Astanadaǧy Beibıtşılık jäne kelısım saraiynda üş kün boiy «Köŋıldı tapqyrlar alaŋy» atty äzılkeşter arasynda Qazaqstan chempionatynyŋ ırıkteu saiystary öttı. Oǧan elımızdıŋ oblystary men qalalarynan 12 komanda qatysty. Joba jetekşısı, belgılı şoumen, QR eŋbek sıŋırgen qairatkerı Tūrsynbek Qabatovtyŋ aituynşa, jeŋımpazdar jyl soŋynda anyqtalady. Irıkteu saiystarynda kışı kubokty köp alǧan komandalar finalda topqa tüsedı. Soǧan säikes üzdık şyqqandar «Altyn», «Kümıs» jäne «Qola» kuboktardy ielenedı. Jyl oiynşysy da osy ülgımen taŋdalady.
ŞEKTEULI TAQYRYPTAR AIаSYNAN ŞYǦADY
«Köŋıldı tapqyrlar alaŋy» men «Jaidarman» oiyndary arasynda qandai aiyrmaşylyq bar nemese jaŋa jobanyŋ aldyndaǧysynan erekşelıkterı qandai degen zaŋdy sūraq tuyndaidy. Būl saualdy Tūrsynbektıŋ özıne qoidyq.
«Jaidarmandy» ülken mektep, ülken universitet, ülken akademiia dep aitsaq ta bolady. Būl – jas komandalarǧa arnalǧan joba. Al bız osy «mektepten» tülep ūşqan komandalardy ärı qarai sahnada qaldyru üşın jobamyzdy bastadyq. Mysaly, Reseide Aleksandr Masliakov jetekşılık etetın «KVN» jas aiyrmaşylyǧyna bölınbeidı. Onda komanda müşelerı 30-40 jasqa jetse de oinai beredı. Bızdıŋ joba da osy dästürdı jalǧastyru maqsatynda qolǧa alyndy. Aldaǧy uaqytta jas komandalardy daiyndaityn bolamyz dep şeşıp te qoidyq. Negızı är salada bäsekelestık kerek. Sonda damu bolady» deidı Tūrsynbek Qabatov.
Şoumennıŋ sözınşe, «Köŋıldı tapqyrlar alaŋynyŋ» ūstanatyn baǧyty da özgeşe. «Keiıngı kezde sahnadan ötkır, tılıp tüsetın äzılder aitylmai kettı. Bızge de körermender «Reseidegı «Kamedi klab», «KVN» jobalarynda kezdesetın äzılderdı nege aitpaisyŋdar? Olardy körıp otyrǧanda, kädımgıdei demalyp qalasyŋ. Al sızder belgılı bır şekteulı taqyryptardyŋ aiasynan şyqpaisyzdar» degen sözderdı aityp jatady. Sosyn bız oilana bastadyq. Ekınşı jaǧynan, maǧan būryn sahnadan körıngen, bıraq keiınnen alystaǧan äzılkeşterden qūralǧan komandalar şyqty. Olar «Sahnany saǧyndyq. Özıŋız «KVN-nen» şyqtyŋyz ǧoi, būrynǧy komandalardyŋ basyn qosyp, nege bır liga qūrmaimyz?» degen ūsynys tastady. Sodan «Köŋıldı tapqyrlar alaŋy» atty joba paida boldy. Jazda Astana künı merekesı toilanǧanda būl jobanyŋ tūsauy kesıldı. Sodan keiıngı oiyndar qazır jalǧasyp jatyr» deidı T. Qabatov.
Onyŋ aituynşa, jaŋa joba arqyly körermen özderıne būrynnan tanys komandalarmen qaita qauyşyp otyr. Iаǧni, osydan 15 jyl būryn tanylǧan komandalar sahnada qaitadan tabysty. Komandalardyŋ geografiiasy da äraluan. «Köŋıldı tapqyrlar alaŋyna» elımızdıŋ şyǧysy men batysynan, oŋtüstıgı men soltüstıgınen, ortalyq Qazaqstannan komandalar jinaldy. Jyl soŋyna deiın de 12 oiyn ötkızu josparlanǧan. Olarǧa baǧa beretın qazylar alqasynyŋ qūramy da özgerıp otyrady. Qazylarǧa Astana qalasy Mädeniet, mūraǧattar jäne qūjattama basqarmasynyŋ basşysy Bolat Majaǧūlov basşylyq etedı.
Köŋıldı tapqyrlar alaŋynyŋ» ūstanatyn baǧyty da özgeşe. Keiıngı kezde sahnadan ötkır, tılıp tüsetın äzılder aitylmai kettı. Reseidegı «Kamedi klab», «KVN» jobalarynda kezdesetın äzılderdı nege aitpasqa? Olardy körıp otyrǧanda, kädımgıdei demalyp qalasyŋ.
«KAZAHİ» MÄSKEULIKTERDIŊ KÖŊILIN KÖTEREDI
Kelesı aptada Mäskeude Astananyŋ mädeni künderı ötetının aita keteiık. Elordadan mūnaraly qalaǧa attanatyn önerpazdar qūramynda da Tūrsynbek Qabatov bar. «Resei astanasyna Mäskeu sahnasyn körgen Malik, Sanat, Qūmar, Gülnär, Nūrdäulet jäne özımdı qosqanda, «Kazahi» dep atalatyn komanda barady» deidı būl jönınde belgılı şoumen.
«Bügıngı körermenge qandai äzıl kerek?» Äzılkeşterge kerek sūraqty Tūrsynbekke qoidyq. «Şyny kerek, qazır äzıldıŋ baǧyty özgerıp bara jatyr. Äzılkeşter jastarǧa tärbie beretın, qandai än tyŋdau kerek, qalai jürıp-tūru kerek töŋıregınde oilanuy tiıs. Komandalarǧa da osy baǧytta äzıldeŋder dep ünemı aityp otyramyn. Astarly, maǧynaly, halyqqa kerek äzılderge qarai oiynşylardy būruǧa tyrysamyn» deidı ol.
Şoumennıŋ sözınşe, Qyrǧyzstanda da, Özbekstanda da onyŋ baǧdarlamasynan alynǧan äzılderdı oryndaityn ärtıster paida bolypty. Al özı özge elderdıŋ äzılderın qoldanbaidy eken. «Qazaqtyŋ mınezı qandai, ūltqa ne jetıspei jatyr – köbınese osy mäselelerdıŋ töŋıregınde bas qatyramyn. Negızınen, äzılderımnıŋ 95 paiyzyn özım jazamyn» degen Tūrsynbek Baiandy Sahariia, Ruslan Nūrlanov syndy äzılqoilarmen jūmys ısteitının de aitty.
Tūrsynbek Qabatov jetekşılık etetın Astanadaǧy «Köŋıldı tapqyrlar teatry» 28 qyrküiek künı Kongress-holda Täuelsızdıktıŋ 25 jyldyǧyna arnap konsert ötkızedı. Teatr jetekşısınıŋ aituynşa, öner ūjymy qazırgı taŋda baǧyty men stilın özgertıp jatyr. Onyŋ nätijesın körermen jaqynda ötetın konsertte körmek.
«Köŋıldı tapqyrlar alaŋyna» elımızdıŋ şyǧysy men batysynan, oŋtüstıgı men soltüstıgınen, ortalyq Qazaqstannan komandalar jinaldy. Jyl soŋyna deiın de 12 oiyn ötkızu josparlanǧan. Olarǧa baǧa beretın qazylar alqasynyŋ qūramy da özgerıp otyrady. Qazylarǧa Astana qalasy Mädeniet, mūraǧattar jäne qūjattama basqarmasynyŋ basşysy Bolat Majaǧūlov basşylyq etedı.
«ASTANA MAǦAN BÄRIN BERDI»
Tūrsynbektıŋ jūrtqa tanymaldylyǧy Astanaǧa kelgen soŋ artty. Jalpy Astana oǧan ne berdı? Osy sūraqqa özı jauap bersın. «Astana elorda tūrǧyndaryna ǧana emes, Qazaqstandy mekendegen barşa halyqqa köp närse berıp jatyr. Astanada nebır-nebır öner oşaqtary aşylyp, halyqtyŋ igılıgıne jūmys ısteude. Olardyŋ arasynda bızdıŋ ūjym da bar. Ärine, elordaǧa alǧaş kelgende, baspana jaǧynan, daiyndyq jasaityn sahna jaǧynan bıraz qinaldyq. Al qazır jaǧdai jaqsy jaǧyna özgerdı. Astana – maǧan ystyq. Öitkenı bas şahar maǧan bärın berdı. Osynda oqu bıtırdım. Menı Tūrsynbek Qabatov qylyp, tamaşa teatr aşyp bergen de Astana. Endı «Köŋıldı tapqyrlar alaŋy» siiaqty jobany qolǧa aluǧa mümkındık berıp otyr. Astanadan otbasymdy taptym. Astana künnen-künge örkendep, damudyŋ daŋǧyl jolyna tüstı. Elordamen bırge bız siiaqty tūrǧyndary da ösıp, üilı-küilı bolyp, jaǧdaiyn jaqsartyp keledı. Būl – bärımız üşın quanyş» deidı Tūrsynbek Qabatov.
Amanǧali QALJANOV
