Memleket basşysy Qasym- Jomart Toqaev Nūr-Sūltan qalasynda tötenşe jaǧdai engızu turaly Jarlyqqa qol qoidy.
«Azamattardyŋ maŋyzdy jäne tıkelei qauıpsızdıgıne bailanysty qoǧamdyq qauıpsızdıktı qamtamasyz etu, zaŋdylyq pen qūqyqtyq tärtıptı qalpyna keltıru, azamattardyŋ qūqyqtary men bostandyqtaryn qorǧau maqsatynda 2022 jylǧy 5 qaŋtardaǧy 16 saǧat 00 minut pen 2022 jylǧy 19 qaŋtardaǧy 00 saǧat 00 minut merzımı kezeŋınde NūrSūltan qalasynyŋ şekaralarynda tötenşe jaǧdai engızılsın.NūrSūltan qalasynda tötenşe jaǧdaidyŋ küşınde boluy kezeŋınde 23 saǧat 00 minuttan 7 saǧat 00 minutqa deiın komendanttyq saǧat engızılsın» delıngen Jarlyq mätınınde.
Nūr-Sūltan qalasy tūrǧyndarynyŋ qauıpsızdıgın qamtamasyz etu maqsatynda Qazaqstan Respublikasy Konstitusiiasynyŋ 44-babynyŋ 16-tarmaqşasyna, «Tötenşe jaǧdai turaly» Qazaqstan Respublikasy Zaŋynyŋ 4, 5, 6-baptaryna säikes QAULY ETEMIN:
- Azamattardyŋ maŋyzdy jäne tıkelei qauıpsızdıgıne bailanysty qoǧamdyq qauıpsızdıktı qamtamasyz etu, zaŋdylyq pen qūqyqtyq tärtıptı qalpyna keltıru, azamattardyŋ qūqyqtary men bostandyqtaryn qorǧau maqsatynda 2022 jylǧy 5 qaŋtardaǧy 16 saǧat 00 minut pen 2022 jylǧy 19 qaŋtardaǧy 00 saǧat 00 minut merzımı kezeŋınde Nūr-Sūltan qalasynyŋ şekaralarynda tötenşe jaǧdai engızılsın.
- Nūr-Sūltan qalasynda tötenşe jaǧdaidyŋ küşınde boluy kezeŋınde 23 saǧat 00 minuttan 7 saǧat 00 minutqa deiın komendanttyq saǧat engızılsın.
- Tötenşe jaǧdaidyŋ kezeŋınde Nūr-Sūltan qalasynyŋ komendaturasy qūrylyp, oǧan «Tötenşe jaǧdai turaly» Qazaqstan Respublikasynyŋ Zaŋymen közdelgen ökılettıkter berılsın.
Nūr-Sūltan qalasynyŋ komendanty bolyp Nūr-Sūltan qalasy Polisiia departamentınıŋ bastyǧy Erjan Saparbekūly Sädenov taǧaiyndalsyn.
- Tötenşe jaǧdaidyŋ küşınde boluy kezeŋınde mynadai şaralar men uaqytşa şekteuler belgılensın:
1) qoǧamdyq tärtıptıŋ saqtaluy, asa maŋyzdy memlekettık jäne strategiialyq obektılerdıŋ, sondai-aq halyqtyŋ tynys-tırşılıgın jäne kölık qyzmetınıŋ jūmys ısteuın qamtamasyz etetın obektılerdıŋ küzetıluı küşeitılsın;
2) Nūr-Sūltan qalasynda jürıp-tūru, onyŋ ışınde kölık qūraldary qozǧalysynyŋ erkındıgıne şekteuler belgılesın;
3) jeke tūlǧalardyŋ jeke basyn kuälandyratyn qūjattardy tekseru, olardy jeke tekseru, olardyŋ zattaryn, kölık qūraldaryn tekseru qamtamasyz etılsın;
4) Nūr-Sūltan qalasyna kıru, sondai-aq odan şyǧu şektelsın;
5) beibıt jinalystardy, oiyn-sauyq, sporttyq jäne basqa da būqaralyq ıs-şaralardy ūiymdastyruǧa jäne ötkızuge tyiym salynsyn;
6) ereuılderge jäne zaŋdy tūlǧalardyŋ qyzmetın toqtata tūrudyŋ nemese toqtatudyŋ özge de ädısterıne tyiym salynsyn;
7) qaru, oq-därı, jarylǧyş zattar, arnauly qūraldar, uly zattar satuǧa tyiym salynsyn, därı-därmektıŋ, esırtkı zattardyŋ, psihotroptyq zattardyŋ, prekursorlardyŋ, sondai-aq etil spirtınıŋ, alkogol önımderınıŋ ainalymyna erekşe rejim belgılensın;
8) jeke tūlǧalardan qaru men oq-därını, uly zattardy uaqytşa alyp qoiu, al zaŋdy tūlǧalardan qaruǧa, oq-därıge jäne uly zattarǧa qosa äskeri jäne jauyngerlık oqu tehnikasyn, jarylǧyş jäne radioaktivtı zattardy uaqytşa alyp qoiu qamtamasyz etılsın.
- Tötenşe jaǧdaidyŋ rejimı kezınde qoldanylatyn şaralardyŋ ıske asyryluyna jauapty bolyp Nūr-Sūltan qalasynyŋ komendaturasy, Qazaqstan Respublikasynyŋ Işkı ıster ministrlıgı, Qazaqstan Respublikasynyŋ Ūlttyq qauıpsızdık komitetı, Qazaqstan Respublikasynyŋ Qorǧanys ministrlıgı, Qazaqstan Respublikasynyŋ Tötenşe jaǧdailar ministrlıgı belgılensın.
- Qazaqstan Respublikasynyŋ Bas Prokurory osy Jarlyqta belgılengen şaralar men uaqytşa şekteulerdı ıske asyru kezınde zaŋdylyqtyŋ saqtaluyn qamtamasyz etsın.
- Qazaqstan Respublikasynyŋ Ükımetı tötenşe jaǧdai rejimın qamtamasyz etu üşın Qazaqstan Respublikasy Ükımetınıŋ rezervınen qajettı qarajatty bölsın.
- Osy Jarlyq qol qoiylǧan künınen bastap qoldanysqa engızıledı.
Qazaqstan Respublikasynyŋ Prezidentı
Q.Toqaev
