Analar dän riza boldy
Astana qalasyndaǧy Auǧanstan soǧysynda qaza bolǧan jauyngerlerge arnalǧan eskertkış-memorial alaŋynda eske alu mitingısı öttı. 1979 jyldyŋ 25 jeltoqsan künı Keŋes äskerınıŋ şekteulı kontingentınıŋ jauyngerlerı Auǧanstan elıne kırgen bolatyn. Sodan berı osy kün sol soǧysta qūrban bolǧan sarbazdardy eske alu künı bolyp qalyptasqan.
Astana qalasy äkımdıgı, qalalyq mäslihat, «Nūr Otan» partiiasynyŋ qalalyq filialy ökılderı, jauynger-internasionalister, Auǧanstan soǧysynda qaza bolǧan jauyngerlerdıŋ ata-analary, äskeriler men student jastar qatysqan jiyn aiasynda alǧaş ret «Janqiiar rota» respublikalyq aksiiasy ūiymdastyryldy. Jyldaǧy dästürmen meşıtte jäne şırkeude soǧys bozdaqtaryna qūran baǧyştaǧan jauynger-internasionalister osy joly qaza bolǧan jerlesterdıŋ beinesuretterın alyp jürdı.
Mitingtı aşqan Astana qalasynyŋ «Auǧanstan soǧysy mügedekterı men ardagerlerı odaǧy» QB töraǧasy Serık Kenjebekov eske alu künınıŋ män-maǧynasyn qysqaşa baiandap berdı. Astana qalasy mäslihatynyŋ deputaty, «Nūr Otan» partiiasy qalalyq filialy töraǧasynyŋ orynbasary Meirambai Oralov jinalǧan qauym aldynda Auǧanstanda bolǧan jaǧdaidyŋ tarihtaǧy ornyn, ondaǧy qazaqstandyq jauyngerlerdıŋ erlıgı halyq jadynan öşpeitının, jauynger-internasionalisterdıŋ qalalyq ūiymy elordamyzdaǧy qoǧamdyq şaralarǧa belsendı qatysuşy ekenın atap öttı. Auǧanstan dalasynda dūşpan qolynan qaza bolǧan jauyngerlerdıŋ analary Peişenkül Toqmaǧanbetova men Nina Fedorovna Nesterova jürekjardy sözderın aityp, qanşama jyldar ötse de soǧys dalasynan qaitpaǧan balalarynyŋ atyn ardaqtap jürgen jauynger-internasionalisterge, bilık organdary men qoǧamdyq ūiymdardyŋ ökıderıne rizaşylyqtaryn bıldırdı.
Eskertkışke gül şoqtaryn qoiu räsımınen keiın analar «Auǧanstan soǧysy mügedekterı men ardagerlerı odaǧy» ūiymynda qonaqta boldy. Dämdı şäi üstınde estelıkter aitylyp, än şyrqaldy. Ūiym atynan berılgen syilyqtar üşın analar tıpten dän riza boldy.
Ǧalym QOJABEKOV