HALYQ QALAUY – QUATTY QAZAQSTAN

Būrnaǧy künı, iaǧni, 26 säuırde elımızde Qazaqstan Respublikasy Prezidentın kezekten tys sailau öttı. Biylǧy sailau halyqtyŋ belsendılıgımen erekşelendı. Taŋǧy saǧat 7.00-de aşylǧan sailau uchaskelerıne qaraqūrym jinalǧan jūrtşylyq ūzyn-sonar kezekke tūryp, öz taŋdauyn jasauǧa asyqty. Köpşılık keşkı saǧat 20.00-ge deiın dauys beru mümkındıgıne ie boldy. Elordada barlyǧy 254 sailau uchaskesı tırkeldı, onyŋ 189-y jergılıktı jerde bolsa, 65-ı şeteldık elşılıkterde aşylǧan. Jalpy, bas şaharda 400 434 sailauşy tırkeldı.

Eldıŋ yqylasy erekşe

Elımızde maŋyzdy uaqiǧalar ötkızıletın kezde jurnalisterdıŋ de jūmysy eselenıp ketedı. Redaksiiadan berılgen tapsyrma boiyn­şa özımızge belgılengen sailau uchaskelerınıŋ alǧaşqysy – Ūlttyq akademiialyq kıtaphanaǧa saǧat 7.00-ge 20 minut qalǧanda jettım. Ädette, mūndai maŋyzdy şaraǧa elden būryn jurnalister jinalady. Bıraq osy joly jūrtşylyq bızden būryn kelıptı. Kıtaphana esıgınıŋ aldynda halyq qaraqūrym. Tıptı, özderınşe kezek alyp qoiypty. «Kezeksız qaida barasyŋ?» dep, menı kırgızer emes. Aqyry, redaksiiadan ūstatqan qyzmettık hatty körsetıp jürıp, ışke äreŋ kırdım. Jūrtşylyqtyŋ saiasi belsendılıgıne, dauys beruge qūlşynysyna taŋǧalǧanymyz jasyryn emes.
QR Ūlttyq kıtaphana ǧimaratynda ornalasqan №89 sailau uchaskesı de sailauşylardy qarsy aluǧa tiianaqty daiyndalypty. Ainalada türlı-tüstı şarlar ılınıp, merekelık köŋıl-küidı aŋǧartyp tūr. Saǧat tılı tura 7.00-dı körsetkende sailau uchaskesı esıgın aiqara aşty. Dauys beruşılerdıŋ alǧaşqy legıne azyn-aulaq syilyqtar da äzırlenıptı. Eluge juyq syilyqtyŋ bırın ielenıp, quanyşqa bölengen – äje Qanşaiym Qaiyrbekova. «Elımızdıŋ Prezidentın sailau – bolaşaǧymyzdy taŋdau degen söz. Özım sailau bolady degelı balalaryma oǧan belsene qatysyp, öz dauys­taryn berudı aityp keldım. Olarǧa ülgı-önege bolsynşy dep, özım, mıne, taŋnan kelıp, dauysymdy berıp otyrmyn. Dauys beruge özım siiaqty egde kısıler aldymen jetetın şyǧar dep oilaǧanmyn. Söitsem, mūnda jastar da qaptap jür. Tıptı, taŋ atpastan halyq osynşa köp jinalady dep oi­lamappyn. Rasymen quantarlyq jaǧ­dai» deidı äje aǧynan jarylyp.
Dauys beruge taŋsärıden kelgen jūrtşylyqtyŋ ışınen ärıptesımız, belgılı telejurnalist Gülnūr İman­dosovany da kezdestırdık. Özı dek­rettık demalysta eken. «Jüktı äiel degen erkelep, ūiqysyn qandyryp kelmei me eken?» dep äzıldep qoidyq. «Men qazırden bastap säbiımnıŋ el erteŋıne bei-jai qarai almaityn, özındık ünı men közqarasy bar azamat bolyp şyqqanyn qalaimyn. Iştegı şarana anasy arqyly bärın sezıp-bıledı deidı ǧoi. Sondyqtan, bolaşaq balama anasy retınde ülgı-önege körsetken türım» dedı ol. Jalpy, jurnalisterdıŋ eşqaisysy elınıŋ erteŋıne bei-jai qarai almaidy. Gülnūr da sondai. Onyŋ aituynşa, jüregınde otanşyldyq sezımı bar kez kelgen azamat osyndai saiasi nauqannan tysqary qalmauy kerek. Öitkenı, är qazaqstandyqtyŋ dauysy – elımız üşın maŋyzdy.
Osy №89 sailau uchaskesınde 2555 sailauşy tırkelgen. Tızımder sailau­aldy nauqany kezınde äzırlengen. Barlyq sailaualdy ıs-şaralar «Sailau turaly» konstitusiialyq zaŋǧa säikes öttı. Dauys beru qūqylary da tügel saqtalǧanyn aita keteiık.

Jabyq sailau uchaskelerı de qūryldy

Astana qalasynda respublikalyq deŋgeidegı bırneşe emdeu orta­lyqtary men klinikalary ornalasqan. Däl sailau künı densaulyǧyna bailanysty em qabyldap, auruhanada jatqandar barşylyq. Elordada osyndai jandardyŋ konstitusiialyq qūqyn jüzege asyru üşın jabyq sailau uchaskelerı jūmys ıstedı. Sonyŋ bırı – Ana men bala ǧylymi ortalyǧyndaǧy №167 jabyq sailau uchaskesı.
Sailau uchaskesınıŋ töraiymy Qarlyǧaş Aǧadılovanyŋ aituynşa, mūnda 350 sailauşy tırkelıptı. Emdeluşıler de belsendılık tanytyp, taŋǧy saǧat 7.00-den bas­tap dauys bere bastaǧan. Jurnalis­ter qauymy mūnda saǧat 8.30-da kelgennıŋ özınde 57 adam dauys berıp ülgerıptı. Alǧaşqy dauys bergenderge syilyq ta ülestırılıp jatyr. Sailauǧa qatysuşylardyŋ bırı – jas ana Aijan Ermekova. «Kezekten tys prezident sailauy – elımızdıŋ keleşegı üşın jasalyp otyrǧan qadam. Sondyqtan, būl nauqanǧa är qazaqstandyq belsene qatysqany dūrys dep sanaimyn. Öz basym elımızdegı tynyştyq pen tūraqtylyqty joǧary baǧalaimyn. Bız üşın maŋyzdysy – beibıtşılık, balalarymnyŋ bolaşaǧy üşın alaŋdamai ömır süruı. Sondyqtan, öskeleŋ ūrpaǧymnyŋ baqyty üşın dauys berdım» deidı Aijan.

Jaqsy daiyndyq – joǧary belsendılık

№92 sailau uchaskesı №71 mektep-liseide ornalasqan. Būl uchaskenıŋ sailauǧa daiyndyǧy erekşe közdı tartady. Lisei ūjymynyŋ maŋyzdy şaraǧa kündız-tünı äzırlengenı aŋǧaryldy. Dauys beruge keluşılerdı baldyrǧandar än-küimen qarsy aldy. Al ekınşı qabatta ornalasqan uchaskenıŋ ışı jainap tūr. Keŋ zaldyŋ töbesı kiız üidıŋ şaŋyraǧy ıspettı jasalypty. Küllı Qazaq elı öz taŋdauyn jasaǧaly otyrǧanyn işaramen ūǧyndyrǧandai. Är sailauşynyŋ jüregıne otanşyldyq sezımın syilaǧan şaŋyraqtaǧy sailau da jūrtşylyqtyŋ belsendılıgımen erekşelendı. Olardyŋ syrtynan qarap, baqylauşylar otyr. «Nūr Otan» partiiasynan osy uchaskege baqylauşy bolyp kelgen Ǧabit Saǧyndyqovtyŋ aituynşa, dauys beru barysynda zaŋ būzuşylyqtar ūşyrasqan joq.
№92 sailau uchaskesıne 3 myŋǧa juyq sailauşy tırkelgen. Uchaskelık sailau komissiiasynyŋ töraǧasy Vadim Motorinnıŋ aituynşa, saǧat 10.30-ǧa deiın sailauşylardyŋ 50 paiyzy öz taŋdauyn jasaǧan.

Jastar da yjdaǧattylyq tanytty

Kelesı barǧanymyz – L.N.Gumilev atyndaǧy Euraziia ūlttyq uni­versitetınıŋ «Studentter üiı» boldy. Mūnda №23 sailau uchaskesı ornalasqan. Osynda keluşılerdıŋ köpşılıgı – jastar.
– Sailauǧa dauys beruge kelgen jastardyŋ belsendılıgı menı erekşe quantty. Jalpy, bızdıŋ uchaskede tırkelgen sailauşylardyŋ sany – 2360. Solardyŋ ışınde jastardan basqa, 11 köp qabatty üidıŋ tūrǧyndary bar. Sailau uchaskesı aşylǧan alǧaşqy ekı saǧattyŋ ışınde sailauşylarymyzdyŋ teŋ jartysy dauys berıp ülgerdı, – deidı №23 uchaskelık sailau komissiiasynyŋ töraǧasy Aldajar Ötenov.
Sailauda dauys beruge kezekke tūrǧandardyŋ bırı – Euraziia ūlt­tyq universitetı, ekonomika fakul­tetınıŋ ekınşı kurs studentı Asylbek Jol­dyūly. Ol Aqtöbenıŋ tumasy eken. Astanaǧa bılım aluǧa kelıptı. Bolaşaǧyn elordamen bailanys­tyrǧysy keletın ol sailauǧa alǧaş ret qatysyp otyrǧanyn jetkızdı.

«Dauysymdy Qazaqstannyŋ bolaşaǧy üşın berdım»

Oquşylar saraiynda ornalasqan №81 sailau uchaskesınde dauys bergen sailauşylardyŋ ışınde Nūrsūltan Nazarbaev ta boldy. Jurnalisterge bergen sūhbatynda Memleket basşysy «Öz dauysymdy Qazaqstannyŋ bolaşaǧy üşın berdım» dedı.
– Elımızdıŋ 9742 sailau uchask­esınde 9,5 mln sailauǧa qūqy bar azamat dauys berıp jatyr. Aşyq, demokratiialyq türde ötıp jatqan sailau būl. 40 elden 850 baiqauşy keldı. 8 halyqaralyq ūiymnyŋ ökılderı de osynda. Dünie jüzınıŋ 28 elınen 170 jurnalist kelıp otyr.
Onyŋ ışınde özımızdıŋ 10 myŋ qo­ǧamdyq baiqauşy bar. Solardyŋ aldynda bız özımızdıŋ aşyq eke­nımızdı, barlyǧyn zaŋ jüzınde ötkızıp jatqanymyzdy körsetıp otyrmyz. Saiasi nauqan barysynda barlyq ümıtkerge jaǧdailar jasaldy. Är kandidat el azamattaryna öz baǧdarlamasyn egjei-tegjeilı tanystyrdy. Endı taŋdau jasaityn – qarapaiym halyq, – dedı Nūrsūltan Äbışūly.

SAILAU ÄDIL ÄRI AŞYQ ÖTTI

Qazaqstandaǧy prezidenttik sailau ädil jäne aşyq ötti. Dauys beru barysyna tūŋǧyş ret bızdıŋ elımızden 10 myŋǧa juyq baqylauşy qatysty. Mūnyŋ özı saiasi deŋgeidıŋ öskendıgın körsettı. Būl turaly bügin Ortalyq kommunikasiia qyzmetı ortalyǧynda ötken brifingte sailau nauqanyn baqylau jönındegı respublikalyq qoǧamdyq komissiianyŋ töraǧasy Nūrlan Erimbetov baiandady.
«Sailau ädil ärı aşyq ötti. Biz būl jönınde osynau biik minberden mälimdeimiz. Biz jer­gilikti jerlerdegi oqiǧalardy bilip otyrdyq, oqu prosesterin ūiymdastyrdyq, arnaiy biulle­tenderdi jasadyq. Bizdiŋ sait täulik boiy jūmys jasap tūrdy. Biz aimaqtardaǧy halyqtyŋ köŋil-küilerın jäne kütken arman-tilekterin bilip otyrdyq. Būl – Qazaqstandaǧy joǧary saia­si ösudiŋ belgisi. Elektoraldy kampaniianyŋ sätti aiaqtaluymen barşalaryŋyzdy qūttyqtaimyn» dep atap öttı N.Erimbetov.

Astana äkımı №81 sailau uchaskesınde  dauys berdı

Astana qalasynyŋ äkımı Ädılbek Jaqsybekov Oquşylar sara­iynda ornalasqan №81 sailau uchaskesıne kelıp, Qazaqstan Res­publikasy prezidentın sailauǧa dauys berdı.
№81 sailau uchaskesınde 2532 sailauşy tırkelgen. Halyqaralyq baqylauşylar da olardyŋ saiasi bel­sendılıgın joǧary baǧalady. Fran­siia parlamenttık jurnalynyŋ redaktory Olive de Tilera sailau barysy syn-eskertpesız ötıp jatqanyn mälımdedı.

– Taŋnan berı adamdar dauys beru üşın kezekte tūr, būl eldegı demokratiia deŋgeiınıŋ biıktıgın körsetedı, – dedı fransuz baqylauşysy.

Aq äjenıŋ batasy

Soŋǧy barǧan ornymyz – Q.Quanyşbaev atyndaǧy memlekettık akademiialyq Qazaq muzykalyq drama teatrynda
ornalasqan №105 sailau uchas­kesı boldy. Osyndaǧy sailau komissiiasynyŋ töraǧasy Aidarbek Meŋdıbaevtyŋ aituynşa, dauys beremın degen adamdar teatrdyŋ janynda taŋǧy 5.00-den jinala bastapty. «Sailau uchaskesı aşylǧanda bırden 70 adam dauys berdı. Äsırese, 60 jastan asqan adamdardyŋ belsendılıgı joǧary. Sonymen qatar 50-ge tarta alǧaşqy ret dauys beretın jastar bar. Olarǧa ūialy telefondy syiǧa tartyp jatyrmyz. Baiqauşylar, negızınen, TMD elderınen kelıp otyr. Atap aitsaq, olar Belarus, Qyrǧyz Respublikalarynan keldı. Halyq tarapynan aryz-şaǧymdar, baiqauşylardan bızge qatysty eskertuler joq. Jalpy, sailau uchaskesınde 2611 adam tırkeldı. Jürıp-tūruy qiyndaǧan adamdardy äkeletın arnauly kölık bölındı. Būdan basqa, üilerınde jatyp, dauys beretın 12 sailauşymyz bar» deidı ol.
Qalleki teatrynda dauys bergen adamdardyŋ bırı – 80-nıŋ seŋ­gı­rınen asqan Banu Tūrǧynova öz ǧūmyrynda talai sailauǧa qatysyp otyrǧanyn aitady. «Osy sailauǧa az da bolsa demeu bolaiyn, öz ülesımdı qosaiyn dep keldım. Būl sailauda bılımdı, elımızdıŋ adal azamaty ozyp şy­ǧady dep oilaimyn. Jer jüzıne bel­gılı bolǧan egemendı elımızden qūt-bereke qaşpasyn. Ūl-qyzdary ädeptı, inabatty bolsyn. Elımızdıŋ kök bairaǧy biıkte jelbıresın, beibıtşılık ornasyn. Qazırgı jas­­tar – baqytty. Bızdıŋ körgen qiyn­dyǧymyzdy olar körmesın» dep, bata bergendei boldy.