Ata-analardy balanyŋ bos uaqytyn tiımdı ūiymdastyru mäselesı jiı mazalaidy. Äsırese, üş ailyq jazǧy demalys kezınde. Mūndaida taptyrmas şeşımnıŋ bırı – aula klubtary. Bügınde olardyŋ sany 13-ke jetken. Qala äkımdıgıne qarasty «Astana jastary» ūiymy bärıne qyzyqty baǧdarlama daiyndaǧan. Är klubtyŋ özındık baǧyty bar, dizainy bırınen-bırı ötedı. Al, oquşylar qandai ıske üiır? Qyzyǧuşylyqtaryn bılmek nietpen elordadaǧy eŋ ülken aula kluby – «Jas qanatqa» jol tarttyq.
«Jas qanat» jalyqtyrmaidy
Abylai han daŋǧyly 49/3-üidıŋ tömengı qabatynda ornalasqan aula kluby jastar men jetkınşekterdı quana qarsy alady. Ortalyqqa 5-29 jas aralyǧyndaǧy tūrǧyndar keledı. İä, qate oqymadyŋyz. Öitkenı mūnda balasymen bırge demaluǧa äke-şeşe de äues eken. Mäselen, ülkender kışkentailarymen üstel tennisın oinaidy, şahmatta oi jarystyrady. Oǧan äkımşılıktıŋ eş qarsylyǧy joq. Kerısınşe, balaǧa jaqyndary köbırek köŋıl bölse, onyŋ qarym-qabıletı de aşyla tüsedı deidı qyzmetkerler.
Jalpy, jasqanattyqtarǧa ioga, beineleu önerı, skauting, üstel tennisı, tehnikalyq şyǧarmaşylyq, futbol, şahmat sekıldı üiırmeler qarastyrylǧan. Bız barǧan kezde ortalyqta «Modeldeu» sabaǧy ötıp jatty. Balalar bar zeiınımen syzba-nūsqalarǧa qarap, tank, keme, jük kölıgı sekıldı türlı tehnikanyŋ ülgısın jasap otyr eken. Sabaqtardan bosaǧan kışkentai tehnikter demalys uaqytynda üiırmege aptasyna tört ret keledı. Olar ūsaq bölşekterdı jinap, äskeri maşinalardyŋ modelderın qūrastyrady. «Būl üiırmege balany toǧyz jastan bastap qabyldaimyz. Paidasy öte mol. Motorikasy damidy, tehnikalyq bılım alady, analitikalyq oilau qabıletı küşeiedı. Sondai-aq, halyqaralyq jarystardan da qalmauǧa tyrysamyz. Mäselen, byltyr Mäskeude ötken «Tank Olimpı» köpsatyly jarysynda üşınşı oryn alsaq, biyl säuır aiynda taǧy qatysyp, bas jüldenı ielenıp qaittyq» deidı «Modeldeu» üiırmesınıŋ jetekşısı Erkın Majidov.
«Jas qanat» aula klubynyŋ äkımşılıgı bergen mälımetke säikes, mūndaǧy üiırmelerge 200-ge juyq bala qatysady. Quantarlyǧy, kanikul uaqytynda da qyzyǧuşylyq tanytqandar qatary siremeptı.
Balalarǧa bärı tegın
Al, «Armandastar» men «Miras» aula klubynyŋ jetekşısı Azamat Karimovtyŋ aituynşa, bügınde Astanadaǧy 13 aula klubyndaǧy üiırmelerge 3 myŋǧa juyq bala jazylǧan. «Būl ortalyqtar jas elordalyqtar üşın köp funksionaldy mädeni-sport ortalyqtaryna ainalyp otyr. Ortalyqtarda boks, küres, karate seksiialary, horeografiia, vokal, ıs tıgu, qolöner syndy türlı üiirmeler jūmys ısteidı. Alǧaşynda aula klubtarynyŋ jūmysyna jatyrqai qaraǧan qala tūrǧyndary büginde belsendilik tanytyp, klub jūmystaryn jaqsartuǧa atsalysyp jür. Sabaqtan tys uaqytta balalar men jasöspirimder sendelip bos jürmei, densaulyǧyna paidaly ispen şūǧyldanady. Jasöspirimdermen täjiribeli mūǧalimder, psiholog mamandar jeke jūmys isteidı. Tärbielenuşıler ärdaiym klub äkimşiligi men oqytuşylardyŋ, psiholog mamandardyŋ qadaǧalauynda. Qauıpsızdık maqsatynda osy jyly är ortalyqqa beinebaqylau kameralary da ornatyldy. Eŋ bastysy, balalar būl qyzmettıŋ bärın tegın paidalanady» deidı Azamat Karimov.
Mūndaǧy jetkınşekter audandyq jäne qalalyq deŋgeidegı mädeni-ruhani jäne sporttyq şaralarǧa belsene atsalysady. Klubtardyŋ eŋ üzdık toptary respublikalyq jarystarǧa jıberıledı. Jalpy, aula klubtarynyŋ jasöspırımderdıŋ bos uaqytyn tiımdı üilestıruge, olardy salauatty ömır saltyna bauluǧa, şyǧarmaşylyǧyn damytuǧa zor yqpal etıp otyrǧan ülken tärbie mektebıne ainalǧany quantady.
Mädina JAQYP
