Jaqynda Qazaqstan Respublikasynyŋ Memlekettık hatşysy G.Äbdıqalyqovanyŋ töraǧalaǧymen Qazaqstan halqy assambleiasy jylyn ūiymdastyru jäne ötkızu jönındegı memlekettık komissiiasynyŋ keŋeitılgen otyrysy öttı.
Keŋes jūmysyna Memlekettık komissiianyŋ müşelerı, Parlament deputattary, memlekettık organdardyŋ ökılderı, respublikalyq etnomädeni bırlestıkterdıŋ basşylary, QHA ǧylymi-saraptamalyq keŋesınıŋ müşelerı, būqaralyq aqparat qūraldarynyŋ ökılderı qatysty.
«Bız bügın Elbasynyŋ 2014 jylǧy 29 tamyz küngı Jarlyǧymen jariialanǧan 2015 – Qazaqstan halqy assambleiasy jylyn ūiymdastyru jäne ötkızu jūmysyn üilestıruşı keŋesşı organ – Memlekettık komissiianyŋ alǧaşqy otyrysynda bas qosyp otyrmyz. Osy komissiianyŋ keŋesıp qabyldaǧan şeşımderı, tiımdı ūsynymdary elımız üşın, Qazaqstannyŋ älemdık örkeniettegı bedelın arttyru üşın maŋyzdy da jauapty jylǧa arnalǧan şaralardyŋ maǧynaly, sapaly ötuıne öz ülesın qosady dep senemın» dedı Memlekettık hatşy Gülşara Äbdıqalyqova jinalǧan qauym aldynda.
Jiyn barysynda 2015 jylǧa mejelengen Qazaqstan halqy assambleiasy jylyn ūiymdastyru jäne ötkızu jönındegı ūlttyq ıs-şaralar josparyn ıske asyru, Qazaqstan Respublikasy Konstitusiiasynyŋ 20 jyldyǧyna arnalǧan ıs-şaralardy ūiymdastyru boiynşa daiyndyq mäselelerı qaraldy.
Memlekettık komissiianyŋ müşelerı Qazaqstan halqy assambleiasy jylyn ötkızu tūjyrymdamasyn, Qazaqstan halqy assambleiasy jylynyŋ emblemasynyŋ (logotip) jäne mereitoilyq medal eskizderınıŋ ülgılerın bekıttı.
Sonymen qatar, QR Konstitusiiasynyŋ 20 jyldyǧyn, Qazaq handyǧynyŋ 550 jyldyǧyn, Jeŋıstıŋ 70 jyldyǧyn qosa alǧanda, 2015 jylǧa arnalǧan mereitoilyq ıs-şaralardyŋ josparlaryn ıske asyru boiynşa memlekettık organdardyŋ jūmysyn üilestıru jäne özara ıs-qimyldaryn ūiymdastyru mäselelerı talqylandy.
Aigül UAISOVA
