Astana investisiialar tartu, käsıpkerlıktı, infraqūrylymdy damytu jäne jaŋa tehnologiialardy engızu jūmystaryn jalǧastyrady.
Astana äkımı Äset İsekeşev pen «Bäiterek» ŪBH» AQ Basqarma töraǧasy Erbolat Dosaev osyndai uaǧdalastyqqa qol jetkızdı. Taraptar şaǧyn jäne orta biznestı damytu baǧdarlamalaryn, investisiialar tartu, tūrǧyn üi qūrylysy mäselelerın jäne bırlesken jūmystyŋ basqa da baǧyttaryn söz ettı. Būl turaly qala äkımdıgınıŋ baspasöz qyzmetı habarlady.
Aita keteiık, Astanada industriialandyru baǧdarlamasy belsendı ıske asyrylyp keledı. «Astana – jaŋa qala» arnaiy ekonomikalyq aimaǧy aumaǧynda ÜİİDMB 2010-2014 jyldarǧa arnalǧan bırınşı bes jyldyq aiasynda 22 joba tapsyryldy, 3000-ǧa juyq jūmys orny aşyldy.
Sonymen qatar, «Biznestıŋ jol kartasy – 2020» baǧdarlamasy qolǧa alynǧaly jalpy qūny 94,2 mlrd teŋgenı qūraityn 531 joba maqūldandy, 8000-nan astam jūmys orny saqtalyp, 4300 jūmys orny jaŋadan aşyldy.
Äkımdık pen holdingtıŋ arasyndaǧy yntymaqtastyqtyŋ basty baǧyttarynyŋ bırı – şaǧyn jäne orta biznestı qoldau. JÖÖ-degı ŞOB-tyŋ ülesı boiynşa Astana elımız boiynşa bırınşı orynda. «Bäiterek» ŪBH osy baǧytta yntymaqtastyq ornatuǧa bolatyn ekı bastama köterdı.
Holding pen äkımdık memlekettık jekemenşık ärıptestık salasyndaǧy yntymaqtastyqty damytu turaly kelıstı. Atap aitqanda, MJÄ mehanizmın balabaqşalar, auruhanalar jäne basqa da nysandar qūrylysy barysynda qoldanu mäselesı talqylandy.
Sonymen qatar, qoljetımdı tūrǧyn üi salu boiynşa jūmystar da qolǧa alynbaq. 2015 jyly «Arendalyq tūrǧyn üi» baǧyty boiynşa «Qazaqstan ipotekalyq kompaniiasy» AQ jalpy audany 56,7 myŋ şarşy metrdı qūraityn 10,8 mlrd teŋgenıŋ 853 päterın salu jäne satyp alu boiynşa kelısımge qol qoiyldy, qūrylys-montajdau jūmystaryn aiaqtau merzımı – 2016 jylǧy jeltoqsan.
Sondai-aq, «Bäiterek development» AQ jelısı boiynşa arendalyq jäne nesiege tūrǧyn üi saludy qarjylandyru belsendı türde jürgızılude.
«Jergılıktı atqaruşy organdar arqyly nesielık tūrǧyn üi» baǧyty boiynşa äkımdık arqyly nesielık tūrǧyn üi qūrylysyn qarjylandyru ainalym merzımı 2 jylǧa deiıngı obligasiialar şyǧaru arqyly jüzege asyrylady. 2016 jylǧy 30 mausymda «Bäiterek development» AQ 1,7 mlrd teŋgenıŋ alǧaşqy obligasiialaryn satyp aldy.
– Äkımdıktıŋ ekonomika basqarmasynyŋ jūmysynyŋ üilesımdılıgın erekşe atap ötpekpın, ol «Qazaqstan qor birjasy» AQ alaŋynda alǧaşqy bolyp obligasiialardy şyǧaryp, qarajat aldy, – dedı Erbolat Dosaev.
Öŋırlerdı damytu baǧdarlamasy aiasynda Tūrǧyn üi qūrylys jinaq bankı men Astana qalasynyŋ äkımdıgı arasynda «Halyqtyŋ barlyq sanatyna arnalǧan tūrǧyn üi» jelısı boiynşa 3328 päterlık 14 üidı salu men ötkızu boiynşa yntymaqtastyq turaly kelısımge qol qoiyldy. Bügınde 2321 päterlık 10 tūrǧyn üi paidalanuǧa berıldı. Tapsyrylǧan päterlerge 29 639 ötınış qabyldandy. Baǧdarlama jüzege asqaly tapsyrylǧan 2 321 päter üşın Astana qalasynyŋ äkımdıgıne 15 594 mln teŋge qarjy audaryldy.
– Memleket basşysy aitqandai, Astana şaǧyn jäne orta biznesı damyǧan «aqyldy qalaǧa» ainaluy tiıs. Sondyqtan investisiialar tartu, käsıpkerlıktı qoldau mäselelerı boiynşa bız «Bäiterek» holdingımen ıs-äreketter josparyn, qandai baǧdarlamalar boiynşa bırge jūmys ısteitınımızdı talqyladyq. Būl rette jeke investisiialar men MJÄ tetıkterın barynşa paidalanatyn bolamyz, – dedı qala basşysy Äset İsekeşev.
Keŋes qorytyndysy boiynşa «Bäiterek» holdingı men Astana äkımdıgı qyrküiek aiyna qarai egjei-tegjeilı ıs-äreketter josparyn äzırleu turaly kelıstı.
