ÄR BALANYŊ BIR BAQYTY BAR
N.BAIYRBEK: Bala dese et-jüregı eljıremeitın adam kemde-kem. Bız solai oilaimyz. Äitse de, balany ärkım ärqalai süiedı eken.
Keiıpkerımız, ekı bırdei mügedek balany mäpelep ösırıp otyrǧan jas ana Äigerım Asanovany tyŋdap körelık.
Ä.ASANOVA: Menıŋ ekı balam bar. Bıraq, ekeuın bosanǧan kezde de densaulyǧynda kemıstıkter bolyp tuyldy. Bırınşı balam düniege kelısımen, ekı künnen keiın onyŋ «qasqyrauyz» ekenı anyqtaldy. Iаǧni, auyz quysyndaǧy üstıŋgı taŋdaiy joq eken. Därıgerler tekserdı, genetikalyq jaǧynan eşqandai kıltipan taba almady. Söitıp, joldasymyz ekeumızdıŋ qanymyz säikes kelmeidı dep aitty. Ony da tekserttık. Bıraq, keiın ol da rastalǧan joq. Sonymen, taǧdyrdyŋ jazǧany şyǧar dep, köŋıldegı kırbıŋdı elemeuge tyrystyq. Balamyzdyŋ auzyna ota jasatu üşın jügırdık. Söitıp ülken qyzymyz on bır ailyq bolǧanda bırınşı ret Ana men bala ortalyǧynda ota jasattyq. Hirurg därıger ota jasatyp jatqan ata-analardyŋ bärı pälenbai dollardan tastap ketetının aityp, bızge emeurın tanytumen boldy. Şamamyzǧa qarai bız de aqşa berdık. Kvotamen barǧan bolsaq ta. Alaida, arada bırneşe ai ötkende ota jasap, tıkken auyz quysyndaǧy taŋdai etı qaitadan jyrtylyp kettı. Ota sätsız boldy. Söitıp, bır jyldan keiın qaitadan ota jasatuǧa tura keldı… Būl uaqytta men ekınşı balaǧa jüktı bolatynmyn. Ony aldyrǧym kelgen joq. Öitkenı, säbidı Allanyŋ bergen bır syiy dep qabyldadym. Ol bala jetı ailyǧynda düniege keldı. Iаǧni, şala tuyldy. Ökınışke qarai, ekınşı qyzymnyŋ da damuy oidaǧydai bolmai şyqty. Därıgerler säbi tuylǧanǧa deiın eşteŋe anyqtap, eşteŋe aitpaǧan soŋ būl men üşın kütpegen jaǧdai edı. Balany körgende özım şoşyp kettım. Öitkenı, onyŋ oŋ qolynda tört sausaq, al aiaqtarynda taǧy da solai bırıgıp bıtken sausaqtar boldy. Ekı aiaǧynda da sondai kemıstıkter bar. Därıgerler şala tuǧandyqtan, qyzymdy jan saqtau bölımıne alyp kettı. Keiın ony köruge barǧanda auyr küige tüstım. Bölımdegı bas pediatr menı kabinetıne şaqyryp, otyrǧyzyp qoiyp, jekıre söiledı. «Bırınşı balaŋ auru bola tūra ekınşı balany nege köterdıŋ? Bırınşı balaŋ da, ekınşı balaŋ da auru. Erteŋ ösken soŋ olar senı kınälaityn bolady. Aldy-artyŋdy nege oilamadyŋ? Endı sen jaǧdaidy uşyqtyrma, baladan bas tartu qaǧazyn jaz da, osynda qaldyryp ket. Ol erteŋ adam bolmaidy. Tıptı, tırı bolsa da, ne jüre almai, ne söilei almai, miy damymai, mügedek bolyp qalady» dedı. Men qoryqqanymnan anama telefon şaldym. Jaǧdaidy aittym. Anamnyŋ bır qūrbysy bolatyn, mügedek qyzy bar edı. Jasy on törtke kelse de, älı künge tösekte jatatyn. Mi jaǧynan damymai qalǧan. Ne jürmeidı, ne söilemeidı. Sol bala üşın küieuı otbasyn tastap ketken. Anam sol äieldı esıme salyp, özınıŋ men üşın alaŋdaitynyn aitty. Söitıp: «eger därıgerler balany tastap ket dese, tastap ket. Men senıŋ ömır boiy mügedek balamen arpalysyp ötkenıŋdı köre almaimyn. Men de anamyn, sen balany oilasaŋ, men senı oilaimyn», – dedı anam. Būdan soŋ ūzaq oilandym. Bır jaǧynan qatty qoryqtym. Balanyŋ bolaşaǧy joq bolsa, onda nesıne ony alyp ketıp, bauyr basyp, özımdı qinauym kerek dedım. Säbidıŋ ömır süretınıne sengen joqpyn. Söitıp, balany şynymen qaldyryp ketuge bel budym… Ekı-üş kün şydadym. Balamdy köruge barmai qoidym. Üşınşı künı jan saqtau bölımınıŋ bas pediatry maǧan keldı de, baladan bas tartu qaǧazyn jaz dedı. Men qaitadan oilandym. Sol sät anammen ǧana söilesıp otyrǧanmyn. Bıraq ta soŋǧy sätte anam da öz oiyn jasyrmady. Qanşama jetım balalardyŋ şeteldıkterge berılıp jatqanyn, auru balalardyŋ donorlyq maqsatta paidalanyluy mümkın ekenın aityp, jylady. Men sol sätte balamdy soŋǧy ret körıp qalaiynşy dep, reanimasiiadaǧy säbi jatqan şynynyŋ qasynda jylap tūrǧanmyn. Şala tuylǧan säbi öte kışkentai edı. Bıraq dem alyp, ūiyqtap jatty. Şynymen balamdy ösırıp, organdaryn alyp saudaǧa salyp jatsa, ne bolady degen oi menıŋ jüregımdı ūşyrdy. Qanşa degenmen, ışten şyqqan balam emes pe, özımnıŋ qalai qatygez oilarǧa berılıp ketkenıme ökınıp, taǧy da jylap aldym. Söitıp, balamdy qaldyrǧym kelgen joq. Därıgerdıŋ äkelıp qaldyrǧan qaǧazyn jyrtyp tastadym da, balamdy alyp ketetınımdı aittym…
R.JŪMABEKOVA: Qazır joldasyŋyzben bırge tūrasyz ba?
Ä.ASANOVA: İä.
R.JŪMABEKOVA: Kışkentaiyŋyz qazır neşede?
Ä.ASANOVA: Üş jarym jasta.
R.JŪMABEKOVA: Bala söilei me?
Ä.ASANOVA: Allaǧa şükır, söileidı. Ekı jasynan bastap jürdı. Bıraq, ekı jasqa deiın balanyŋ özdıgınen jüre almai jatqanyn körıp, mügedektıkke şyǧaruǧa talpynǧanymda köptegen qiyndyqtarǧa tap boldym. Därıgerler balany mügedekke jatpaidy dep, bet baqtyrmady. Bıraq onyŋ aiaǧynyŋ kemıstıgı bır bölek, qolynda tört sausaq qana bar, öz betınşe ne qasyq, ne qalam ūstai almaidy ǧoi. Osyny aityp, qanşa jügırsem de, eŋbekke jaramdylyq jaǧdaiyn tekseretın sarapşy-därıgerler balany mügedekter qataryna jatqyzǧan joq. Ol kezde men tıptı qyzymnyŋ jürıp ketetınıne de közım jetpeitın edı. Bır aiaǧy qysqalau. Söitıp, anda jügırıp, mynda jügırıp, amalsyz sol kezdegı Ükımet basşysy Kärım Mäsımovke hat jazdym. Ekı balamnyŋ jaǧdaiyn aityp, ekeuın de mügedekter qataryna qospai otyrǧanyn aityp, şaǧyndym. Sodan keiın ǧana älgı ortalyqtyŋ sarapşy därıgerlerı habarlasyp, ekı balamdy da mügedektıkke şyǧaryp berdı.
Jalpy men ülken qyzyma ekınşı ret ota jasatqanda, Allaǧa şükır sättı öttı. Qazır qyzym bes jasqa taiady. Soŋǧy jyldary äiteuır sözderın tüsıne bastadyq. Özgeler tüsınbese de, äkesı ekeumız ūǧamyz. Sondyqtan, ol balany mügedektıkten şyǧarǧan. Al ekınşı qyzyma älı ota jasatqan joqpyz. Öitkenı, aiaǧyn basyp, endı ǧana jürıp jürgen soŋ, qorqyp otyrmyn. Otadan soŋ qaitadan jatyp qala ma dep qauıptenemın.
R.JŪMABEKOVA: Negızınde, halyqtyŋ ǧasyrlar boiǧy jinaǧan täjıribesı boiynşa, sızdıkı dūrys. Bala bes jasqa deiın ösıp-önıp, tärbie alyp, alǧaşqy qalyptasu kezeŋınen ötuı kerek eken. Sondyqtan, älgındei ülken otaǧa bes jastan soŋ aparǧan dūrys ta şyǧar.
Özderıŋız qai jaqtan keldıŋızder?
Ä.ASANOVA: Köbısı bızge «Semei jaqtan kelgen joqsyŋdar ma?» dep jatady. Bıraq, bız ol aimaqtan emespız. Men oŋtüstıktenmın. Joldasym Qaraǧandydan. Bıraq bız bärınen sūrastyryp jürmız, ata-babalarymyzda mūndai kemıstıkter bolǧan emes. Tuystarymyzdyŋ arasynda da ondai joq.
R.JŪMABEKOVA: Ras, ekologiianyŋ saldarynan dep tapsa, bärı Semei jaqty oilaidy. Bıraq Semeiden de basqa jerlerde ekologiialyq problema köp.
N.BAIYRBEK: Rysty Maǧauiiaqyzy, sızge bır sūraq. Äigerım Mäsımovke hat jazǧanǧa deiın balany mügedektıkke şyǧara almai keldım dep otyr. Onyŋ aiaq-qolyndaǧy kemıstıkterge qaramai, tekseruden keiın därıgerler sau adamnyŋ qataryna jatqyzyp otyrǧan. Iаǧni, kemıstıkpen tuylǧan balanyŋ kıltipansyz damitynyna senım bıldırgen. Osy qanşalyqty zaŋdy?
R.JŪMABEKOVA: Būl jerde, söz joq, balanyŋ qūqy būzylǧan. Nege deseŋız, onyŋ tua bıttı kemıstıkterın közben köre otyryp sarapşy därıgerlerdıŋ mügedektıktı rastamaǧany dūrys bolmaǧan.
L.QOIŞİEVA: Ärine, qūqy būzylǧan. Al mügedektıkke şyǧarsa, ol balany asyrauşy adamǧa az da bolsa äleumettık kömek bolar edı ǧoi.
N.BAIYRBEK: Jalpy mügedektıkke şyǧaru mäselesınde osyndai qisynsyzdyq köp bolyp tūratynyn bılemız. Al balalarǧa qatysty mūndai qūqyq būzuşylyq bızde, Astana qalasynda qanşalyqty jiı oryn alady?
R.JŪMABEKOVA: Men ony naqty aita almaimyn. Nege deseŋız, bızge şaǧymdanǧan nemese osyndai oqiǧanyŋ tırkelgen kezı bolǧan joq. Bıraq, būl balanyŋ qūqy müldem būzylmaidy degendı bıldırmeidı. Menıŋ oiymşa, äsırese balany mügedektıkke ötkızu mäselesınde aldymen balanyŋ äleumettık jaǧdaiyn oilau kerek. Äleumettık jaǧdaiyn jasau degen – ol balanyŋ qūqyn qorǧau degen söz. Iаǧni, ol densaulyǧyna ǧana qatysty mäsele emes. Sol sebeptı de, qazır medisina salasyna äleumettık jaǧdai degen ūǧym engızılıp jatyr.
Ekınşıden aitqym keletını, köp jaǧdaida bızdegı ata-analar balanyŋ qūqyna tym selqos qaraidy. Köbınese kelmeidı, mäselenı aitpaidy. Mynadai jaǧdaida da, keŋes ökımetınen kele jatqan ūǧym bolsa kerek, memlekettık mekeme aitsa boldy, soǧan senıp, bas şūlǧyp jüre beremız. Dūrysy, Äigerım sekıldı, balanyŋ qūqyn talap etıp, tiıstı oryndarǧa hat jazyp, jügıru kerek. Ärkım qai jerde bolsa da balasynyŋ qūqyn qorǧai bıluı qajet.
Būl jerde, mysaly, Äigerımnıŋ ekı balasynan da bas tartpai, mäpelep, ösırıp otyrǧany – özgelerge ülgı bolatyn jaǧdai.
L.QOIŞİEVA: Būl – ülken erlık.
R.JŪMABEKOVA: İä, erlık. Negızınde, balanyŋ qūqyn qorǧau degen otbasynan bastalady. Tıptı, säbi ananyŋ qūrsaǧynda jatqan kezden bastap onyŋ bolaşaǧyn oilap, bala baqyty üşın kürestı bastau qajet.
L.QOIŞİEVA: Bızde osyndai kemıstıgı bar balalardy gimnastikamen nemese basqa da şaralar arqyly damytuǧa, olarmen jūmys ısteuge arnalǧan ortalyqtar bar ma? Olar tegın jūmys ıstei me?
R.JŪMABEKOVA: Bar. Astanada balalarǧa arnalǧan üş oŋaltu ortalyǧy bar.
L.QOIŞİEVA: Al Äigerım, sondai tegın ortalyqqa balalaryn aparyp, igılıgın kördı me eken, sony sūraǧym kelıp otyr.
Ä.ASANOVA: Men kışkentai balammen älı barǧan joqpyn. Bıraq ülken qyzymdy aparǧanymda, onda sal auruymen auyratyn balalar köp jatatynyn kördım. Olardyŋ miy damymai qalǧan, sondyqtan, aiaq-qoldaryn igere almaidy. Qozǧaluy qalypsyz. Sondyqtan, qyzym ol balalardan şoşyp, jylady. Söitıp, barǧysy kelmedı. Sol sebeptı, bız de aparmaityn boldyq. Bıraq qazır logopedtık balabaqşaǧa barady. Otadan keiın tılın tüsıne bastadyq dep otyrmyz ǧoi, sol baqşada arnaiy mamandardyŋ ainalysuy arqasynda söileuı dūrystalyp kele jatyr. Özı qazır beske taiady.
* * *
N.BAIYRBEK: Qalamyzdaǧy Mamandandyrylǧan balalar üiınde bır közı körmegenı üşın ata-anasy bas tartqan balalar bar. Nemese bır qoly qysqa bolǧany üşın, jüregınde tesık bolǧany üşın, jalpy osyndai densaulyǧyndaǧy kemıstıgı üşın tuǧan balasynan bas tartyp jatqan analar az emes.
Ǧ.ÄBRAIYMOVA: İä, Mamandandyrylǧan balalar üiınde sondai balalar köp. Menıŋ oiymşa, bızdegı perzenthanalarda jas analarmen söilesıp, olarǧa aqyl-keŋes beretın psihologtardyŋ, äleumettık pedagogtardyŋ bolmauy – eŋ ülken mäselelerdıŋ bırı. Äitpese, mıne, bızdıŋ aldymyzda Äigerım özınıŋ jaǧdaiyn aityp otyr ǧoi. Būl qyzǧa psihologiialyq qoldau körsetıp, dūrys jol nūsqap, qaiyrly närsenı aitudyŋ ornyna ondaǧy pediatrlar baladan bas tart dep ügıttegen. Menıŋşe, būl dūrys emes.
N.BAIYRBEK: Şeteldıkterge jetım balalardy asyrauǧa beru mäselesı bızde on jyldan berı qozǧalyp keledı. Osy mäsele boiynşa qyzu pıkırtalas tuyndaǧanda resmi oryndardyŋ «şeteldıkterge auru balalardy ǧana berıp jatyrmyz» degen uäj aityp kelgenı de jasyryn emes. Al, şyn mänınde auyrmaityn adam joq qoi.
R.JŪMABEKOVA: Jaŋa tuǧan balalardyŋ 80 paiyzynyŋ densaulyǧynan äiteuır bır auru tabylatyny ras.
Ä.ASANOVA: Sau bolyp tuylyp, bırneşe jyldan keiın auruy bılınıp, jatyp qalyp jatqan balalar da az emes qoi. Sonda bız özımız tuǧan balanyŋ bır jerı auyrǧany üşın tastap kete beretın bolsaq, onda kım bolǧanymyz? Men de osyny tüsınbeimın. Teledidardan ata-anasy tastap ketken mügedek balalardy körgen kezde jüregım auyrady. Ondai kezde, şynymdy aitsam, otyryp jylap alamyn. Öitkenı, özımnıŋ qyzymdy tuǧan kezdegı jaǧdai esıme tüsedı.
Menıŋ oiymşa, ärbır bala ömırge kelgennen keiın, oǧan Allanyŋ näsıp etken bır baqyty bolmauy mümkın emes. Tıptı, balanyŋ bır jerı kemıs bolyp tusa da, onyŋ basqa bır sezımı, basqa bır qabıletı özge balalardan artyq bolyp tuatynyna öz basym kümändanbaimyn. Mysaly, menıŋ balalarymnyŋ dene müşelerınde kemıstıgı bolǧanymen, olardyŋ oilau qabıletı, miynyŋ damuy jaǧynan keibır balalardan äldeqaida artyq ekenın özım bılemın. Olar ömırge qūştar bolyp keledı. Ömırdı süiedı.
R.JŪMABEKOVA: Äigerımge qarap, myna bır närseler oiyma tüsıp otyr. Balalardyŋ qūqyn qorǧau departamentı bolǧannan keiın bızge neşe türlı jaǧdaidaǧy ata-analar keledı. Keşe ǧana kämeletke tolmaǧan balalardyŋ qūqyn qorǧau mäselesı boiynşa komissiianyŋ mäjılısı bolyp öttı. Jiyndy Bılım basqarmasynyŋ basşysy Äsima Bimendina özı jürgızdı. Bız sonyŋ müşesımız. Sonda aitaiyn degenım, soŋǧy üş-tört jylda bızde balasynan bas tartyp jatqan ata-analar öte köp. Äigerım özınıŋ tuǧan balasynyŋ mügedek bolatynyn, dene müşelerınde kemıstık baryn bıle tūra, ony jetımder qatarynda tastamai, alyp ketıp, mäpelep ösırıp otyrsa, bylaiǧy ömırde sap-sau, äp-ädemı balalaryn «men mūny asyrai almaimyn» dep tūryp, tastap ketıp jatqandar bar. Tıptı, on törtke kelgen, ösıp qalǧan balasyn solai äkelıp, jetımder üiıne ötkızıp ketkenderdı körıp jürmız. Ondai ata-anaǧa nege öittıŋ dep, qattyraq söilei bastasaq, «senderdıŋ jūmystaryŋ bolmasyn, menıŋ jaǧdaiym joq, özım auyramyn. Balany asyraimyn ba, joq pa, özım bılemın» nemese «tūrǧyn üiım joq», «pälen joq, tügen joq» dep tūryp alady. Ökınışke qarai, solardyŋ köbı – özımızdıŋ qaraközder.
Osy mäselenı qalai şeşu kerek, ne ısteu kerek, Astanaǧa kıleŋ künın köre almai jürgen, azyp-tozǧan azamattar kelıp alyp, balasynan bas tartyp jatyr ma, älde basqa sebebı bar ma – osyny zertteu kerek bolyp tūr. Öitkenı, basqa jaqtardy bılmeimın, däl bızdıŋ Astanada osyndai jaǧdailar köp. Ötken 2012 jyldyŋ özınde Astana boiynşa bız 17 ata-anany qūqynan aiyruǧa mäjbür boldyq.
N.BAIYRBEK: Öz talaptary boiynşa ma?
R.JŪMABEKOVA: Öz talaptary boiynşa.
N.BAIYRBEK: Rasynda da, bızde mındetsu, masyldyq psihologiia basym siiaqty. Mamandandyrylǧan balalar üiıne barǧanymyzda da, keibır ata-analardyŋ jaŋa tuǧan säbiın «Sender memlekettık mekemesıŋder, balamdy baǧyp beruge mındettısıŋder»,- dep tūryp, säbilerge uaqytşa qaraityn bölımge äkelıp, balasyn ötkızetın körınedı.
R.JŪMABEKOVA: İä, solai söileidı.
N.BAIYRBEK: Şyn mänınde, balanyŋ bes jasqa deiıngı tärbiesı onyŋ bükıl adamnyŋ bolmysynyŋ negızın qūraityny ras bolsa, osy säbi şaǧynda onyŋ boiyna meiırım ūialatyp, özımız balaǧa meiırımmen qarauymyz qajet emes pe. Al «sen qara» dep, memlekettık mekemege tastalǧan balany kım tuǧan balasyndai öbektep, aimalap otyrady? Onda pälenbai bala bar. Al qyzmetşıler – olar bärıbır jäi qyzmetşı ǧoi. Bala kütımıne jūmysym dep qaraidy. Ananyŋ meiırımın olar bere almaidy. Bala meiırımge qanbaidy. Al sol balasyn tastap ketken ata-analardyŋ köbı balalar üiınıŋ tärtıbıne baǧynǧysy kelmeidı eken. Qalaǧan uaqytta balany kelıp körıp, qyzyqtap ketkısı keledı. Balasy qūddy zoobaqtaǧy bır ermek qūraly sekıldı…
Jalpy, osy jaǧdai, balalardan bas tartu oqiǧalarynyŋ köbeiıp ketkenı turaly psiholog retınde, Limana apai, sız ne aitasyz?
L.QOIŞİEVA: Baiqaǧanym, soŋǧy jyldary jaǧdaiymyz jaqsarǧanymen, qoǧamda qatygezdık, meiırımsızdık beleŋ alyp bara jatqan sekıldı. Būl elıkteuşılıkten be, älde adamdardyŋ boiyn özımşıldık bilep alǧan ba – tüsınbeisıŋ. Būryn qaita zaman qiyn kezde adamdar arasynda meiırımdılık, jylylyq bolatyn… Bızde osy qoǧamdyq keleŋsızdıkke qūrban bolyp otyrǧan otbasylar da az emes. Psihologiialyq daǧdarys ortalyǧy bolǧan soŋ, bızge ondai azamattar köp keledı. Balalaryn ūryp soǧyp, azaptaityn jaǧdailardyŋ bar ekenıne kuä boldyq. Mysalǧa, bır jas kelınşek bızge jiı telefon soǧatyn. Bıraz söilesedı de, tūtqany qoia salady. Bırneşe ret osyndai jaǧdai boldy. Sodan keiın «sen qalai da bızge keluıŋ kerek» dedım. Keiın aqyry jolyn tauyp, älgı äiel kelıp kettı. Söitsek, joldasy osy qalada qūqyq qorǧau organdarynyŋ bırınde jūmys ısteidı eken. Ol üş jyl boiy kelınşegı men balasyn üiınde qamap ūstaǧan. Bır künı tünde üiınıŋ kıltın ūrlap alyp, kelıp otyr älgı äiel. Özderınıŋ türlerın körseŋız, tūtqynda bolǧan adam siiaqty, balanyŋ da, kelınşektıŋ de türı bop-boz. Üş jyl boiy kün körmegen. Odan bölek balasyn ūryp-soǧyp, aiaǧynan ūstap laqtyryp, qabyrǧaǧa soǧyp, ütıkpen qorqytyp, bılgenın jasap kelgen ata-analar da bar eken. Ärine, olar köbırek aitqan saiyn, osyndai qatygezdıkke qarsy şara qoldanǧan saiyn aiaq tarta bastaityn şyǧar dep oilaimyn. Bıraq mūndaidy azaptauşynyŋ qoǧamdaǧy bedelıne, qyzmetıne qaramai, aşyq aityp üirenuımız qajet.
N.BAIYRBEK: Özgenı qinaǧannan läzzat alatyn, sadizmge boi aldyrǧan, bylaişa aitqanda qatygezdıkpen auyratyn adamdar ne üşın köbeiıp kettı dep oilaisyz?
L.QOIŞİEVA: Jalpy, HHI ǧasyrdyŋ negızgı dertı – psihologiialyq dert dep aitady. Mysaly, sız qandai adamdarǧa jaqyn bolyp, kımmen köbırek söilesıp, kımmen aralassaŋyz, sol adamnyŋ äserı timei qoimaidy. Bärıŋız de baiqaityn şyǧarsyzdar, keibır adammen äŋgımeleskende janyŋyz rahattanyp, demalyp qalasyzdar, al endı bıreumen äŋgımeleskende şarşap, tūla boiyŋyzdaǧy quat bıtıp qalǧandai sezınesızder ǧoi. Mıne, osy – HHI ǧasyrdaǧy psihologiialyq quattyŋ öte basymdyqqa şyǧyp bara jatqanynyŋ körınısı. Būl ǧaryştyq deŋgeige de bailanysty. İnternet sekıldı elektrondyq, tehnikalyq qūraldardyŋ qoldanysqa enuınıŋ de äserı. Jalpy būryn infeksiialyq jūqpaly aurular köp bolǧan bolsa, qazır psihologiialyq auru köp. Ekınıŋ bırınıŋ jüikesı auyrady. Ekınıŋ bırı depressiiada. Ekınıŋ bırı küizelıske beiım. Bükıl Europa osynyŋ şegıne jetıp otyr. Al bız sol jaǧdaidy endı sezıne bastadyq. Sondyqtan, ärbır mekemede psihologiialyq ortalyq boluy qajet. Olardyŋ halyqqa aqysyz jūmys ısteuın qamtamasyz etu kerek.
R.JŪMABEKOVA: Osy äŋgımeden keiın maǧan bır oi kelıp otyr. Men özı jasymnan ata-äjemnıŋ qolynda ösken balasy edım. Sol kısılerdıŋ sözı älı künge jadymda saqtalyp keledı. Endı özım bır äulettıŋ anasy bolyp otyrmyn. Nemerelerım bar, äjemın. Künde keşkısın balalar da, bärımız de jūmystan şarşap oralamyz. Bıraq, keşkı dastarhan basyna otyrarda ylǧi da: «Stöldıŋ basyna tek jaqsylyqty oilap, jaqsy köŋıl-küimen kelıŋder»,- dep otyramyn. Jaman emosiia, ötken-ketken – bärı syrtta qaluy kerek deimın. Öitkenı, şynynda da, adamdar bır-bırıne äser etedı.
L.QOIŞİEVA: İä, naǧyz tärbienıŋ ūiasy sol dastarhannan bastalady ǧoi. Dastarhan basynda aitylǧan äŋgımeler, jaqsy sözder balanyŋ jadynda jattalyp qalady.
R.JŪMABEKOVA: Ökınışke qarai, köbımız jūmyspen jürıp, syrtta türegep jürıp tamaq ışıp, öz berekemızdı özımız ketıremız ǧoi. Onyŋ aǧzaǧa da qanşama ziiany bar. Al keşkı tamaqqa üi ışı tügel otyrǧanda dastarhannyŋ berekesın kırgızu kerek qoi. Dastarhan basynda, rasynda, önegelı äŋgıme aitylady. Ol özı bırıktıretın, ortaqtastyratyn bastau tärızdı.
J.ŞÄKENŪLY: Jalpy sızder aityp otyrǧan mäselelerdıŋ köbı – jahandanu däuırınıŋ, elektrondy ǧasyrdyŋ bızge äkelgen zūlmattary. Osynyŋ bıreuı bızdıŋ ata-babamyzdan jalǧasyp kele jatqan imandylyq älıppesınıŋ üzılıp qaluy men ūltymyzdan jalǧasyp kele jatqan tektılıktıŋ saqtalmauy saldarynan. Jetpıs jyldyq bodandyq äkesın, şeşesın, atasyn, apasyn, äjesın bilep, qūldyqtyŋ qamytyn kigızıp, araq pen temekıge üiretıp, genderın ulap ülgerdı. Onyŋ asyl tūqymdaryn saiasi quǧyn-sürgın jyldarynda öltırdı, qyrdy. Osydan soŋ imandylyq, ūlttyq qūndylyq azaidy. Säbidı keleşekke daiyndau, ülken maqsattardy oilau müldem qaldy. Şyn mänınde bız ärbır qyz balaǧa ūlttyŋ anasy dep qarauymyz kerek. Qyzymyzdy qolymyzǧa gül retınde ūstap, özgelerdıŋ közın qyzdyryp jüru üşın ösırmei, bolaşaq bır äulettıŋ, ūlttyŋ anasy dep tärbieleuımız qajet. Ol üşın balany qūrsaqqa bıtken künnen bastap ony tärbieleudı oilastyrǧan abzal. Qūrsaqta jatyp-aq anasynyŋ, syrttaǧy adamdardyŋ dauysyn esti bastaityn säbi sol qūrsaqtan jaqsy söz estuı kerek. Adal as sıŋıruı qajet.
Men köp jaǧdaida ūialy telefonymdy öşırıp qoiamyn. Nege? Öitkenı, ol oidy būzady. Mysaly, men jarty saǧat jūmys ıstep otyryp, arasynda bır telefon qoŋyrauyna jauap beretın bolsam, qaitadan jazuǧa otyrǧanda aldyndaǧy oidyŋ jalǧasyn joǧaltyp alamyn. Būnyŋ bır dälelı, sız, mysaly, ekı-üş ūialy telefondy qoiyp, solardyŋ arasyna bır jūmyrtqa men bır jügerı, sosyn taǧy bırdeŋenı bır-bırıne jalǧap qoiyp qoiyŋyz. Telefon qoŋyrauy älgı zattardy talqandap tastaidy. Bailanysyn būzady. Tıptı jūmyrtqanyŋ ışındegı uyzdaryn da özgertıp, talqandap jıberedı. Al osyndai miy talqandalǧan ana men äkeden tuǧan bala erteŋ qandai bolady? Bügıngı balalar tua sala eŋbektep baryp ūialy telefonǧa jabysady. Nege? Öitkenı, bız tumai jatyp olardy sol telefonǧa üiır etıp qoidyq qoi.
N.BAIYRBEK: Işte jatqannan sondai aqparat sıŋdırdık deisız ǧoi?
J.ŞÄKENŪLY: İä. Telefondy «senıŋ qajettılıgıŋ mynau» dep, oǧan jetkızıp qoidyq. Al şyn mänınde oǧan qūrsaqta jatqanda berıluge tiıs aqparat jaŋaǧy imandylyq bolatyn. Ata-babamyzdan qalǧan bekzadalyq, tazalyq, tektılık bolatyn.
Ötkende radioda söilep jatqan imamǧa bır ana sūraq qoiyp jatyr. «Osylai da osylai, men balama barymdy berıp ösırıp edım, töbesınen qūs ūşyrmap edım. Endı äbden ösırıp, tūǧyryna qondyryp, rahatyn köremın be dep otyrǧanymda, menı mynau qarttar üiıne äkelıp tastady» dedı. Sonda imam: «jaraidy, sız balaŋyzǧa ışkızgen, jegızgen şyǧarsyz. Bıraq sol balany qūrsaqqa bıtkennen, tym qūrysa tuǧannan bastap imandylyqqa tärbielei aldyŋyz ba?» dedı… Mıne, būl mäselenıŋ jauaby – osy. Bız balamyzdy haram tamaqtarmen auyzdandyryp, toidyryp, jetkızgen soŋ, onyŋ boiyna imandylyq daryta almaǧan soŋ, ärine, erteŋ özımızge tiıstı jauabymyzdy alamyz.
Bız bügın sol jaǧdaidy bastan keşıp otyrmyz. Kemtar balalardy aiamaitynymyz, sap-sau balanyŋ özın tastap kete beretınımız sodan.
Al Äigerım qyzymyzdyŋ basyndaǧy jaǧdaidy Allanyŋ synaǧy dep qabyldau kerek.. Jalpy bala kemtar bolyp tuylyp, qiynşylyqqa tap bolyp jatsaq, būnyŋ da artynda ülken bır nyǧmet, jaqsylyq boluy mümkın.
* * *
N.BAIYRBEK: Kei analar balasynan bas tartyp, bar baqyttyŋ qadırın bıle almai jatqanymen, qai qoǧamda da bır balanyŋ ünıne zar bolyp jürgen azamattar da az emes. Osy oraida, elordamyzda, qamqorsyz qalyp, memlekettık mekemelerdıŋ qarauyna alynǧan balalarǧa ata-ana ızdestıru şaralary ūiymdastyrylyp tūratynyn bılemız.
Ǧ.ÄBRAIYMOVA: İä, ondai jūmystar älı de jürıp jatyr. Būl tūrǧyda bız Balalardyŋ qūqyn qorǧau departamentımen bırlesıp qūrǧan baza boiynşa jūmys ısteimız. Ol jerde barlyq asyrauǧa berıluı mümkın balalar jaily aqparattar salynady. Balalardyŋ suretterı, olardyŋ qai jyly tuǧany, densaulyq jaǧdaiy – tolyq jariialanady. Al bala asyrap alǧysy keletın ata-analar arnaiy saitqa kırıp, balalardy körıp, özınıŋ meiırı tüsken balany sūrap, kelıp jatady.
Respublikalyq baza öz jemısın berıp keledı. Qazır qoŋyrau şalyp, öz tılekterın bıldırıp jatqan azamattar köp. Būl baǧytta jūmys jaqsy jürıp jatyr.
N.BAIYRBEK: Soŋǧy jyldary bala asyrauǧa ötınış bıldırıp jürgenderdıŋ sany qanşa?
Ǧ.ÄBRAIYMOVA: 2012 jyly – 145 otbasy bala asyrap aludy sūraǧan. Olardyŋ ışınde 131 otbasylyq jūp jaŋa tuǧan şaǧynan bastap tört jasqa deiıngı balalardan aluǧa ötınış bıldırse, 14 otbasy tört jastan ülken, iaǧni balalar üiındegı balalardyŋ bırın alsam dep keldı. Al osy 2013 jyldyŋ alǧaşqy tört-bes aiynyŋ özınde 83 otbasy bala asyrap alsam dep, ötınış jazyp otyr.
N.BAIYRBEK: Būl – bala sūrap, tırkelgenderdıŋ sany. Al asyrauǧa berılgen balalardyŋ sany qanşa?
Ǧ.ÄBRAIYMOVA: 2012 jyly 144 bala asyrauǧa berıldı. Onyŋ ışındegı 62 bala –Mamandandyrylǧan balalar üiınıŋ säbiı. Iаǧni, tört jasqa deiıngı balalar. Al 82 bala otbasy ışındegı jaǧdai boiynşa, iaǧni ögei ata-anaǧa tırkelıp jazyldy. Osy 2013 jyldy aitar bolsaq, qaŋtar aiynan bügınge deiıngı uaqytta 43 bala asyrauǧa berılıp otyr. Olardyŋ 21-ı – balalar üiınen, al 22-sı otbasy ışındegı asyrau jaǧdailary.
N.BAIYRBEK: Būl – Qazaqstan azamattaryna berılgen balalar ma?
Ǧ.ÄBRAIYMOVA: İä, Qazaqstan azamattaryna berılgenı.
N.BAIYRBEK: Al şeteldıkterge berılıp jatqandar bar ma?
Ǧ.ÄBRAIYMOVA: Soŋǧy jyldary şetel azamattarynyŋ asyrauyna bala berılıp jatqan joq. Öitkenı, moratorii jariialanǧan. Būl mäsele älı qarastyryluda.
N.BAIYRBEK: Bala asyrap alǧandarǧa järdemaqy taǧaiyndau kerek degen mäsele köterılgenın bılemız. Ol qalai jürıp jatyr?
Ǧ.ÄBRAIYMOVA: Būl mäsele älı tolyq şeşılgen joq. Bala asyrap alǧan jaǧdaida jörgekpūl sekıldı bır merzımdı järdemaqy taǧaiyndau qarastyrylyp jatyr. Zaŋ älı qabyldanǧan joq.
L.QOIŞİEVA: Menıŋ bır sūraǧym bar. Eger bır azamat balalar üiınen bırneşe balany asyrap alyp, baqqysy keletın bolsa, olarǧa memleket tarapynan kömek bola ma?
R.JŪMABEKOVA: Ärine, bolady. Ol zaŋmen tolyq qarastyrylǧan. Bala asyrap alǧysy keletın azamat tiıstı qūjattardy daiyndaidy. Psihologiialyq jaǧynan, densaulyǧy tūrǧysynan, sol sekıldı äleumettık jaǧdaiy boiynşa bıraz tekseruden ötedı. Al qūjattaryn daiyndap, tiıstı oryndardyŋ qoldauyna ie bolǧannan keiın balany patronattyq tärbiege ala ma, älde öz balasy etıp jazdyryp ala ma – ony özı bıledı. Bala asyrap alǧandarǧa arnaiy järdemaqy tölenedı. Mysaly, patronatqa alynatyn är bala üşın ai saiyn – 30 myŋ şamasynda, al asyrap alynǧan bala üşın 17 myŋ 310 teŋge kölemınde järdemaqy berıledı. Mūndai kömek 18 jasqa deiın qarastyrylǧan.
J.ŞÄKENŪLY: Sonda 18 jastan keiın balalardy memleket qaida barsaŋ, onda bar dep jıbere sala ma?
R.JŪMABEKOVA: Būryn, rasynda, 18-ge tolǧannan keiın memlekettık mekemeler balalardy qaramaǧynan şyǧaratyn. Olar oquǧa bara ma, jūmys ıstei me – öz jolyn tauyp ketuı tiıs bolatyn. Al, qazır äleumettık baqylau, qoldau bar. Ata-anasyz qalǧan bala qaida tärbie alsa da, 23 jasqa deiın olardyŋ ömırın, äleumettık jaǧdaiyn memleket qadaǧalap, qorǧauǧa alyp otyrady.
N.BAIYRBEK: Odan bölek jetım balalardy ösken soŋ baspanamen qamtamasyz etu mäselesı de qazır Parlamentte qaralyp jatyr emes pe?
R.JŪMABEKOVA: İä, qarausyz qalǧan balalardyŋ bärıne baspana tūrǧysynan da qoldau körsetu qazır qarastyrylyp jatyr.
Ǧ.ÄBRAIYMOVA: Būl baǧytta jūmys qarqyndy jürıp jatyr. Mektepterdegı äleumettık pedagogtarmen äŋgımeler jürgızılıp, saraptau jūmystary jasalyp jatyr. Balalardy qalada qaldyrmau amaldary qarastyryluda.
R.JŪMABEKOVA: Jaqynda bır qyzyq jaǧdai boldy. Bız osydan üş-tört jyl būryn Astana äkımı İmanǧali Tasmaǧambetov päter bergen ata-anasyz balalardyŋ jaǧdaiy qazır qalai eken dep, aiaq astynan körıp ketuge barǧanbyz. Taŋ qalyp, riza bolyp qaittyq. Ata-ananyŋ qamqorynsyz qalǧan balalar baspanasy, jūmysy bolsa, öz betterınşe jaqsy ömır sürıp ketedı eken. Soǧan közımız jettı. Mäselen, bız barǧan üide bır otbasynan jetım qalǧan üş qyz tūratyn. Üşeuı sondai tatu, bırıne-bırı bauyrmal. Ülkenı ekı sıŋlısıne bas-köz bolyp otyr. Ülkenı jūmys ıstese, ortanşysy – oquda, al kışısı – mektepte oqidy. Ärqaisysy öz jauapkerşılıgın bıletın, jap-jaqsy balalardyŋ otbasy qalyptasqan.
N.BAIYRBEK: Jalpy bızde ata-ananyŋ qamqorynsyz qalǧan balalarǧa jaǧdai jasau jolǧa qoiylǧan, iä. Zaŋ jaǧynan da balalardy qūqy tolyq qorǧalǧan deuge bolady.
R.JŪMABEKOVA: İä, bärı oilastyrylǧan. Balalardyŋ qūqyn qorǧau turaly zaŋ da jan-jaqty qamtylǧan deuge bolady.
J.ŞÄKENŪLY: Zaŋ jaqsy bolǧanymen, onyŋ keide atqaryluy dūrys bolmai jatady ǧoi.
R.JŪMABEKOVA: İä, atqaruşylar tarapynan köbınese qatelıkter ketıp jatady. Mysaly, balalarmen jūmys ısteitın mekemenı basqaryp otyrǧan adamnyŋ jüregı tas bolsa, eşqandai jaqsylyq kütudıŋ keregı joq. Köp närse mamandarǧa, basşylarǧa bailanysty.
Sosyn ata-analar da balasynyŋ qūqyna selqos qaraudy qoiuy qajet. Mysaly, bızge keide köpbalaly analar kelıp, kömek sūrap jatady. Qarasaŋ, arasynda on bestegı balasyna qūjatyn daiyndap bermegen ata-analar da bar. Tıptı, tuu turaly kuälıgın dūrystap alyp, qūjattaryn tügendep otyruǧa şamasy kelmegen. Būlai bolmaidy ǧoi. Qūjat dūrys bolmaǧan soŋ, eşqandai jeŋıldıkke de, basqaǧa da qol jetkıze almaidy. Sondyqtan aitarym, balalardyŋ jolyn kespeu kerek. Ärbır ata-ana balasynyŋ baqytqa jetuı üşın jauapty ekenın esten şyǧarmauy qajet.
Ä.ASANOVA: Jalpy bügıngı äŋgımeme qorytyndy retınde aitarym, mügedek balasy bar otbasylarǧa memleket tarapynan jasalatyn jeŋıldıkter az bolyp otyr. Sebebı, men özım sol jaǧdaidy bastan keşıp otyrmyn. Tūrǧyn üi jaǧynan mäselem şeşılmegen. Ekı balamnyŋ densaulyǧy kemıs bolsa, sonyŋ bıreuıne mügedektıgı üşın järdemaqy alamyn. Bala üşın jäne sol mügedek balany baǧyp otyrǧanym üşın maǧan ai saiyn 37 myŋ teŋge berıledı. Menıŋ aitqym keletını, balasy, äsırese osyndai mügedek balasy bar azamattardyŋ, balalardyŋ aqysyn jeuge, olardyŋ qūqyn taptauǧa jol berılmese eken. Onsyz da balasynyŋ bolaşaǧyn oilap, qabyrǧasy qaiysyp jürgen analardy tabanynan tozdyryp, kabinette otyrǧan mamandar keudesınen iterıp, orynsyz dörekılık körsete bermese eken deimın.
L.QOIŞİEVA: Bızde oŋaltu ortalyqtary bar dedık. Bıraq, Äigerım aitqandai, miy zaqymdanǧan, sal aurularyn sana-sezımı dūrys balalarmen qatar jatqyzyp emdeimız deu – aqylǧa syiymsyz närse. Sondyqtan, denesınde ǧana kemıstıgı bar, mügedek balalardy jatqyzyp, emdep, olardyŋ damuy üşın arnaiy mamandar qosymşa jūmys jürgızetın bölek ortalyqtar bolsa igı. Europa elderınde trenajer zaldary barlyq azamattarǧa tegın qyzmet etedı. Bız de sondai jaǧdaiǧa jetsek deimın. Balalarymyzdyŋ aman-esen ösuı üşın, sauyǧuy üşın memleket barlyq jaǧdaidy jasai tüsse eken dep tıleimın.
J.ŞÄKENŪLY: Bala tärbiesınıŋ bastauy ana tärbiesınen bastalatyndyqtan, qyz bala ösırudıŋ qandai jauapkerşılık ekenın ūǧynsaq eken deimın. Ärbır ūlt balaǧa – ūlttyŋ äkesı, qyz balaǧa ūlttyŋ anasy dep qarauǧa üirensek eken. Odan keiın balabaqşadaǧy, mekteptegı ūstazdardyŋ öresın tekserıp, olardyŋ balaǧa qanşa yqpal etetının eskersek dūrys bolar edı. Öitkenı, eldıŋ bolaşaǧy – osy balalarda. Olardy dūrys qalyptastyru üşın otbasy, bılım oşaqtary, qoǧam – bärı jauapty ekenın aita beru qajet.
Ǧ.ÄBRAIYMOVA: Ata-anasy bas tartqan balalar az bolsa bızdıŋ qoǧamnyŋ baqyty da artar edı. Sol sebeptı de, eŋ bastysy, perzenthanalarda analarǧa balanyŋ qandai baqyt ekenın aityp tüsındıretın psihologtar jūmys ıstese eken deimın.
R.JŪMABEKOVA: Būrynǧy aitylatyn eŋ jaman söz – «jatyryŋ jaman» degen söz bolatyn. Būl nenı bıldıredı? Jazuşy ınımız aityp otyrǧandai, bärınıŋ äielge bailanysty ekenın bıldıredı. Sondyqtan, qazaq qyzdary, äielder, bız özımızdıŋ boiymyzdy, oiymyzdy tüzeuımız kerek. Jalpy, qoǧam bolyp, el bolyp, ıs-äreketımızdı tüzeuımız qajet. Odan keiın aitarym, bala ömırge kelgennen keiın olardyŋ bärınıŋ qūqy bırdei. Eşbır balany aq, sary, mügedek, sau, ūl, qyz dep böluge bolmaidy. Bız mügedek balalarǧa da müsırkep qaraudan aryluymyz kerek. Olardyŋ zaŋmen bekıtılgen öz qūqyqtary bar. Sony saqtauǧa bärımız mındettımız.
Al ömırdegı eŋ qorqynyşty närse, adamnyŋ mügedektıgı, syrtqy jarymjandyǧy emes, ışkı jarymjandyǧy. Sondyqtan, ruhani düniesı bai, imandy, estı ūrpaq tärbieleudı oilauymyz qajet.
Üşınşı aitarym, bügıngı künı balalardyŋ qūqyn qorǧaityn zaŋdarymyz köp. Bärı de halyqaralyq standarttarǧa sai keledı. Sol zaŋdy ıske asyru kezınde moinymyzǧa qaryz almauǧa, bärın adal, ädıl atqaruǧa tyrysuymyz qajet. Al, ata-analar, taǧy da aitamyn, öz balasynyŋ qūqyn qorǧau üşın, bala baqyty üşın kürese bılgenı dūrys. Öitkenı, bala – ata-anaǧa Allanyŋ bergen amanaty.
P.S. Ärbır säbi süidırgen saiyn Jaratuşy ie äiel-anany qairattandyra tüsedı. Balany bergen soŋ, oǧan mäpelep baǧarlyq meiırım, küş-quat, sabyr, tözım qosa beredı. Endeşe, balany süimeu, oǧan meiırlenbeu mümkın emes. Balalar – bärımızdıŋ ümıtımız, köz quanyşymyz.
Daiyndaǧan
Näzira BAIYRBEK