«Egemendı» elordaǧa bastap kelgen Eraǧaŋ edı…

Qazaq jurnalistikasy auyr qazaǧa ūşyrady. Qazaqstan Respub­likasy Prezidentı syilyǧynyŋ tūŋǧyş laureaty, Qazaqstannyŋ eŋbek sıŋırgen qairatkerı, B.Būlqyşev atyndaǧy syilyqtyŋ iegerı, Qazaqstannyŋ qūrmettı jurnalisı Erjūman Smaiyl aqpannyŋ 27-sı künı kenetten ömırden öttı.

Biylǧy jylǧy qaŋtardyŋ 5-ı künı 70 jasqa tolǧan Erjūman Smaiyl bükıl sanaly ǧūmyryn qazaqtyŋ qabyrǧaly ekı basylymy – «Egemen Qazaqstan» men «Leninşıl jas» (qazırgı «Jas alaş») gazet­terıne arnady. Ekı gazette de ūzaq jyldar bas redaktordyŋ orynbasary bolyp qyzmet etıp, ekı redaksiianyŋ barlyq ışkı-syrtqy jūmystarynyŋ mehnatyn bastan keştı, şyǧarmaşylyq ūjymmen jūmys jasaudyŋ özın­dık ülken mektebın qalyp­tastyrdy. Keiın «Egemen Qazaqstan» gazetınde ekı ret basşylyq qyzmet atqardy. Osy jyldardyŋ bärınde ol bügınde qazaq baspasözınıŋ kögınde esımderı tanymal bolyp jürgen köptegen jurnalistı tärbielep şy­ǧardy.
Erjūman Smaiyl 1948 jyly 5 qaŋtarda Almaty oblysynda tuǧan. 1976 jyly S.M.Kirov atyndaǧy Qazaq memlekettık univer­sitetınıŋ jurnalistika fakultetın bıtırdı. Eŋbek jolyn aldymen osy universitette oqytuşy bolyp bastaǧan ol köp ūzamai tıkelei baspasöz salasyna auysyp, «Sosialistık Qazaqstan» (qazırgı «Egemen Qazaqstan») gazetınıŋ tılşısı bolyp qyzmetke ornalasty. Būdan keiın 1979-1987 jyldary «Leninşıl jas» gazetınde redaktordyŋ orynbasary, 1987-2003 jyldary «Egemen Qazaqstan» gazetınıŋ bölım meŋgeruşısı, redaktordyŋ orynbasary, bas redaktorynyŋ bırınşı orynbasary, bas redaktory dep atalatyn joldardan öttı. Al 2003-2010 jyldar aralyǧynda «Egemen Qazaqstan» respublikalyq gazetı» aşyq aksionerlık qoǧamynyŋ prezidentı, vise-prezidentı boldy. Gazet basşysy retınde 1999 jyly 20 aqpanda «Egemen Qazaqstan» basylymyn Almatydan Astanaǧa köşırıp äkelıp, redaksiianyŋ ornalasyp, qalyptasuyna, damuyna ülken üles qosty.
Kezınde «Egemennıŋ» qara nary» atanǧan Eraǧaŋ, şynynda, redaksiiany ögızdei örge süireitın naǧyz jū­mysker jauynger edı. Ol qaşanda gazettıŋ künbe-küngı iırılıp-bıtpeitın ırkes-tırkes tız­bektı jūmystarynyŋ qainaǧan ortasynda jürdı. Basşylyǧyn alǧa tartyp otyrmai, sol redaksiiadaǧy eŋ qarapaiym, eŋ auyr jū­mysqa da özın jegıp, moinyna bar auyrtpalyqty artyp, ony aqyryna deiın atqaryp jüretın. Jūmysty eşqaşan «mynau – basşynıkı, mynau – qosşynıkı» dep bölıp qaraǧan emes. Bärın ūjymǧa ortaq mındet sanaityn. Bylaiynşa aitqanda, qai kezde de redaksiianyŋ «otymen kırıp, külımen şyǧyp» jüretın barynşa qarapaiym basşy boldy.
Erjūman aǧa, rasynda, naǧyz azamat-erdıŋ soiy edı. Moinyna alǧan närsesın özı köterıp şyǧatyn. Uäde berse, mındettı türde oryn­daityn. Ol özınıŋ ärıptes­terı arasynda osyndai tabandylyǧymen, prin­sip­şıldıgımen, beinet­keş­tıgımen, ädıldıgımen, ta­lap­şyldyǧymen es­te qaldy. Ol sonymen bır­ge qarauyndaǧylarǧa ūdaiy qamqor bola bıldı, qoly­nan kelgenınşe olar­dyŋ jaǧdailaryna qa­rap, jaqsylyq jasauǧa ūm­tyldy. Basşy retınde özınıŋ qyzmetkerlerın syrttan bolatyn qysymdardan, soqqylardan qorǧap jürdı, olardy äldekımderdıŋ talauyna jol bermedı.
Eraǧaŋ qalanyŋ 20 jyldan bergı tūrǧyny, «Astana aqşamynyŋ» belsendı oqyrmany retınde şahar men gazet jūmysyn jetıl­dıru jönındegı aqyl-keŋes­terın ünemı jetkızıp otyruşy edı. Eraǧa biylǧy jyldyŋ basynda jetpıs jasqa toldy. Ol sol künderı «Astana aqşamy» gazetıne bergen sūhbatynda «Alla būiyrtsa, ülken toidy 75-ke tolǧanymda jasarmyn» degen edı. Bıraq Jaratqan iemız mūny būiyrtpady, ol künge jetkızbeitın etıp qoidy. Osy ökınıştı!
Endı Alla aldynan jaryl­qasyn!
Qoş, qazaq baspasözınıŋ qara nary! Jatqan jerıŋız jaily bolsyn!

«Astana aqşamy» gazetınıŋ ūjymy