وسى كۇندەرى ءبىلىم جانە عىلىم مينيسترلىگىنىڭ «مەكتەپكە دەيىنگى بالالىق» رەسپۋبليكالىق ورتالىعىنىڭ ۇيىمداستىرۋىمەن «ءبىز مەكتەپكە بارامىز!» اكتسياسى وتۋدە. ونىڭ ماقساتى – كوپ بالالى وتباسىنان شىققان, مۇگەدەك, سونداي-اق جەتىم مەن اتا-اناسىنىڭ قامقورلىعىنسىز قالعان بالالارعا مەكتەپ تابالدىرىعىنان اتتاۋعا كومەكتەسۋ. ياعني, اتا-انالارعا بالالارىن 1-سىنىپقا دايىنداۋ قاجەتتىلىگىن ءتۇسىندىرۋ, بالانى مەكتەپكە جيناۋعا قاراجاتى جەتپەيتىن وتباسىلارعا قول ۇشىن بەرۋ.
№32 «بالداۋرەن» بالاباقشاسى مەن ونىڭ شاعىن ورتالىعىندا اكتسيانى وتكىزۋ بويىنشا بىرنەشە ءىس-شارا اتقارىلدى.
بالاباقشاداعى 1-سىنىپقا باراتىن بالالارى بار كومەككە مۇقتاج وتباسىلار ايقىندالىپ, ەسەپكە الۋ ماقساتىندا الەۋمەتتىك ساۋالداما جۇرگىزىلدى. كومەك كورسەتەتىن كاسىپكەرلەر مەن دەمەۋشىلەر بەكىتىلىپ, «قامقورلىق» پۋنكتى قۇرىلدى. اتا-انالارعا مەكتەپكە قابىلداۋ ماسەلەلەرى جونىندە اقىل-كەڭەستەر بەرەتىن اقپاراتتىق الاڭدار ۇيىمداستىرىلىپ, «ءبىرىنشى سىنىپ وقۋشىسىنىڭ قيىندىقتارى» اتتى ىسكەرلىك ويىن, «بالاپان» توبىنىڭ اتا-انالارى مەن بالالار اراسىندا «بارلىعىن بىلگىم كەلەدى» ينتەللەكتۋالدى شوۋى وتكىزىلدى.
«مەن ء–بىرىنشى سىنىپ وقۋشىسىمىن» اتتى ۇزدىك سۋرەتكە شىعارماشىلىق بايقاۋ جانە ولەڭدەردى مانەرلەپ وقۋ كونكۋرسى, سالاۋاتتى ءومىر سالتىن قولداۋ ماقساتىندا دويبى ءتۋرنيرى, «سەن بارلىعىن جاساي الاسىڭ!» ەستافەتاسى, ءتۇرلى بايقاۋلار, سۇراق-جاۋاپتار, سپورتتىق سايىستار وتكىزىلدى. اكتسيا بارىسىندا دەمەۋشىلەر مەن وزگە اتا-انالار «قامقورلىق» پۋنكتىنە قارجىلارىن قۇيدى.
اسەل ءنۇسىپوۆا,
№32 «بالداۋرەن» بالاباقشاسىنىڭ قازاق ءتىلى مۇعالىمى.
