كەشە «ىسكەر» بيزنەس ورتالىعىندا «حح عاسىردىڭ 30-جىلدارىنداعى قازاقستانداعى ساياسي قۋعىن-سۇرگىن جانە اشارشىلىق» تاقىرىبىندا عىلىمي-تاجىريبەلىك كونفەرەنتسيا ءوتتى. وعان تاريحشى عالىمدار, قۋعىن-سۇرگىن قۇرباندارىنىڭ ۇرپاقتارى جينالدى.
مەملەكەت تاريحى ينستيتۋتى ديرەكتورىنىڭ ورىنباسارى امانگەلدى قاشقىنباەۆ شارانى اشىپ, 103 مىڭ قازاقستاندىق ساياسي قۋعىن-سۇرگىن قۇرباندارىنا اينالعانىن, ولاردىڭ 27 مىڭى اتىلعانىن ايتىپ, اراسىندا باتىس ۋكراينا مەن باتىس بەلارۋستەن جەر اۋدارىلعان حالىقتار بولعانىن اتاپ ءوتتى. سودان ساباق الىپ, ەشقانداي ارانداتۋشىلىققا جول بەرمەۋىمىز كەرەكتىگىن ايتتى.
تاريحشىلار تاقىرىپتى جان-جاقتى سارالادى. وتارلاۋ سەبەپتەرىنە, بارىسى مەن ناتيجەلەرىنە ءۇڭىلدى. الاش قايراتكەرلەرىنىڭ ءومىرى مەن ەڭبەگى, قاسىرەتتەرى ءسوز بولدى. سونىڭ ىشىندە حايرەتدين بولعانباەۆ پەن سۇلتانبەك قوجانوۆتىڭ تاعدىرلارى جەكە اڭگىمە وزەگىنە اينالدى. ساياسي قۋعىن-سۇرگىن كەزەڭدەرى جونىندە ماعلۇمات بەرىلدى. الاش جانە جەلتوقسان قوزعالىستارى اراسىنداعى ساباقتاستىق ايتىلدى. قۋعىن-سۇرگىنگە ۇشىراعان اقىن-جازۋشىلاردىڭ ءوز شىعارمالارىندا قازاقستاندى قالاي بەينەلەنگەندەرىنە باعا بەرىلدى. سولاردىڭ ءبىرى – تورعاي جەرىندەگى اشارشىلىقتى جىرلاعان كۇدەرى اقىن بولىپتى.
«الجير» مۇراجايى مەموريالدى كەشەنى ديرەكتورىنىڭ عىلىم جونىندەگى ورىنباسارى لاۋرەنسيا ءابدىراحمانوۆا كەشەننىڭ عىلىمي جۇمىستارىمەن تانىستىردى.
امانعالي شميتۇلى
