مەملەكەت باسشىسىنىڭ «قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا قاراي 20 قادام» باعدارلاماسىندا كورسەتىلگەن مىندەتتەر مەن تالاپتاردى جۇزەگە اسىرۋ جۇمىسى قالالىق اكىمدىككە قاراستى قۇرىلىمداردا جۇيەلى جۇرگىزىلىپ كەلەدى.
كوشپەلى ماجىلىستە كۇرمەۋى شەشىلدى
جۇمىسپەن قامتۋ جانە الەۋمەتتىك باعدارلامالار باسقارماسى باعدارلامالىق ماقالانىڭ ءمانى مەن ماڭىزىن ءتۇسىندىرۋ ماقساتىندا باسقارماعا قاراستى مەكەمەلەردى ارالاپ, كوشپەلى ءماجىلىس وتكىزدى.
كوشپەلى جيىنعا قالالىق ءماسليحات دەپۋتاتتارى مەن كاسىپوداق ۇيىمى وكىلدەرى قاتىستى.
قالامىزداعى «بالالار پسيحونەۆرولوگيالىق مەديتسينالىق-الەۋمەتتىك مەكەمەسى», «تۇراقتى تۇراتىن جەرى جوق تۇلعالارىن الەۋمەتتىك بەيىمدەۋ ورتالىعى», استانا قالاسى اكىمدىگىنىڭ «جۇمىسپەن قامتۋ ورتالىعى», «قارتتار مەن مۇگەدەكتەرگە ارنالعان مەديتسينالىق-الەۋمەتتىك مەكەمەسى» جانە «پسيحونەۆرولوگيالىق مەديتسينالىق-الەۋمەتتىك مەكەمەسىنە» ارنايى ات باسىن بۇرعان بيلىك وكىلدەرى بىرقاتار ماڭىزدى ماسەلەلەردى ورتاعا سالىپ, تالقىلادى.
ەڭبەككەرلەر ەڭبەك زاڭدىلىقتارى جونىندە كەڭىنەن ماعلۇمات بەرۋ ءۇشىن كەي مەكەمەلەرگە الماتى جانە سارىارقا اۋداندىق پروكۋراتۋرا وكىلدەرى دە باس سۇقتى.
الداعى ۋاقىتتا دا مۇنداي تۇسىندىرمە جۇمىستارىنا پروكۋراتۋرا وكىلدەرى, مەملەكەتتىك ەڭبەك ينسپەكتورلارى ءبىر كىسىدەي جۇمىلا اتقاراتىن بولادى.
بىرلەسكەن وتىرىستا قارالدى
باعدارلامالىق ماقالا جارىق كورگەن كۇننەن باستاپ ونى تالقىلاۋ ماقساتىندا قالالىق اكىمدىك پەن اكىمدىككە قاراستى مەكەمەلەردىڭ قاتىسۋىمەن 4 رەت بىرلەسكەن وتىرىس وتكىزىلىپتى. بۇعان جۇمىس بەرۋشىلەر, جۇمىسپەن قامتۋ باعدارلاماسىنا قاتىسۋعا نيەتى بار وزگە دە قۇرىلىم وكىلدەرى قاتىسقان. مۇنداي بىرلەسكەن جيىنداردىڭ ماڭىزى زور. ويتكەنى, بوس جۇمىس ورىندارى, قاي مەكەمە قانداي مامانعا ءزارۋ, الداعى ۋاقىتتا قانداي مامانداردى دايارلاۋعا ءمان بەرگەن ءجون دەگەن ماسەلەلەردىڭ ءبارى وسىنداي باس قوسۋلار ناتيجەسىندە ءمالىم بولادى.
جۇمىسپەن قامتۋ جانە الەۋمەتتىك باعدارلامالار باسقارماسىنىڭ «نۇر وتان» حدپ استانا قالالىق فيليالىمەن بىرلەسىپ وتكىزگەن اشىق ەسىك كۇنى ناتيجەسىندە جۇمىسسىز جۇرگەن جاندار قامقورلىققا الىنىپ, ولاردى جۇمىسقا ورنالاستىرۋعا جاعداي جاسالدى. اشىق ەسىك كۇنىنە قالالىق اكىمدىكتىڭ قۇرىلىمدارى مەن پارلامەنت ءماجىلىسىنىڭ دەپۋتاتتارى دا قاتىستى.
*دەرەك پەن دايەك
- 2009-2010 جىلدارداعى جول كارتاسى اياسىندا وقىتۋ كۋرستارىنان وتكەن 1394 ادام تۇگەلدەي جۇمىسقا ورنالاستىرىلدى.
- 2011-2012 جىلدارى 2219 ادام كاسىپتىك وقۋدى ءتامامدادى. ونىڭ ىشىندە باعدارلاماعا قاتىسۋشى 1535 جان جۇمىسقا ورنالاستى, 441-ءى جۇمىسقا ورنالاستىرۋدى قاجەت ەتەدى. 328-ءى بەلگىلى سەبەپتەرگە بايلانىستى جۇمىس ىستەۋدەن باس تارتسا, 104 ادام وقىتۋ كۋرستارىن تامامداعان سوڭ ءوز بەتتەرىنشە جۇمىس ىزدەۋدى ءجون دەپ تاپقان.
- «جۇمىسپەن قامتۋ – 2020» باعدارلاماسىنىڭ ءبىرىنشى باعىتىنا سايكەس استانا قالاسىندا 2012 جىلى 483 ادامدى سۇرانىسقا يە ماماندىقتار بويىنشا وقىتۋ قاراستىرىلعان.
- جۇمىسپەن قامتۋ ورتالىقتارىندا وقىتۋ, تۇراقتى جانە ۋاقىتشا جۇمىس تابۋ, «جۇمىسپەن قامتۋ – 2020» باعدارلاماسى اياسىندا جاستار پراكتيكاسىنا قاتىسۋ ماسەلەلەرىنە قاتىستى 820-دان استام كەڭەس بەرىلدى.
- 352 جۇمىس بەرۋشىمەن نيەت حاتتاماسى جاسالدى.
- جىل باسىنان بەرى ءۇش رەت «بوس جۇمىس ورىندارى» جارمەڭكەسى ۇيىمداستىرىلدى.
- «سيسلاب» جوباسى اياسىندا وقىپ شىققان 200 ادامنىڭ 102-ءى جۇمىسقا ورنالاستى, 9-ى ءوزىنىڭ جەكە ءىسىن اشتى. جوبا بويىنشا جۇمىسقا ورنالاستىرۋ 57,5 پايىزدى كورسەتىپ وتىر.
شىنار دوسان
