Nūr-Sūltan qalasy mäslihatynyŋ kezektı otyrysynda aldaǧy üş jylǧa arnalǧan biudjet jospary men 2050 jylǧa deiıngı strategiialyq damu mäselesı qaraldy.
Tūraqty komissiianyŋ otyrysynda Nūr-Sūltan qalasynyŋ Strategiialyq jäne biudjettık josparlau basqarmasy basşysy Qaisar Manqaraev baiandamasynda aitylǧan körsetkışterge süiensek, būryn bekıtılgen biudjettık baǧdarlamalarǧa qosymşa özgerıster engızıldı. Jūmyspen qamtu jäne äleumettık qorǧau basqarmasyna qosymşa 234,8 mln teŋge, tūrǧyn üilerdıŋ jylu energiiasy men ystyq sumen jabdyqtaluyna 60 mln teŋge, bılım basqarmasyna qosymşa 2 mlrd 91 mln teŋge qarastyrylǧan. Qalalyq orta sapasy jäne baqylau basqarmasyna 32,8 mln teŋge, sport basqarmasyna 484,9 mln teŋge, käsıpkerlıktı damytu, investisiia basqarmasyna qosymşa 477,8 mln teŋge qarastyru ūsynyldy.
Odan keiın Nūr-Sūltan qalasyn damytudyŋ 2050 jylǧa deiıngı strategiialyq jobasy talqylandy. Strategiialyq jäne biudjettık josparlau basqarmasy basşysy Qaisar Manqaraevtyŋ baiandauynşa, şahardyŋ ūzaq merzımdı damu strategiiasyn äzırleude halyqaralyq sarapşylar tartyldy. Iаǧni, jobany zertteumen jäne äzırleumen «Astana Halyqaralyq ǧylymi keşenı» mekemesınıŋ naqty-qabılet ortalyǧy ainalysty. Eŋ senımdı derekterdı alu üşın zertteuşıler halyq arasynda saualnama jürgızıp, döŋgelek üstelder ötkızıp, türlı sarapşylarmen sūhbat jürgızdı. Elordany jahandyq qalaǧa ainaldyrudyŋ üş kezeŋı äzırlendı: 2020-2025 jyldan bastap-ömır süru sapasyn arttyruǧa basa nazar audarylatyn bolady. Sonyŋ nätijesınde qalada ömır süruge qolaily orta paida bolady. 2025-2030 jyldary jaŋa salalardy damytuǧa jäne ekonomika qūrylymyn özgertuge nazar audaru qajet. Osynyŋ äserınen bäsekege qabılettı jäne tūraqty ösıp kele jatqan qalaǧa ainalady. 2050 jylǧa deiın şahardyŋ halyqaralyq maŋyzynyŋ ösuı barynşa yqpaldastyrylǧan qalaǧa qol jetkızuge mümkındık beredı.
Jadyra MŪRATBEKOVA
