«Kongress-holl» saraiynda Astana qalasy äkımdıgınıŋ qoldauymen elordanyŋ tuǧan künıne arnalǧan «Baǧanaly ordam – basty ordam» atty respublikalyq aitys dürkırep öttı. Alaman saiystyŋ aldynda Astana qalasy äkımınıŋ orynbasary Ermek Amanşaev jinalǧan qauymdy elordamyzdyŋ töl merekesımen qūttyqtap, aitysker aqyndarǧa sättılık tıledı.
Babadan qalǧan baǧzy önerdıŋ damuyna üles qosyp, aitystyŋ «atasy» atanǧan körnektı aqyn Jürsın Erman aituly aitys taqyrybyn aişyqtap, araily Astana turaly jürekjardy lebızın bıldırıp, aqyndarǧa aq batasyn berdı.
Elorda merekesı aiasynda jyl saiyn dästürge ainalǧan şaraǧa biyl şaşasyna şaŋ times jüirıktıgımen tanylǧan on ekı aqyn qatysty. Olar Esıldıŋ jaǧasyna qonys tepken elordanyŋ kelbetı men jetıstıgın öleŋmen örnektep, körkem sözdıŋ kestesın tüzdı. Täuelsızdıktıŋ de tuyn jelbıretıp, jyrǧa qosty.
Bügınde aitystaǧy orta buyn ökılı atanyp qalǧan talantty aqyn Aibek Qalievtıŋ de şabysy babynda eken. Al Meiırbek Sūltanhan, Aspanbek Şūǧataev, Erkebūlan Qainazarov sekıldı jas perılerdıŋ qiynnan qiystyryp aitqan örnektı sözderı jūrtşylyqtyŋ delebesın qozdyrdy. Sara Toqtamysova da Sara apasynyŋ ızın jalǧap, tamaşa aitystyŋ örnegın körsettı.
Aqyndardyŋ önerın baǧalap, saralap otyrǧan qazylar alqasy da kıleŋ myqtylardan qūralǧan. Daryndy aqyn Amanjol Ältaev bastaǧan qazylar qūramynda Qazaqstannyŋ halyq aqyny Qonysbai Äbıl, äigılı jyrau Almas Almatov, aitys turaly ǧylymi eŋbek jazyp, doktorlyq dissertasiia qorǧaǧan ǧalym Qoilybai Asanov, belgılı aqyndar Däuletkerei Käpūly men Serıkzat Düisenǧazin sekıldı sözdıŋ dämı men bäsın bıletın azamattar jinalǧan.
Sonymen bas qalany jauhar jyrǧa bölegen aitys keş aiaqtalǧandyqtan, bız gazetımızdıŋ aldaǧy sanynda oǧan tereŋırek toqtalyp, onyŋ jüldegerlerı turaly keŋırek söz qozǧamaqpyz.
AZAMAT ESENJOL
