Nūr-Sūltan qalasynyŋ Qoǧamdyq keŋes müşelerı elordanyŋ 2021 jylǧa arnalǧan biudjetınıŋ oryndaluy turaly eseptı talqylady
Jaŋa qūramnyŋ otyrysy filologiia ǧylymdarynyŋ doktory, professor, Qazaqstan jaratylystanu ǧylymdary akademiiasynyŋ vise-prezidentı, Qazaqstan Respublikasy bılım beru salasynyŋ qūrmettı qyzmetkerı, akademik Kärımbek Qūrmanälievtı asqaraly 60 jasymen qūttyqtaudan bastaldy. Qoǧamdyq keŋestıŋ töraǧasy Zulfuhar Gaipov aldymen Prezident Äkımşılıgı basşysynyŋ orynbasary Aida Balaevanyŋ, sodan soŋ Nūr-Sūltan qalasynyŋ äkımı Altai Kölgınovtıŋ qūttyqtau hattaryn oqyp, mereitoi iesıne myqty densaulyq, jūmysyna tabys jäne otbasyna baq-bereke tıledı. Sondai-aq «Amanat» partiiasynyŋ atqaruşy hatşysy Ashat Oralov ta ızgı nietın bıldırdı. Qoǧamdyq keŋes müşelerı atynan igı tılegın jetkızgen keŋes töraǧasy bılım beru jäne ǧylym salasyndaǧy eren eŋbegın eskere otyryp, Kärımbek Arystanbekūlyna gül şoqtaryn tabystady. Öz kezegınde mereitoi iesı: «Maǧan körsetılgen qūrmet – būl Qoǧamdyq keŋes müşelerıne körsetılgen qūrmet dep sanaimyn» dep, şynaiy yqylas bıldırıp, erekşe qūrmet körsetkenderı üşın Qoǧamdyq keŋes müşelerıne alǧys aitty.
Qoǧamdyq keŋes otyrysynyŋ kün tärtıbındegı negızgı mäselelerdıŋ bırı 2021 jylǧa arnalǧan elorda biudjetınıŋ atqarylu qorytyndylaryn qarau boldy. Būl rette qalalyq Qarjy basqarmasynyŋ basşysy Älıbi Jūmaev Qoǧamdyq keŋes müşelerın Nūr-Sūltan qalasynyŋ 2021 jylǧa arnalǧan biudjetınıŋ oryndalu qorytyndylary turaly habardar ettı.
Basqarma basşysynyŋ aituynşa, 2021 jylǧy biudjet saiasaty Nūr-Sūltan qalasynyŋ damu baǧdarlamasynda jäne biudjettık baǧdarlamalar äkımşılerınıŋ biudjettık baǧdarlamalarynda anyqtalǧan maqsattarǧa jäne mındetterge qol jetkızuge baǧyttaldy. Osylaişa biudjet 700 mlrd teŋge kölemınde oryndaldy, 2021 jyl boiynşa qala biudjetınıŋ şyǧystary 97,2%-ǧa atqaryldy. Menşıktı kırısterdıŋ kölemı 496 mlrd teŋgenı nemese 109,5% oryndai otyryp (jospardaǧy 453 mlrd teŋge somada) qūrady. Biudjettıŋ atqaryluyn taldau öz kırısterınıŋ jyl saiyn ūlǧaiyp kele jatqanyn körsetedı. Biudjettıŋ kırıs bölıgınıŋ negızgı asyra oryndaluy salyqtyq emes tüsımder jäne negızgı kapitaldy satudan tüsetın tüsımder esebınen qamtamasyz etıldı.
Respublikalyq biudjetten bölıngen nysanaly transfertter men kreditter boiynşa igeruşılık 94,4% qūrady (atqaryluy 196925,5 mln teŋgenı qūrady), onyŋ ışınde: aǧymdaǧy baǧdarlamalar boiynşa – 99,4%, damu biudjetı boiynşa – 90,2%.
2021 jyldyŋ qaŋtar-jeltoqsan aiynyŋ qorytyndysy boiynşa elordanyŋ negızgı äleumettık-ekonomikalyq körsetkışterı oŋ ösım körsettı. Baiandamaşy respublikalyq biudjetten bölıngen transfertterge, «Jūmyspen qamtudyŋ jol kartasy» baǧdarlamasy boiynşa ıs-şaralardy ıske asyruǧa, şaǧyn jäne orta käsıpkerlıktı qoldauǧa, äleumettık mäselelerdı şeşuge toqtaldy. Sondai-aq Qoǧamdyq keŋes müşelerı 2021 jylǧa arnalǧan elorda biudjetınıŋ atqarylu qorytyndylaryn taldap, biudjettık baǧdarlamalar äkımşılerınıŋ qarajatty igeruı boiynşa oŋ dinamikany atap öttı.
Qala biudjetı qarajatynyŋ jūmsaluyn oŋtailandyru jönındegı jūmys onyŋ äleumettık baǧytyn saqtauǧa mümkındık berdı. Jyl saiyn bılım beru, densaulyq saqtau, mädeniet salalaryna, memlekettık baǧdarlamalar boiynşa tūrǧyn üi qūrylysyna, Qazaqstan Respublikasynyŋ zaŋnamasynda aiqyndalǧan azamattardyŋ jekelegen sanattaryna sport jäne äleumettık kömek körsetuge şyǧystar ūlǧaiuda. Degenmen keibır basqarmalardyŋ biudjetten bölıngen qarjyny uaqytyly igermegenı belgılı boldy. Mäselen, qalalyq Qūrylys basqarmasy men Otyn-energetikalyq keşenı jäne kommunaldyq şaruaşylyq basqarmasy biudjetten bölıngen qarajatty uaqytyly igermegen. Sol üşın atalmyş basqarma basşylary, sonymen bırge qaladaǧy 9 mektep direktory, barlyǧy 17 lauazymdy tūlǧa qataŋ sögıs jäne eskertu jariialau türındegı türlı tärtıptık jauapkerşılıkke tartylǧan.
Jalpy talqylau qorytyndysy boiynşa 2021 jylǧa arnalǧan biudjettıŋ atqaryluy turaly esep Qoǧamdyq keŋes müşelerınıŋ ūsynystary men tolyqtyrularyn eskere otyryp, köpşılık dauyspen maqūldandy.
Memlekettık qyzmet ısterı agenttıgınıŋ Nūr-Sūltan qalasy boiynşa departamentı basşysynyŋ orynbasary Roman Kim elordadaǧy memlekettık organdardyŋ qyzmetıne toqtaldy. Jyl saiyn agenttık qyzmetkerlerınıŋ jürgızetın äleumettık zertteulerınıŋ qorytyndysy boiynşa 2020 jyly bas qala 17 öŋır ışınen memlekettık qyzmet körsetu sapasy jönınen 17-oryndy ielense, byltyr 13-orynǧa şyqqan. Ärine, būl qoǧam müşelerın qatty alaŋdatty. Sebebı kez kelgen adam elımızdıŋ bas qalasyndaǧy memlekettık qyzmet körsetu jūmysyna qarap jalpy memlekettık organdarǧa baǧa beretını turaly aita kele, departament basşysynyŋ orynbasary aldaǧy uaqytta elorda imidjın köteru baǧytyndaǧy jūmysty jaqsartuǧa bırlese atsalysuǧa şaqyrdy.
Gülbarşyn ÖKEŞQYZY
