Mektep bıtıruşıler men olardyŋ ata-analaryn ülken äbıgerge salatyn ŪBT uaqyty da jaqyndap keledı. Biyl Astanada ötınımderdı qabyldau nätijesı boiynşa 4106 oquşy jyldyŋ basty emtihanyn tapsyratyny belgılı boldy.
Biylǧy tülekter ŪBT-ny jyldaǧydai L.N. Gumilev atyndaǧy Euraziia ūlttyq universitetı, S.Seifullin atyndaǧy Qazaq agrotehnikalyq universitetı, Qazaq gumanitarlyq zaŋ universitetınıŋ bazasynda tapsyrady. Bıryŋǧai testıleudı 1-7 mausym aralyǧynda ötkızu josparlanǧan. ŪBT synaǧynan ötuge bel bailaǧandardyŋ ışınde 196 tülek «Altyn belgı» medalın aluǧa ümıttı bolsa, 89-y erekşe ülgıdegı attestatty qanjyǧasyna saluǧa qūlşynyp jür. Oraiy kelgende aita keteiık, biylǧy şektı deŋgei de būrynǧyşa 50 ball, osy mölşerlı mejeden asa almaǧandar tamyz aiynda aqyly türde qaita tapsyratyn bolady. Onyŋ qūny – 2242 teŋge kölemınde belgılengen. Qaita testıleuden ötu üşın eŋ aldymen JOO-ǧa ötınış jazyp, tört 3h4 fotosuretın, jeke kuälık pen mekteptı bıtırgenı turaly attestatty qosa ūsynady. Bırınşı testıleu kezınde şektı mölşerdegı balldy jinaǧandar körsetkışın jaqsartu üşın qaitadan ŪBT tapsyra almaidy.
Qazırgı kezde oquşylar arasynda synaq testıleu ūiymdastyrylu üstınde. Sonymen qatar, mektepterde mūǧalımder qosymşa sabaqtar ötkızıp, ärbır tülektıŋ jeke psihologiialyq daiyndyǧyna basa nazar audaruda.
ŪBT qarsaŋynda mūǧalımder, ata-analar jäne mektep tülekterımen aqparattyq-tüsındıru jūmystary jürgızılgen.
