Keşe Elbasy Nūrsūltan Nazarbaev «Astana Opera» memlekettık opera jäne balet teatry aldynda ornatylǧan elımızdegı bas şyrşanyŋ şamdaryn jaǧyp, bükıl qazaqstandyqtardy jeltoqsandaǧy merekelerımen qūttyqtady.
«Qūrmettı balalar, bügın – Tūŋǧyş Prezident künı. Ol – men üşın jasalǧan mereke emes, elımızdıŋ täuelsızdıgımen sabaqtas mereke. Osydan 23 jyl būryn 1 jeltoqsanda bızdıŋ elımız bükıl halyq bolyp tūŋǧyş ret öz Prezidentın sailaǧan bolatyn jäne sol kezde halyqtyŋ 98 paiyzy maǧan dauys berdı. Sol dauysqa süiene otyryp, men täuelsızdık jariialaudy özıme mındet ettım. Ekı meiramdy egız deitınım sol. Sodan berı Qazaqstanymyz örkendep östı, düniejüzıne belgılı boldy, eldıŋ äl-auqaty östı.
Barlyq jasap jatqan şaruamyz – sender üşın, balalar! Sender oqysyn dep mektep, balabaqşa jäne universitetter salyp jatyrmyz. Densaulyqtaryŋ myqty bolsyn dep sport keşenderın de tūrǧyzdyq. Ata-analaryŋa da jūmys berıp jatyrmyz. Osynyŋ barlyǧy – eldıŋ qamqorlyǧy. Balalar baqytty bolsa – el baqytty.
Bügın bız elımızdıŋ eŋ negızgı şyrşasyn jaqqaly otyrmyz. Jaŋa jyl – ertegı, jaŋa jyl – arman. Ol – ızdep, kütıp otyratyn baqyt. Sondyqtan kele jatqan jaŋa jyldaryŋyz qūtty bolsyn! Baqytty bolyŋdar, balalar!» degen Nūrsūltan Nazarbaev barşa qazaqstandyq balalar men olardyŋ ata-analaryna jürekjardy tılegın aitty.
«Astana Opera» memlekettık opera jäne balet teatrynyŋ alaŋynda qūrylǧan elımızdıŋ biylǧy bas şyrşasyna «Baqyt qūsy» atauy berılıp otyr. Şyrşanyŋ biıktıgı – 25, al diametrı 16 metrdı qūraidy. Ony jasandyru üşın 7650 metrlık bezendıru zattary, 2020 oiynşyq, 4000-nan asa türlı-tüstı şamdar jäne özge de äşekeiler qoldanylǧan. Jalpy, biyl Astana qalasynda 19 şyrşa tıgılıp, olardy qūruǧa şaǧyn jäne orta biznes subektılerı tartylyp otyr.
Saltanatty räsımge äleumettık az qamtylǧan jäne köpbalaly otbasylardan şyqqan, sondai-aq, ata-ananyŋ qamqorlyǧynsyz qalǧan balalar qatysty.
Nūrislam QŪSPANǦALİ
