Astana qalasynyŋ Käsıpkerler palatasy biznes-portaldy ıske qosty.
Osyǧan bailanysty brifing ötkızgen qalalyq Käsıpkerler palatasynyŋ direktory Meiırbek Mäjitov qazaq, orys jäne aǧylşyn tılındegı www.astana2050.kz biznes-portalynda ekonomikanyŋ barlyq salasy boiynşa tolyqqandy maǧlūmattar toptastyrylǧanyn atap öttı.
Aitalyq, portaldyŋ «Qala ekonomikasy» bölımınde biznes tırkeuden bastap, bank sektory, syrtqy, ışkı sauda, önerkäsıp, qūrylys, kölık, turizm syndy qalanyŋ san aluan salalaryndaǧy körsetkışter jönınde tolyqqandy aqparat aluǧa bolady.
Al, «Biznestı memlekettık qoldauda» käsıpkerlerge memleket tarapynan qandai qoldaular körsetıletını, qandai baǧdarlamaǧa qatysuǧa bolatyny jönınde aitylǧan. Sondai-aq, «Damu» qorynyŋ baǧdarlamalary men memleket bölıp otyrǧan granttar turaly mälımettı de osy betten tabuǧa bolady.
«Biznes josparlau» tarauynda ıskerlık jospardan tartyp, bizneske arnalǧan nesie, buhgalterlık esep, lizing, marketing, salyq, memlekettık satyp alu jäne tender turaly bıluge mümkındık bar. Isın jaŋadan bastap jürgender osy betten biznestı jürgızuge, damytuǧa arnalǧan seminarlar, konferensiialardyŋ qaida ötetının bıle alady.
«Astana käsıporyndary» men «İnnovasiialyq Astana» bölımınde innovasiialyq jobalardy jüzege asyrumen ainalysatyn elordalyq kompaniialar turaly aqparatty oqi alasyzdar.
Qymbat NŪRǦALİ
