولاۋشىلار تاسىمالى ءبىرىنشى كەزەكتە تۇرادى. ادامدارعا ساپالى قىزمەت كورسەتۋدە قوعامدىق كولىكتىڭ قوزعالىسى مەن باعدارىن رەتتەۋ – كەزەك كۇتتىرمەيتىن ماسەلەلەردىڭ ءبىرى. وسى تۇرعىدا استانا قالاسى جولاۋشىلار كولىگى جانە اۆتوموبيل جولدارى باسقارماسىنىڭ جولاۋشىلار تاسىمالى ءبولىمىنىڭ باسشىسى ءابدىحاميت تاماباەۆ اڭگىمەلەيدى.– قالاداعى جولاۋشىلار تاسىمالىنىڭ جاي-كۇيى قانداي؟
– بۇگىنگى كۇنى قالانىڭ قوعامدىق كولىكتەرىندە جۇرگىزۋشىلەر جەتىسپەۋشىلىگى ورىن الىپ وتىر. كۇن سايىن قالادا تاسىمالدىڭ وسى جەلىسىن 520 مىڭعا تارتا جولاۋشى پايدالاناتىندىقتان, كەيبىر باعدارداعى اۆتوبۋستاردى جولاۋشىلار ايالدامالاردا ۇزاق كۇتىپ قالاتىن جاعدايلار بولاتىنىن دا جاسىرۋعا بولمايدى. قىزمەت كورسەتۋ ساپاسى مەن مادەنيەتىن ارتتىرۋ ماقساتىندا قالانىڭ قوعامدىق كولىگىنە بىلىكتى, تاجىريبەسى قالىپتاسقان جۇرگىزۋشىلەردى ىرىكتەپ الۋ جۇمىستارى تۇراقتى جۇرگىزىلىپ كەلەدى.
سونىمەن قاتار, قالالىق جولاۋشىلار كولىگىنىڭ جۇيەسىن جەتىلدىرۋدى دە ۇدايى نازاردا ۇستايمىز. سوڭعى جىلدارى ەلوردانىڭ جول-كولىك ينفراقۇرىلىمىنىڭ كەڭەيتىلۋىنە بايلانىستى اۋقىمدى ءىس-شارالار اتقارىلدى. اتاپ ايتساق, جاڭادان 50-دەن استام ايالداما تۇرعىزىلىپ, 150-گە تارتا اۆتوبۋس ساتىپ الىندى.
– قالادا قوعامدىق كولىكتىڭ جولاقىسى قىمباتتاي ما؟
– قالانىڭ قوعامدىق كولىكتەرىندەگى جول ءجۇرۋ بيلەتتەرىنىڭ باعاسىن كوتەرمەي, ۇستاپ تۇرۋ ءۇشىن بيۋدجەتتەن ەشقانداي قارجىلاي كومەك بولىنبەيدى. باعانىڭ ءبىر قالىپتى تۇرۋى ءۇشىن كاسىپورىننىڭ ىشكى رەزەرۆى ەسەبىنەن قارجى قاراستىرىلىپ, باعىتتىق جەلىلەردى وڭتايلاندىرۋ ەسەبىنەن كۇن كورىپ وتىرمىز. استانا قالاسىندا قوعامدىق كولىكتەردىڭ جول ءجۇرۋ بيلەتتەرى قىمباتتايتىنى راس, بىراق ول تاياۋداعى ۋاقىتتا بولا قويمايدى. ويتكەنى, مۇنداي وتە ماڭىزدى الەۋمەتتىك ماسەلەنى شەشۋ ءۇشىن قوعامدىق ۇيىمدار مەن قالالىق ءماسليحات دەپۋتاتتارىنىڭ تالقىلاپ, ماقۇلداۋلارى قاجەت. ءارى ول ءبىر رەت ەمەس, بىرنەشە رەت وتكىزىلەدى. وسى اتالعان قۇزىرەتتى ورگانداردىڭ كوزىن جەتكىزىپ, رۇقساتىن العاننان كەيىن عانا بيلەت باعاسىن وسىرە الامىز.
–قوعامدىق كولىك قوزعالىسىن باقىلايتىن قازىرگى زامانعى ارناۋلى GPS-بەلگىسى تۋرالى نە ايتاسىز؟
– استانانىڭ قوعامدىق كولىگىندە سپۋتنيكتىك GPS-باقىلاۋ جۇيەسى جۇمىس ىستەپ كەلەدى. اتالعان جۇيە بويىنشا «استانا قالاسىنىڭ جولاۋشىلار تاسىمالى ورتالىعى» جشس جۇزەگە اسىراتىن قالا مارشرۋتتارىنداعى قوعاس جيىلىگى مەن جىلدامدىقتى ساقتاۋىن رەتكە كەلتىرۋدىڭ ناقتى مۇمكىندىكتەرى تۋدى. ايتا بەرسە, بۇدان باسقا دا جەتىستىكتەرى بارشىلىق. ءبىر سوزبەن ايتقاندا, ول زاماناۋي تەحنولوگيالىق جاڭالىق بولۋدا.
