Botagöz JÜNISOVA,
Astana qalasy Bılım basqarmasy orta jäne mektepke deiıngı bılım beru bölımınıŋ bastyǧy:
– Jeltoqsannyŋ ekınşı jartysynda aua temperaturasynyŋ 40 gradusqa deiın tömendeuı halyqty bıraz äbıgerge salǧany ras. Alaida, Arqada aiazdyŋ būlaişa kürt köterıluı – qalypty jaǧdai. Mūndai aiazda sabaqtyŋ toqtatyluy da üirenşıktı jäit. Bılım basqarmasynda aiaz küşeigen kezde sabaqtyŋ bolmaityndyǧy turaly ata-analarǧa aldyn ala habarlap otyratyn arnaiy bölım jūmys ısteidı. Aua temperaturasynyŋ kürt tömendeuıne bailanysty aidyŋ ekınşı onkündıgınde Astana mektepterınde sabaq uaqytşa toqtatylǧan bolatyn. Naqtyraq aitsaq, 10 jeltoqsan künı tek 1-4 synyp oquşylary, 11-13-ı aralyǧynda – 1-9 synyp oquşylary, al, 14-ınen bastap barlyq auysymda oqityn balalar men kolledjdıŋ 1-2 kurs studentterı sabaqqa jıberılgen joq. 20 jeltoqsan künı bırınşı auysymdaǧy –1-9 synyp, ekınşı auysymdaǧy 1-4 synyp oquşylarynyŋ sabaǧy toqtatyldy. Al, keşe barlyq mektep öz jūmysyn bastady. Keibır ata-analar balalarynyŋ oqu baǧdarlamasynan qalyp qoiuyna alaŋdauşylyq bıldırıp jatyr. Bıraq, oǧan eşqandai negız joq der edım. Öitkenı, bız onyŋ bärın aldyn ala eskeremız. Aiazdy künderı toqtatylǧan oqu baǧdarlamasyn kündelıktı ötetın sabaqqa jükteme etıp bekıtemız. Iаǧni, bır sabaqta ekı taqyrypty qamtuǧa tyrysamyz. Qalyp qoiǧan oqu baǧdarlamasyn quyp jetudıŋ eŋ tiımdı täsılı de – osy.
Gülnär AMANǦŪLOVA,
Astana qalasynyŋ tūrǧyny:
– 4, 6-synyptarda oqityn ekı balam bar. Aua raiynyŋ qolaisyzdyǧyna bailanysty jyl saiyn kemınde 15-20 kün sabaqtan qalady. Oqu baǧdarlamasynan qalyp qoiu balalarǧa da, mūǧalımderge de oŋai soqpasy anyq. Sondyqtan, mūndai sabaqtardy meŋgerudıŋ ekı jaqqa da tiımdı täsılın qarastyrǧan jön. Kei ata-analar aiaz saldarynan ötpei qalǧan sabaqty oquşylardyŋ jazǧy demalysyn qysqartu esebınen tolyqtyru kerek degen pıkır aityp jür. Öz basym būǧan qarsymyn. Oquşylardyŋ demalysyn jaz mezgılıne orailastyru medisinalyq tūrǧydan tiımdı ekendıgı däleldengen. Demalys mezgılınıŋ qysqaruy balalarǧa fiziologiialyq tūrǧydan da, psihologiialyq tūrǧydan da kerı äserın tigızedı. Ötılmegen sabaqtyŋ ornyn senbı-jeksenbı künnıŋ esebınen tolyqtyru da dūrys emes. Balanyŋ aǧzasyna, oilau jüiesıne tym artyq salmaq saluy mümkın. Demek, qalyp qoiǧan taqyryptardy kündelıktı ötetın sabaqpen qatar igergen jön.
Şynar DOSAN
