Астана қаласы Коммуналдық шаруашылық басқармасының су тасқынына қарсы әрекет ету бойынша әзірлеген арнайы кешенді жоспарына сәйкес бүгінгі таңда тиісті жұмыстар жүргізілуде деп хабарлады Астана қаласы әкімінің баспасөз қызметі.
Бүгінгі таңда қалада барлық көшелер, мектеп аулалары, денсаулық сақтау нысандары қардан толық тазартылды.
Мердігерлік ұйымдар қала аумағын ұдайы бақылауда, аудандық әкімдіктерде шұғыл желі телефондары жұмыс істейді.
Су тасқыны кезеңінен бастап қалада 250 930 м3 еріген қар суы сорылды, оның ішінде 28 237 м3 бір тәулік ішінде ғана. 6 690 м3 инертті материалдар дайындалды. 4 034 дана техника су тасқынына қарсы жұмыстарға тартылды, бір тәулік ішінде 443 өтініш қабылданып, барлығына тиісті шаралар қолданылды. Барлығы елорда және жақын маңдағы елді-мекен тұрғындарынан 4541 телефон қоңырауы келіп түсті, соңғы тәулік ішінде бұл көрсеткіш 635 құрады.
Астананың аудан тұрғындарынан 242 қоңырау келіп түскен, соның ішінде Алматы ауданында – 46, Сарыарқа ауданында – 174, Есіл ауданында – 22. Өтінімдердің 100% қабылданып, өңделді.
Есіл өзені бөгетіндегі су деңгейі 160 млн м3, ал жобалық көлемі 450 млн м3 құрайды.
Астана қаласы ТЖД хабарлауынша, 20 сәуірдегі жағдай бойынша, елордадағы су тасқыны жағдайы тұрақты. Астана су қоймасындағы су көлемі – 397 млн м3. Соңғы бір тәулік ішіндегі құйылған су көлемі – 10 млн м3.
