Astana qalasynyŋ äkımı Ädılbek Jaqsybekov Qazaqstannyŋ elordasyna jūmys saparymen kelgen Şveisariianyŋ Lugano qalasynyŋ merı Marko Borradorimen kezdestı.
Kezdesu barysynda ekı eldıŋ ıskerlık jäne gumanitarlyq bailanystarynyŋ qarqyndy damyp jatqany atap ötıldı. – Bız şveisarlyq kompaniialarmen yntymaqtastyq ornatuǧa niettımız, olardyŋ köbı Astananyŋ da, barşa Qazaqstannyŋ da naryǧynda özderın jaqsy jaǧynan tanytty, – dedı Ä.Jaqsybekov kezdesu barysynda.
Öz kezegınde, Borradori myrza 2015 jylǧy saparynda körıp ülgergen Astanaǧa täntı ekendıgın jetkızdı.
– Astana – özdıgınen erekşe, bıregei qala. Ony alǧaş ret körgende-aq, täntı bolasyŋ. Sızderdıŋ bolaşaqty qūru nietterıŋız, bolaşaqty közdeitınderıŋız menı odan da artyq taŋ qaldyrady. Jaŋadan qala salu – būl batyl qadam, – dedı M.Borradori. Ol Astananyŋ Luganoǧa ūqsaitynyn jetkızdı, öitkenı, şveisarlyq kompaniialar qala qūrylysyna atsalysty.
Astana men Luganonyŋ arasyndaǧy özara qarym-qatynas Qazaqstannyŋ jas elordasynyŋ qalyptasuy kezınde bastalǧan bolatyn. Luganoda ornalasqan «Mabco Constructions S.A.» kompaniiasy Astananyŋ qūrylys naryǧyna kırgen alǧaşqy şeteldık kompaniialardyŋ bırı, ol osy künge deiın qala qūrylysyna belsendı qatysyp keledı.
Astana äkımı men Lugano merı Halyqaralyq yntymaqtastyq pen bırlesken ıs-şaralar jospary aiasynda ekıjaqty qarym-qatynasty damytu turaly kelıstı. «Smart siti» jobalaryn damytuǧa, bılım, käsıpkerlık jäne qūrylys salalarynda täjıribe almasuǧa basa nazar audarylady. Şveisariiada qonaq üi biznesınıŋ bılım beru jüiesı, turistık sala jaqsy damyǧan. Būl rette Astanalyq ärıptesterımen öz täjıribelerımen bölısuge daiyndyǧyn bıldırdı. Taraptar ekı jaqtyŋ käsıpkerlık ökılderınıŋ bırlesken biznes kezdesulerı men konferensiialaryn, sonymen qatar, EKSPO-2017 halyqaralyq mamandandyrylǧan körmesın ötkızu kezeŋınde Astanadaǧy Lugano künderın ötkızu turaly kelıstı.
