Astana qalasy Memlekettık arhivınıŋ ūiymdastyrumen qala äkımdıgınıŋ «Naz» memlekettık bi teatrynyŋ negızın qalauşylar, Qazaqstannyŋ Mädeniet qairatkerı Erkebūlan Aǧymbaev pen teatrdyŋ körkemdık jetekşısı – bas baletmeisterı, Qazaqstannyŋ eŋbek sıŋırgen qairatkerı Qadişa Aǧymbaevanyŋ otbasylyq arhiv qoryn tapsyru ıs-şarasy öttı.
Astana qalasy Memlekettık arhivı direktory Berık Törebekov būl ıstıŋ keleşek ūrpaqqa mänı zor ekenın, Astana qalasynyŋ Memlekettık arhivı qorlary üşın asa qūndy derekközı bolyp esepteletının atap öttı.
– Saryarqa tösıne elordanyŋ köşuıne barlyq sala mamandary atsalysty. Öner adamdary da syrt qalǧan joq. Erkebūlan, Qadişa Aǧymbaevtar – Astananyŋ mädenietın köteruge, onyŋ ışınde horeografiia salasyn damytuǧa bılek sybana kırısken azamattar. Tyŋnan türen salyp, jaŋa baǧyt, ülken ızdenısterge bardy. «Naz» bi teatry – tek el ışınde ǧana emes, düniejüzın aralap, bırneşe memleketke gastroldık saparmen baryp, qazaqtyŋ ūlttyq bi önerın paş etken käsıbi ūjym. 1998 jyly ırgetasy qalanǧan teatrda bügınde teatrmen qūrdas önerlı jastar eŋbek etude. Şirek ǧasyr boiy būl ūjym biık belesterdı baǧyndyryp keledı. Keleşekte ǧalymdar bi önerın zerttegende, «Naz» teatry turaly ǧylymi jūmystar jazǧanda, mūraǧattan tauyp alary sözsız, – dedı pedagogika ǧylymdarynyŋ doktory, professor, Qazaqstannyŋ eŋbegı sıŋgen qairatkerı Tıleuǧali Qyşqaşbai.
Is-şarada Erkebūlan Aǧymbaev «Naz» teatrynyŋ qūrylu tarihyn eske aldy. Al Qadişa Aǧymbaeva teatr repertuarynda bi qoiylymdarynan bölek, bırneşe horeografiialyq spektakl baryn aita kele, respublikamyzda qanşama bi ūjymy bolsa da, «Nazdyŋ» özındık qoltaŋbasy qalyptasqanyn, osy künge deiın teatrda bilegen bişıler sany 200-den asqanyn, sonyŋ ışınde öz mektepterın aşqandar bar ekenın aitty. «Naz» memelkettık bi teatrynyŋ arhivisı, Arhiv salasynyŋ üzdıgı Zaira Habdullina arhivke tapsyrylǧan materialdar «Aǧymbaevtardyŋ otbasylyq qory» dep atalǧanmen, tūtastai «Naz» memeleketık bi teatry tarihy men önerı turaly syr şertetının atap öttı. Astana qalasy Memlekettık arhivı ǧylymi-zertteu jäne aqparattyq jūmysy qyzmetınıŋ basşysy Ǧaziza İsahan Astana qalasynyŋ qūrylu tarihy bas qalanyŋ öner ūjymdary tarihymen ajyraǧysyz ekenın aityp, Erkebūlan men Qadişa Aǧymbaevtardyŋ qūjattary arqyly «Naz» memlekettık teatrynyŋ tarihyn da bıluge bolatynyn jetkızdı.
Tolqyn Sūltan
