Qazaqstan Respublikasy Käsıpodaqtar federasiiasy ǧimaratynyŋ aldynda qalalyq Eŋbek forumy öttı.
Adam eŋbegınıŋ bedelın arttyryp, jūmysşy mamandyqtaryn nasihattauǧa, öndırıs salasyna jastardy tartuǧa jäne jūmysşy äuletındegı köp jyldyq dästürdı nyǧaituǧa baǧyttalǧan şaraǧa Astana qalasy mäslihatynyŋ hatşysy Sansyzbai Esılov, Qazaqstan Respublikasy Käsıpodaqtar federasiiasynyŋ töraǧasy Äbılǧazy Qūsaiynov jäne qalalyq mäslihat deputattary, atqaruşy jäne ökılettı organdardyŋ ökılderı, ükımettık emes ūiymdardyŋ jetekşılerı qatysty.
Forumǧa qatysuşylar Qazaqstannyŋ igılıgı üşın tabysty eŋbek etıp jürgen ärbır elordalyqtyŋ azamattyq belsendılık tanytyp, qoǧamdaǧy kelısım men beibıtşılıktı qoldauǧa ündedı. Sonymen bırge, elordanyŋ barlyq mekemelerınde eŋbekşıler äuletın, eŋbek ardagerlerın, tälımger-jetekşıler men jas maman qyzmetkerlerdı barynşa qoldauǧa, olarǧa qūrmet körsetuge şaqyrdy.
– Biyl alǧaş ret, 28 qyrküiekte atap ötkelı otyrǧan Eŋbek künı qarsaŋynda osyndai şaralar ärbır eŋbek ūjymynda ötuı kerek. Al, eŋbek adamy – elımızdıŋ quatyn arttyryp, jaŋa tehnika men tehnologiiany engızıp, meŋgerudıŋ negızgı buyny, azamattyq qoǧamdy jasaudyŋ belsendı müşesı bolyp tabylady. Sol sebeptı barlyq qūrmet Eŋbek adamyna arnaluy kerek, – dedı Astana qalasy käsıpodaqtar keŋesınıŋ töraǧasy Särsenbai Myŋbaev.
Elorda ekonomikasynyŋ san-salasynda eŋbek etıp jatqan üzdık jūmyskerlerdı marapattaǧan būqaralyq şara Astana qalasy Köŋıldı tapqyrlar teatrynyŋ jäne memlekettık filarmoniiasy änşılerınıŋ konsertı men sporttyq jarystaryna ūlasty.
Aigül UAISOVA
