İä, men de biyl 30 jasqa toldym, elımmen bırge täuelsızdıgımnıŋ igılıgın sezınıp kelemın. Egemendıktı, eldıktı, elımnıŋ qamqorlyǧyn, jūrtymnyŋ bostandyǧyn sezınıp jürmın. Men qazaqtyŋ erke qyzymyn, öitkenı menı öz panasyna alyp otyrǧan bırtūtas ör halqym bar. Bız erkın östık, bıreuge täueldılık, jasybailylyq pen joqtyqty bılmei östık. Aş jürudıŋ, qūldyq pen bodandyqtyŋ ne ekenın bılmeimız. Qaiǧyqasıret, zorlyqzombylyq degen ūǧymdar menıŋ qūrdastarym üşın jat. Mūnyŋ barlyǧy – täuelsızdıktıŋ arqasy.
Täuelsızdık astarynda ülken män bar ekenın tüsınemın. Būl sözdı bız aspanda nūryn şaşqan, jarqyraǧan kündei körıp jürsek, kezınde būl sözdıŋ qandai ūǧym, nenı bıldıretının bılmei ötkender de bolǧan. Bılgenderı egemendıktı aŋsaumen ötken nemese onyŋ jolynda qūrban bolyp ketken. Arǧy jaǧyn aitpai-aq qoiaiyn, «Aqtaban şūbyryndy» zamanynan bergı zūlmattardyŋ özı qazaǧymnyŋ basynan ötkergen azaby az bolmaǧanyn körsetedı. Resei imperiiasynyŋ otarlau saiasaty, ūlt-azattyq köterılıs, qoldan jasalǧan aşarşylyq näubetı, saiasi quǧyn-sürgın, Ekınşı düniejüzılık soǧys, Jeltoqsandaǧy jalyndy jastarymyz. Mıne, erkındıgımızdıŋ qūny osy baǧamdarmen ölşenedı. Jaratqanǧa şükır, qazır menıŋ aspanym aşyq, tört qūbylam teŋ, eŋsem tık, qadamym nyq! 30 jylda qol jetkızgen 30 jetıstıgım de bar! Olar elımnıŋ arqasynda jäne elım üşın jasaldy. Mektepte de, joǧary oqu ornynda da, şetelde de tegın bılım aldym. Qaraǧandy oblysy Densaulyq saqtau basqarmasy oblystyq terı-venerologiialyq dispanserınde, Qaraǧandy medisina universitetınıŋ medisinalyq kolledjınde, Qaraǧandy memlekettık medisina universitetınde, Astana medisinalyq universitetınde jūmys ıstedım. Qazır Nūr-Sūltan qalasy äkımdıgınıŋ №10 qalalyq emhanasynda eŋbek jolymdy jalǧastyryp jatyrmyn. El mereiınıŋ üstem, halyq denınıŋ sau boluy üşın densaulyq saqtau salasynda aianbai eŋbek etıp, täuelsızdık tūǧyrynyŋ bekem boluyna osy eldıŋ azamaty retınde öz ülesımdı qosa beremın. Al qūrdastaryma aitarym: qasırettı de qasiettı täuelsızdıgımızdıŋ tuyn nyq ūstaiyq!
Mausym AMANTAI, därıger
