Esıl audanynda bırneşe jyldar boiy «Nūr Otan» partiiasynyŋ «Ardagerlerdı ardaqtaiyq» atty jobasy sättı ıske asyp keledı. Onyŋ aiasynda Ūly Otan soǧysy ardagerlerıne, tyl eŋbekkerlerıne, az qamtylǧan jäne jalǧyzbasty zeinetkerlerge kömek körsetılude.
Osy jobada «Nūr Otan» partiiasynyŋ «Bırlık» filialynyŋ töraǧasy Abai Bisembaevtyŋ ünemı belsendılık tanytyp otyrǧanyn erekşe atap ötuge bolady. Bızdıŋ audandyq keŋes filial belsendılerımen bırlesıp Jeŋıs künıne, Täuelsızdıktıŋ 25 jyldyǧyna arnalǧan «25 igı ıs», qarttar künı men basqa da aituly merekelerge orai bırqatar ıs-şara ötkızdı.
«Bırlık» filialynyŋ bastauyş partiialyq ūiymdaryna Esıl audanynyŋ 62 zeinetkerı bekıtılgen. Olardyŋ bärıne tūraqty türde azyq-tülık qapşyqtary, därı-därmek, aqşalai kömek jäne basqa da kömek körsetılıp keledı.
Aǧymdaǧy jyldyŋ mausym aiynda Esıl audanynyŋ 15 ardagerı Qazaqstan Respublikasy Prezidentınıŋ ıs basqarmasyna qarasty Medisinalyq ortalyǧynyŋ «Balqaş» em-sauyqtyru keşenınde tegın oŋaltu emın alyp şyqty.
«Balqaş» keşenınıŋ basşylary orynǧa kelgen uaqytta ardagerlerdıŋ, «Nūr Otan» partiia ökılderınıŋ jäne sanatorii qyzmetkerlerınıŋ qatysuymen döŋgelek üstel ötkızdı. Alǧaşqy söz kezegın sanatorii direktory M.T.Şalov, «Medisinalyq ortalyq» alǧaşqy partiialyq ūiymynyŋ töraiymy A.Q. İsqaqova, «Nūr otan» partiiasynyŋ Priozersk qalalyq filialy töraǧasynyŋ bırınşı orynbasary D.O. Diusembaeva, «Esıl» audanynyŋ ardagerler Keŋesınıŋ töraiymy R.T. Atyǧaeva, Ūly Otan soǧysynyŋ ardagerlerı A.M. Botev, L.M. Kartauzov jäne tyl ardagerlerı K.T. Omarov, K.A. Taukenov, T.B.Qūlyias söz söiledı.
Döŋgelek üstel aiaqtalǧan soŋ, qadırmendı qonaqtar konsertke şaqyryldy.
Adamnyŋ tırek-qozǧalysy jüiesın nyǧaituǧa jäne basqa da aurulardan qūtylu üşın sanatoriida dene şynyqtyru em zaly tolyq jabdyqtalǧan. Emnıŋ sättı ötu üşın är em aluşyǧa därıger därılerdı qabyldau prosedurasyn, tamaqtanu, ūiqy jäne demalu boiynşa jekelegen tärtıbın belgıleidı.
Sanatoriida em alǧan uaqyt ışınde medisinalyq proseduralardan basqa, ardagerler üşın Balqaş kölınıŋ boiynda keşkı uaqytta qaiyqpen seruendeu, Priozersk qalasynyŋ «Jauynger daŋqy» muzeiıne baru, balyq aulau, şahmat, biliard, bassein, konserttık baǧdarlamalar jäne basqa da bos uaqytty ūiymdastyru boiynşa ıs-şaralar ūiymdastyryldy. Şämşı Qaldaiaqovtyŋ süiıktı änderı aityldy, ärtısterdıŋ önerı men kinofilmder körsetıldı.
Är ardager turaly derektı film tüsırıldı, üige oralǧan soŋ ärbırıne estelık diskter taratyldy.
Ūiymdastyruşylardyŋ aituy boiynşa demalys atalǧan aksiia aiasynda partiia müşelerınıŋ müşelık jarna esebınen tölengen.
Demalystan oralǧan ardagerlerdıŋ atynan «Bırlık» filialynyŋ atyna körsetılgen qamqorlyq pen yqylas üşın 83 jastaǧy ŪOS ardagerı, Sosialistık Eŋbek erı Leonid Kartauzov öz alǧysyn bıldırdı: «Bızdıŋ basymyzdy qosu – būl jaqsy ideia. Osy jerde jinalǧan qauymmen bailanysty jyly estelıkter bar. Üide otyrǧandy ūnatpaimyn. Menı ünemı mektepterge balalarmen kezdesuge şaqyryp otyrady. Osyndai ıs-şaralarǧa ünemı qatysyp otyramyn. Maǧan osyndai ūsynysty jasaǧanda, men quana kelıstım. Öitkenı būl jaqsy mümkındık – em alasyŋ, dem alasyŋ jäne joldastarmen kezdesesıŋ» dep aǧynan jaryldy daŋqty diqan.
Esıl audandyq Ardager keŋesınıŋ atynan ǧana emes, jalpy zeinetkerlerdıŋ atynan «Bırlık» belsendılerıne aǧa ūrpaq üşın jasaǧan jaqsylyǧy men qamqorlyǧyna alǧysymyzdy bıldıremız.
Rysty ATYǦAEVA,
Astana qalasy
Esıl audanynyŋ Ardagerler
keŋesınıŋ töraiymy
