Nūr-Sūltan qalasynyŋ äkımı Altai Kölgınov «Köktal-1», «Köktal-2», «Nūr-besık» şaǧyn audandarynyŋ tūrǧyndarymen kezdesken kezde qala töŋıregındegı eldı mekenderdı damytu jäne abattandyru turaly aitty.
– Eldı mekenderımız jüielı türde damyp keledı. Qalamyzda 16 eldı meken bar, elordamyzdyŋ ärbır törtınşı tūrǧyny osy eldı mekenderde tūrady. Qala maŋyna 13,5 km injenerlık jelı, 5 km-den astam kärız jäne su qūbyry, 3 km-den astam nöser kärızı salyndy.
«Nūr-besık» şaǧyn audanynda 200-den astam üi ornalasqan. Būl şaǧyn audanǧa ortalyqtandyrylǧan su jäne elektr jabdyqtau jüiesı qosyldy, sol siiaqty transformatorlyq qosalqy stansalar ornatyldy. Sonymen qatar, 9 eldı mekende gaz taratu jelısı ıske qosyldy, 2 jyl ışınde eldı mekenderde 160-tan astam köşe salyndy, aulalar men qoǧamdyq keŋıstıkter abattandyryldy, al «Köktal» eldı mekenınde qala tūrǧyndaryna arnap ülken saiabaq aşyldy. «Köktal» men «Öndırıs» eldı mekenderınde dene şynyqtyru-sauyqtyru keşenderı salyndy. Däl osyndai keşender «Ürker» (İlinka), «Temırjolşylar» eldı mekenderınde de bolady. «Michurin» eldı mekenınde alǧaş ret mektep salyndy, būryn oquşylar arnaiy beiımdelgen oryndarda bılım alyp kelgen bolatyn, – dedı qala äkımı.
Altai Kölgınov qalany damytu josparynan şet aimaqtar ärqaşan şet qalmaitynyn atap öttı. «2022 jyly tört eldı mekende 4 mektep saludy josparlap otyrmyz. Sol siiaqty 2022 jyly «İnternasionalnyi» eldı mekenınde alǧaşqy medisinalyq kömek ortalyǧy salynady, al 2024 jylǧa deiın ekı otbasylyq densaulyq ortalyǧy ekı öndırıstık jäne önerkäsıptık eldı mekenderde salynady. Elordalyqtarmen kezdesude atqarylǧan jūmystar turaly aityldy, sol siiaqty eldı mekenderdı odan ärı damytu jönınde ūsynystar men ideialaryn tyŋdadyq. Qala tūrǧyndary kötergen mäseleler qatarynda jaryqtandyru, abattandyru, äleumettık nysandar, jol salu, injenerlık jelıler jürgızu, kögaldandyru jäne t.b. mäseleler bar. Osyndai betpe-bet formatta audan, eldı meken tūrǧyndarymen tūraqty kezdesıp tūramyz. Būl bızge qala tūrǧyndarymen özara bailanysty küşeituge kömektesedı, sol siiaqty elordalyqtardyŋ qajettılıkterı eskerıledı ärı būl eldı mekenderdıŋ damuyna oŋ äser etedı» dedı elorda äkımı.
