Elımızde jyl saiyn 80 myŋǧa juyq tüsık jasalady eken. Bedeulıktıŋ beleŋ aluynyŋ basty sebebı de – osy. Qazaqstandaǧy jūptardyŋ 15-16 paiyzy bala tuuǧa qabıletsız. Sondyqtan, olar säbilı boludyŋ basqa joldaryn ızdestıruge mäjbür. Būl turaly Ortalyq kommunikasiialar qyzmetınde «Otbasylyq qūndylyqtar jäne otbasyn josparlau» taqyrybynda ötken brifingte QR Densaulyq saqtau jäne äleumettık damu ministrlıgınıŋ respublikalyq üilestıruşısı Gül Omarova mälımdedı.
Ärbır adamǧa otbasyn qūryp, artyna ūrpaq qaldyru – paryz. Baqyttyŋ töresı de – bala süiu. Ökınışke qarai, mūndai baqytqa qol jetkıze almai jürgen jūptar az emes. Jyl ötken saiyn bedeulık pen belsızdık mäselesı uşyǧyp bara jatqany dabyl qaǧarlyq. Alaida, säbidıŋ ünıne zar bolyp jürgen otbasylarǧa memleket janaşyrlyqpen qarap, jyl saiyn 600 otbasyǧa ekstrakorporaldy ūryqtandyru jasauǧa kvota böledı eken. Gül Omarovanyŋ aituynşa, soŋǧy on jylda jasandy tüsık jasatu 3 esege azaiǧanymen, būl Europa elderımen salystyrǧanda joǧary körsetkış. Aitalyq, şet elderdıŋ damyǧan elderınde 1 myŋ äieldıŋ 3-6-uy ǧana jasandy tüsık jasatu täsılıne jügınse, elımızde myŋ äieldıŋ 18-ı abort jasatady eken.
Qazırgı bala tuu jasyndaǧy äielderdıŋ densaulyǧynda da kınärat köp. Al, sau bala tek sau anadan ǧana tuady. Sondyqtan, QR Densaulyq saqtau jäne äleumettık damu ministrlıgı äielderdı jüktılıkke deiın jan-jaqty tekseruden ötkızu turaly şeşım qabyldapty.
Brifingte äleumettık jaǧdaiy tömen otbasylar men osyndai janūiada tärbielenıp jatqan balalardyŋ mäselesı de söz boldy. QR Bılım jäne ǧylym ministrlıgınıŋ basqarma basşysy Gülnaş Qoşqarovanyŋ aituynşa, elımızdegı balalardyŋ sany 5 millionnan asady. Olardyŋ 2 milliony balabaqşa jasyndaǧy baldyrǧandar bolsa, 2,5 milliony – mektep jasyndaǧy jetkınşekter. Al, 4 myŋǧa juyǧy – oqityn jastar.
Bügınde Işkı ıster organdarynda 13 myŋ otbasy esepte tūr. Olarda 20 myŋnan asa bala tärbielenıp jatyr eken. Ministrlıktıŋ basqarma basşysy mūndai balalardyŋ eşqaisysy qarausyz emestıgın, olarmen tyǧyz jūmys ısteudı ūiymdastyru üşın bılım beru ūiymdarynda 3,5 myŋ äleumettık pedagog, 7,5 myŋnan astam psiholog jäne 1,5 myŋnan astam polisiia inspektory tartylǧanyn atap öttı.
Qymbat NŪRǦALİ
