Erteŋ «Astana-2013» halyqaralyq avtorlyq än festivalınıŋ şamdary kezektı ret elorda törınde jaǧylady. Üş kün boiy TMD jäne elımızdıŋ aumaǧynan jinalatyn bardtar osynau önerge qyzyǧatyn jūrtty öz änderımen susyndatpaq. Keşe ötken baspasöz mäslihatynda osy jäne basqa da festival aiasyndaǧy şaralar turaly festivaldı ūiymdastyru komitetınıŋ töraǧasy Maqsat Särsenbekov pen festivaldıŋ tehnikalyq direktory İlia Logvinenko baiandady.
Astana – Qazaqstannyŋ bas qalasy atanǧaly osymen 15-ret ötetın festivalge avtorlyq än önerınde moiyndalǧan Valerii jäne Vadim Mişukter, Andrei Kozlovskii, Lidiia Cheboksarova, Evgenii Bykov, Aleksandr Rodovskii qatysady dep kütılude. Olardyŋ bärı Resei astanasynan kelmek. Mäskeude tūratyn qandasymyz, festivalden bırde-bır ret qalmaǧan Jeŋıs Ysqaqov muzykalyq şarany aşyp beredı. Ärı qarai festivalge arnaiy şaqyrylǧan 200-dei bard pen būl önerge talasy bar, öz erkımen kelgen özge avtorlar änderın köpşılıktıŋ nazaryna ūsynady.
Būryn festival şeŋberınde ekı kezeŋnen tūratyn baiqau ūiymdastyrylsa, biyl ol ötkızılmeitın boldy. Osy jylǧy festivaldıŋ bır erekşelıgı sol. Tek qana şeberlık sabaqtaryn, şyǧarmaşylyq şeberhanalardy ötkızu arqyly deŋgeiı joǧaryraq Samaradaǧy Valerii Gruşin atyndaǧy jäne Sankt-Peterburgtegı «Piter akkordy» festivalderıne ırıkteu jürgızılmek.
Ūiymdastyruşylardyŋ aituynşa, biyl on besınşı ret ötkızıletındıkten, festival baǧdarlamasy qyzyqtarǧa toly bolmaq. Qazırgı taŋda onyŋ ötetın orny – Qaraǧandy tas jolynyŋ 17 şaqyrymyndaǧy «Prichal» qonaq üiı aumaǧynda daiyndyq jūmystary jürude. Ol jer abattandyrylyp, sahna ornatyluda. Sondai-aq, qonaqtarǧa arnalǧan 200-dei şatyr tıgılude. Bır sözben aitqanda, festivalge qatysuşylar men ony tamaşalauşylar üşın barlyq jaǧdailar jasalyp jatyr.
Amanǧali ŞMİTŪLY
