L.Gumilev atyndaǧy Euraziia ūlttyq universitetınıŋ 20 jyldyq mereitoiyna bailanysty Elbasy Nūrsūltan Nazarbaev qūttyqtau hat joldady. Onyŋ mätının saltanatty jiynǧa qatysqan Memlekettık hatşy Gülşara Äbdıqalyqova oqyp berdı.
Prezident öz sözınde astanalyq bılım ordasyn bılıktı mamandar daiarlauda ärdaiym alǧy şepten köruge ümıttı ekenın aityp, universitetke jarqyn bolaşaq tılegen. Sondai-aq, Astana qalasy äkımınıŋ orynbasary Ermek Amanşaev qalyŋ qauym aldynda elorda äkımınıŋ qūttyqtauyn jetkızdı. «Alǧaş qūrylǧannan berı Euraziia ūlttyq universitetı elımızge asa qajettı, parasatty, käsıbi mamandardy daiarlap keledı. Universitet diplomy bügıngı taŋda joǧary märtebege ie. Bıtıruşı tülekter otandyq jäne halyqaralyq biznes salasynda, memlekettık basqaru mekemelerınde, äleumettık, mädeni, saiasi ömırımızde jemıstı eŋbek etıp jür. Olar – qaşanda joǧary sūranysqa ie mamandar» delıngen äkım qūttyqtauynda.
Būdan keiın bılım ordasynyŋ qazırgı jäne būrynǧy rektorlaryna mereitoilyq eskertkış medal tabys etıldı.
Universitettıŋ tuǧan künıne arnalǧan merekelık baǧdarlama «Kültegın amanatymen» bastaldy. Kültegınnıŋ obrazyn Qalleki teatrynyŋ akterı Quandyq Qystyqbaev somdady. Dästürlı änşı Erlan Rysqali, tanymal opera änşısı Maira Mūhamedqyzy, «Astana opera» balet teatrynyŋ öner ūjymy, sondai-aq universitettıŋ talantty studentterı mereke körkın qyzdyrdy. Saltanatty şara ordaly oqu ornynyŋ alaŋynda ūiymdastyrylǧan konsertke ūlasty.
Atap öteiık, L.Gumilev atyndaǧy Euraziia ūlttyq universitetı – elımızdegı joǧary oqu oryndary arasynda top bastauşylardyŋ bırı ǧana emes, nebary 20 jyl ışınde talai halyqaralyq, respublikalyq reitingıler men saraptaularda laiyqty oryndardan körınıp, älem arenasynda ozyq oqu oryndarynyŋ qatarynan oryn tepken oqu ordasy. Bılım ūiymynda bügınde 13 fakultet, 65 kafedra, ondaǧan zerthanalar jūmys ısteidı. Jyl saiyn mūnda üş jarym myŋdai jas oqu bıtırıp şyǧady. Al, 2015 jylǧy tülekterdıŋ jūmysqa ornalasu körsetkışı 87 paiyzdy qūraidy.
Mädina JAQYP
