Elordanyŋ 25 jyldyǧyna orai Astana turaly üzdık änderge baiqau jariialanady

Baiqauǧa qatysuǧa barlyq qazaqstandyq sazgerler şaqyrylady. Baiqaudy Astana qalasynyŋ Işkı saiasat basqarmasynyŋ qoldauymen «Elorda Aqparat» mediaserıktestıgı (Qazaqstan Kompozitorlar odaǧymen bırlese) ūiymdastyrady.

Konkursqa Astana turaly memlekettık jäne orys tılderınde jaryqqa şyqqan änder qabyldanady.

Üzdık änderdı belgılı sazgerlerden jäne elordadaǧy osy salanyŋ qūrmettı ökılderınen qūralǧan konkurstyq komissiia aiqyndaityn bolady.

Eŋ üzdık jūmystar Astananyŋ 25 jyldyǧyna arnalǧan än jinaǧyna enetın bolady.

Ötınımder 2023 jyldyŋ 10 mau­symyna deiın myna elektrondyq poşta arqyly qabyldanady: elordainfo23@gmail.com

Ūiymdastyru komitetınıŋ bailanys telefony: 8-778-143-06-11, 8-778-155-61-11 (WhatsApp).

Elordanyŋ 25 jyldyǧyna orai Astanaǧa arnalǧan «El jüregı – Astana» atty respub­likalyq üzdık ­änder bai­qauyn ötkızu qaǧidalary

1-tarau. Jalpy erejeler

• Konkurs Astana qalasynyŋ 25 jyldyq mereitoiyna arnalyp ötkızıledı.
• Konkurstyŋ ūiymdastyruşysy «Elorda Aqparat» JŞS (būdan ärı – konkursty ūiymdastyruşy) bolyp tabylady.

2-tarau. Konkurstyŋ maqsaty men mındetterı

• Astana qalasyn änge qosu arqyly el ışınde keŋınen nasihattau;
• Elorda turaly jaŋa muzykalyq şyǧarmalardyŋ jazyluyna jol aşu;
• Öner tuyndylary arqyly qazaqstandyq patriotizm men ūlttyq mädenietke degen süiıspenşılıktı qalyptastyru;
• Otandyq avtorlardy qoldau;
• Elge, Astanaǧa patriottyq köz­qarastar qalyptastyratyn mädeni önımder jasau.

3-tarau. Konkurstyŋ ötkızılu tärtıbı

• Konkurs 2023 jylǧy 22 mamyrdan bastap 10 mausymǧa deiın ötkızıledı.
• Konkursqa tuyndy avtorlary (būdan ärı – qatysuşylar) qatysady, jas erekşelıkterıne şekteu joq.
• Konkurs nätijesınde qazylar alqasynyŋ oŋ baǧasyna ie bolǧan şyǧarmalar Astananyŋ 25 jyldyǧyna orai jaryq köretın «El jüregı – Astana» atty än jinaǧyna engızıledı.
• Konkursqa ūsynylǧan tuyndylar resenziialanbaidy jäne qaitarylmaidy.
• Konkursqa qatysu üşın qatysuşylar 2023 jylǧy 22 mamyrdan bastap 10 mausymǧa deiın osy qaǧidalardyŋ 1-qosymşasyna säikes mynadai qūjattar men materialdardy qosymşa bere otyryp, ötınım joldaidy:

1) PDF formatynda jeke tūlǧany kuälandyratyn qūjattyŋ köşırmesı;

2) şyǧarmaşylyq ömırbaiany.

Sondai-aq, qatysuşy tuyndy boiynşa ötınımge qosymşa mynadai qūjattardy ūsynady:

• tuyndynyŋ MR3 formatyndaǧy audiojazbasy;
• partitura jäne klavir («Finale» nemese «Sibelius» notalyq redaktorlar nemese JPEG nemese PDF formatyndaǧy basqa notalyq redaktorlar formatynda);
• Ötınımder elordainfo23@gmail.com elektrondy poştasyna joldanady.

Sūraqtar boiynşa üilestıruşı telefondary: 8-778-143-06-11; 8-778-155-61-11.

4-tarau. Ūiymdastyru komitetı

Konkursty ūiymdastyru jäne ötkızu üşın elordanyŋ 25 jyldyǧyna orai Astanaǧa arnalǧan «El jüregı – Astana» atty üzdık änder konkursyn ötkızu jönındegı ūiymdastyru komitetı (būdan ärı – ūiymdastyru komitetı) qūrylady.

• Konkursty jan-jaqty aqparattandyru maqsatynda ūiymdastyru komitetı būqaralyq aqparat qūraldaryna habarlandyrular men habarlamalar ūsynady jäne qaǧidalar «Elorda Aqparat» JŞS-ke qarasty «Astana aqshamy», «Vecherniaia Astana» gazetterı men olardyŋ saittarynda jäne «elorda.info» jelılık basylymynda jariialanady.

5-tarau. Konkurstyŋ qazylar alqasy

• Tuyndylardy baǧalau, sondai-aq, baiqau qorytyndysy turaly şeşımder qabyldau üşın qazylar alqasy qūrylady.

Qazylar alqasy:

• Baiqau qorytyndysy boiynşa jaryq köretın än jinaǧyna enetın tuyndylardy anyqtaidy.
• Qazylar alqasynyŋ qūramy, onyŋ töraǧasyn qosa alǧanda, 5 adam­nan qūralady.
• Qazylar alqasynyŋ şeşımı köpşılık dauyspen qabyldanady. Dauystar teŋ bölıngen jaǧdaida, töraǧanyŋ dauysy şeşuşı bolyp tabylady.
• Qazylar alqasynyŋ şeşımı töraǧa men qazylar alqasynyŋ barlyq qatysqan müşelerı qol qoiatyn hattamamen resımdeledı.

7-tarau. Qorytyndy erejeler

• Osy qaǧidalarda qarastyrylmaǧan barlyq mäseleler Qazaqstan Respublikasynyŋ qoldanystaǧy zaŋnamasyna säikes retteledı jäne şeşıledı.

Respublikalyq «El jüregı – Astana» atty jaŋa öner tuyndylaryna arnalǧan konkursty ötkızu qaǧidalaryna

1-qosymşa nysan

Respublikalyq «El jüregı – Astana» atty jaŋa öner tuyndylaryna arnalǧan konkursqa qatysuǧa ötınım