بۇگىندە ەكونوميكا, الەۋمەتتىك سالا مەن ساياساتقا ىرتكى سالعان جەمقورلىق وقيعاسى قوعامنىڭ بارلىق سالاسىن دەندەپ كەتتى. ونىمەن كۇرەسۋ قوعامنىڭ مىندەتىنە اينالدى. قارجى مينيسترلىگى سالىق كوميتەتىنىڭ سىبايلاس جەمقورلىقپەن كۇرەس بويىنشا جالپى ۇلتتىق باعدارلامانى جۇزەگە اسىرۋى – وسىنىڭ ايعاعى. «قازاقستان رەسپۋبليكاسى سالىق قىزمەتى ورگاندارىندا سىبايلاس جەمقورلىقپەن كۇرەس ستراتەگياسىن» جاساي وتىرىپ, وسى ارقىلى سالىق قىزمەتى ورگاندارىنىڭ ءوز ىشىندە سىبايلاس جەمقورلىقپەن كۇرەسىپ كەلەدى.
استانا قالاسى بويىنشا الماتى اۋداندىق سالىق باسقارماسىندا قولعا الىنعان نەگىزگى باعىتتىڭ ءبىرى – جەمقورلىققا توسقاۋىل. سىبايلاس جەمقورلىقپەن كۇرەستىڭ مەملەكەتتىك باعدارلاماسىندا بۇل ماسەلە تۋرالى كەڭىنەن ايتىلعان. ياعني سىبايلاس جەمقورلىقتىڭ الەۋمەتتىك-ەكونوميكالىق دامۋ مەن نارىقتىق ەكونوميكا قۇرىلىسى پروتسەستەرىن, ينۆەستيتسيا تارتۋدى تەجەيتىنى اتاپ وتىلگەن. ءبىزدىڭ ەلدە جەمقورلىقپەن كۇرەسۋگە ارنالعان زاڭنامالىق بازالار جانە «كولەڭكەلى ەكونوميكا» كولەمىن قىسقارتۋعا, ەكونوميكا سالاسىنداعى قۇقىق بۇزۋشىلىقپەن كۇرەسۋگە باعىتتالعان باعدارلامالار جەتكىلىكتى. بۇكىل مەملەكەتتىك ورگاندار مەن لاۋازىمدى تۇلعالار زاڭعا سايكەس, ءوز قۇزىرەتى شەگىندە سىبايلاس جەمقورلىقپەن كۇرەس جۇرگىزۋگە مىندەتتى.
جوعارىدا اتالعان ستراتەگيانىڭ ماقساتى – سالىق ورگاندارىندا سىبايلاس جەمقورلىققا قارسى ءىس-ارەكەت جۇيەسىن جەتىلدىرۋ, سالىققا قاتىستى بارلىق سالاداعى جەمقورلىقتى جويۋ شارالارىن ىسكە اسىرۋ. جەمقورلىقپەن كۇرەستىڭ ءبىر جولى – سالىق ورگاندارىنىڭ بەدەلىن كوتەرىپ, حالىقتىڭ سالىقتىق مادەنيەتىن ارتتىرۋ. وسى ماقساتتا الماتى اۋداندىق سالىق باسقارماسىندا ورگان وكىلدەرىنىڭ قاتىسۋىمەن سەمينار, ماجىلىستەر ءجيى وتكىزىلەدى. وندا سالىق ورگاندارىنداعى زاڭدىلىق جانە ونى قورعاۋ, سىبايلاس جەمقورلىق, قۇقىق بۇزىلۋشىلىق پەن قىلمىستىڭ الدىن الۋ ماسەلەلەرى تالقىلانادى.
