Elorda tūrǧyndary men qonaqtarynyŋ demaluyna arnalǧan ädemı jerlerdıŋ bırı – Esıl jaǧalauy. Äsırese, özen boiymen jyljyp, Astananyŋ aişyqty ǧimarattaryn su üstınen tamaşalauǧa mümkındık beretın kemeler şyraily şahardyŋ sän-saltanatyn odan ärı arttyrady.
Esılde keme jürgızu jobasy äu basta elordanyŋ turistık tartymdylyǧyn arttyryp, qalanyŋ syrtqy körınısın ajarlandyra tüsu maqsatynan tuyndaǧany belgılı. Keme jüre bastaǧan alǧaşqy kezderı jalpy syiymdylyǧy 125 oryndyq üş jolauşylar kemesı jūrtşylyqqa seruendık-ekskursiialyq qyzmet körsettı. Al keme jüretın uchaskenıŋ ūzyndyǧy 6 şaqyrymdy qūrady.
Bügınde Esıl özenınde 265 adamdyq syiymdylyǧy bar alty jolauşylar kemesı, süiretkış keme, qūtqaru kemesı jäne motorly qaiyq jüredı. Keme jüru joly 9,04 şaqyrymǧa ūzardy. Kenesary eskertkışınıŋ tūsynan attanǧan teplohodtar Aqordanyŋ ǧimaratyna deiın baryp, kerı qaitady. Būl degenıŋız – közıŋızdı qyryq minut boiy sūlulyqqa toidyryp, keremet äserge kenelesız degen söz. Kemeler 12.00 men 21.00 aralyǧynda jūmys ısteidı.
Kemelerdıŋ qauıpsız jüzuın qamtamasyz etu üşın jyl saiyn türlı şaralar atqarylady. Mäselen, navigasiia belgılerı ornatylyp, qosalqy merdıger ūiymdardyŋ küşımen ızdestıru jäne tüptı tereŋdetu jūmystary jürgızıledı.
Atalmyş qyzmet türımen Astana qalasynyŋ Jolauşylar kölıgı jäne avtomobil joldary basqarmasyna qarasty «Esıl-Astana» memlekettık käsıporny ainalysady. Qazırgı taŋda onda 70 adam qyzmet etedı. Qyzmetkerlerdıŋ käsıbi deŋgeiı joǧary. Basqaru apparaty qyzmetkerlerınıŋ tügelge juyǧy – joǧary bılımdı mamandar. Jalpy mamandardyŋ bärınde ortaşa tehnikalyq bılımı men eŋbek ötılı bar. Olardyŋ köbısı Esıl özenınde keme jüru bastalǧannan berı eŋbek etude.
Keme jürgızudı damytudaǧy köptegen jetıstıkterge qaramastan, özen kölıgı salasyndaǧy mamandardyŋ tapşylyǧy qiyndyq tuǧyzyp tūr. Sondyqtan mekeme özge öŋırlermen tyǧyz bailanys ornatqan. Keme tūraǧyna arnalǧan port, keme jöndeu şeberhanasy, kemelerdı tüsırıp jäne köteretın kran, öndırıstık qyzmetkerler üşın jabdyqtalǧan üi-jai da – kürmeulı mäselelerdıŋ bırı. Bıraq jūmys barysynda kezdesetın osyndai qiyndyqtarǧa qaramastan, käsıporyn ökılderı alǧa qoiylǧan mındetterdı mūqiiat oryndap, elorda tūrǧyndary men qonaqtaryn qauıpsız ärı jaily su kölıgımen tasymaldaudy paryz sanaidy.
Aldaǧy uaqytqa jospar köp. Keme jüretın su joldarynyŋ sapalylyǧyn arttyru, jolauşylardy tasymaldau kölemın köbeitu, elordanyŋ tūrǧyndary men qonaqtaryna turistık baǧyttardy ūiymdastyruǧa qolaily jaǧdailar jasau, demaluşylardyŋ jeke qauıpsızdıgın saqtau maqsatynda keme jüretın uchaskenıŋ poliseilerdıŋ ünemı qadaǧalauynda boluy sekıldı jūmystar bırte-bırte jüzege asyrylyp keledı.
Botagöz MARATQYZY
