3 қарашада «Астана» ұлттық сурет галереясында Қазақстан Республикасы Суретшілер Одағының мүшелері – мүсінші Есімов Еркінбек пен суретші Есімова Алмагул, Астана қаласы суретшілер отбасының жеке көрмесі ашылады. Тәуелсіздігіміздің 25-жылдығына арналған «Өнердегі қос қанат» экспозициясында қыштан жасалған бұйымдар мен мүсіндік топтамалар, кескіндеме туындылар қойылады.
Қос дарынның еңбектері тек қана Қазақстанда ғана емес, сонымен қатар шетелдерде де көпшілік назарына ұсынылып жүр. Кескіндеме мен мүсін бойынша жасаған туындылар ҚР ведомстволық және үкіметтік мекемелерінде және АҚШ, Жапония, Түркия, ҚХР, Германия, Ресейдің жеке топтамаларында да бар.
Қазақстандық көркем суретшілер есімдері «Қазақстан өнері» энциклопедиясы «Көркем сурет» бөліміне енген. Көрме 7 қарашаға дейін жалғасады.
astana.gov.kz
