Elbasy N.Nazarbaev «Äleumettik-ekonomikalyq jaŋǧyrtu – Qazaqstan damuynyŋ basty baǧyty» atty halyqqa arnaǧan Joldauynda äleumettik-ekonomikalyq jaŋǧyrtu tūrǧysynda on baǧytty negizge ala otyryp, jaŋa mindetterdi aiqyndap körsetti. Onyŋ işinde halyqty qoljetimdi baspanamen qamtu kerektigi airyqşa atalyp körsetildi. Būl tūrǧyda Memleket basşysy «Qoljetimdi baspana – 2020» baǧdarlamasyn äzirlep, keşiktirmei jasap qabyldaudy Ükimetke tapsyrdy. Osy oraida Joldauda jalǧa beriletin tūrǧyn üidi birinşiden, aluşy keleşekte jaǧdaiy kelip jatsa, öz menşigine satyp alu mümkindigi, ekinşiden, satyp aluǧa jaǧdaiy kelmese ömir boiy sol üidi jaldap tūra beru mümkindigi qarastyrylatyny aitylady.
Būl üşin Elbasy jyl saiyn salynatyn jalǧa beriletin tūrǧyn üidiŋ kölemi 1 million şarşy metrge jetkizu qajet dedi. Elimizde qazirgi künde baspanaǧa qol jetpei jürgen jastar öte köp. Sondyqtan, būl kölem jyl saiyn ūlǧaiatyny sözsiz. Demek, halyqtyŋ jaǧdaiy jan-jaqty qaralmaq. Osy baǧdarlamanyŋ mehanizmin jasaǧan kezde köptegen mäselelerdi qarastyrǧan jön.
Birinşiden, eŋ özekti mäsele jer resursy bolady. Keibir qalalarda qūrylys jürgizetin jer telimderi azaiǧan, sodan onyŋ baǧasy qymbattap otyr. Mūnyŋ bir sebebi jer telimderiniŋ deni jekeşelendirilip ketken. Sondyqtan jasyl aimaqty, iaǧni äli igerilmegen jerlerdi tūrǧyn üi qūrylysyna paidalanuǧa mümkindik tuǧyzu kerek.
Ekinşiden, otandyq qūrylys materialdaryn şyǧaruǧa asa män beru kerek. Şetelderden keletin qūrylys materialdarynyŋ baǧasy qymbat. Sondyqtan otandyq qūrylys materialdaryn şyǧaratyn käsiporyndarǧa jan-jaqty qoldau beruge müddelik tanytu qajet. Syrttan alatyn keibir erekşe qūrylys materialdary üşin kedendik salyqty jeŋildetu joldaryn qarastyrǧan jön.
Üşinşiden, qūrylys materialdaryn arnaiy tekseretin jergilikti zerthanalar jūmys isteui qajet.
Törtinşiden, tūrǧyn üi qūrylysyna qajetti injenerlik jüiege tehnikalyq şart rūqsat qaǧazyn alǧanda tuyndaityn qiynşylyqtar qaǧazbastylyqqa salatyn äkimşilik kedergilerge qysqartudyŋ joldary qarastyrylsa jön bolar edi.
Besinşiden, salynǧan tūrǧyn üidi paidalanuǧa alatyn komissiiaǧa qatysty mäselelerdi de oŋtailandyru kerek. Äsirese, köp adamnyŋ qolyn jinau siiaqty qaǧazbastylyq rettelse dūrys bolady. Jalpy, būl mäselede jaŋa zamanǧa sai şeteldik täjiribelerdi qoldanǧan artyq etpeidi.
Altynşydan, tūrǧyn üi qūrylysyn salatyn kompaniialarǧa beriletin bank nesiesine jeŋildikter bolu qajet. Qazirgi tūrǧyn üi salatyn kompaniialar köbinde bankten nesie alu arqyly jūmysyn jürgizedi. Alaida joǧaryda aitylǧandai, injenerlik jüiege tehnikalyq şarttyŋ biri nemese äldeqandai bir kedergi tuyndaǧan jaǧdaida qūrylys jūmysy kidiredi, sonyŋ äserinen kompaniianyŋ bank aldyndaǧy nesie ösim uaqytyly tölenbei kedergiler paida bolady. Ainalyp kelgende kompaniia taǧy aqşa sūrauǧa mäjbür bolyp, osynyŋ bäri, ärine tūrǧyn üi baǧasynyŋ qymbattauyna da äkelip soǧady.
Jetinşiden, qūrylysty jyldam salamyn dep arzan materialdardy paidalanyp, sapasyzdyqqa jol beretinder bolady. Onyŋ arty tūtynuşy tarapynan dau-damaiǧa ūlasyp jatady. Osyndai keleŋsizdikter bolmauy üşin zerthana jūmysyn jetildirip, tegeurindi talap qoiatyndai mekemege ainaldyru qajet.
Memleket basşysynyŋ biylǧy Joldauynan tuyndaǧan «Qoljetimdi baspana – 2020» baǧdarlamasy būl – eldiŋ igiligin eskergen bereke bastamasy. Būl rette Prezident te, Ükimet te, jergilikti äkimdikter de barlyq jaǧdaidy jasap berip otyr. Endi tek aituly baǧdarlama nauqanǧa ainalmai, naqty igilikke ainaluǧa tiis dep oilaimyn.
Beisen MAMYRBEKŪLY