Jaqynda elordanyŋ bırqatar saiabaqtary men qoǧamdyq keŋıstıkterın aralaǧan qala äkımı Jeŋıs Qasymbek būl oryndarda reviziia jürgızıletının aitty.
Onyŋ aituynşa, saiabaqtarda synǧan oryndar, quraǧan aǧaştar bar, suaru jüiesı barlyq jerde dūrys jūmys ıstemeidı jäne taǧy basqa kemşılıkter jetkılıktı.
– Ärıptesterımmen bırge bırqatar saiabaqtar men qoǧamdyq keŋıstıkterdı, onyŋ ışınde Köktal eldı mekenındegı saiabaqty, Ortalyq saiabaqty, Q.Quanyşbaev atyndaǧy muzykalyq-drama teatrynyŋ ırgeles aumaǧyn aralap şyqtyq. Sondai-aq Aqbūlaq özenın tazartu boiynşa jūmys jospary talqylandy. Qalany kögaldandyru boiynşa auqymdy jūmys jürgızıp jatyrmyz. Mäselen, körıktı oryndar men mädeni nysandarǧa ırgeles aumaqtardy da kögaldandyramyz. Alaida merdıgerlerdıŋ bärı bırdei jauapkerşılıgın sezıne bermeidı. Muzykalyq drama teatry janynda qoǧamdyq keŋıstık salyp jatyrmyz. Qazır aǧaş otyrǧyzu jūmysynda kemşılıkter bar. Būl problemany jaqyn arada retke keltırudı tapsyrdym, – dedı qala äkımı.
Aldaǧy uaqytta qalada qoldanystaǧy saiabaqtar men qoǧamdyq keŋıstıkterge köŋıl bölınıp qana qoimai, jaŋa aulalar men qoǧamdyq keŋıstıkter, gülzarlar men jelekjoldar salynady. Būl elorda tūrǧyndary men qonaqtarynyŋ bos uaqytyn aşyq aspan astynda paidaly ötkızuıne septıgın tigızedı.
