İNVESTİSİIа İGILIGI
İnvestisiia – ekonomikanyŋ ekınşı tynysy. Bıraq şeteldık ırı kompaniialardyŋ mol qarjysyn tarta bılu üşın de elde ekonomikalyq ahual jaqsy, saiasi tūraqtylyq saqtalǧan, äleumettık damu körsetkışı joǧary boluy tiıs. Osy tūrǧydan alǧanda Astana barlyq talaptarǧa tolyq jauap beredı. Sodan bolar, ötken 2015 jyldyŋ aiaǧyna deiın elordaǧa 100 mlrd AQŞ dollarynan astam şeteldık investisiia tartylǧan eken. Osynşa qarjyǧa Astanada älemge äigılı nysandar salyndy, jaŋa ekonomikalyq jobalar jasaldy. Köptegen bırlesken käsıporyndar qūrylyp, milliardtaǧan dollardyŋ önımı öndırıldı. Jalpy alǧanda, investisiianyŋ igılıgın elorda tūrǧyndary köp jyldan berı körıp keledı.
Tek qana «Astana – jaŋa qala» arnaiy ekonomikalyq aimaǧyndaǧy industrialdyq parkte igerılıp jatqan investisiia negızınde käsıporyndar ötken jyldyŋ aiaǧynda 2 mlrd AQŞ dollarynan astam önım öndırgen. Elordanyŋ investisiiasy jaily söz qozǧaǧanda, №1 industrialdy parktı eŋ aldymen auyzǧa alamyz. Öitkenı, Astanaǧa tartylǧan investisiialardyŋ 90 paiyzdan astamy park aumaǧyndaǧy käsıporyndarǧa tüsıp, sol jerde negızgı maqsattarǧa jūmsalady. Park aumaǧyndaǧy öndırıstıŋ negızgı ülesı ışkı naryq qajettılıgın qamtamasyz etuge baǧyttalǧan. Degenmen, eksportqa baǧyttalǧan käsıporyndar da jūmys ısteidı. Mäselen, «Lokomotiv qūrastyru zauyty» aksionerlık qoǧamy 2010-2015 jyldar aralyǧynda 292 «General Electric» teplovozyn şyǧarǧan bolatyn. Sonyŋ ışınde qūny 10,7 mlrd teŋge bolatyn 14 teplovoz eksportqa baǧyttaldy. Onyŋ köpşılıgı Äzerbaijan Respublikasyna jöneltılgen. Bügınde būl park industrialdy innovasiialyq jobalardyŋ alyp qazanyna ainaldy desek, artyq aitqandyq bolmaidy.
– «Alstom» öndırıs orny Fransiia tehnologiiasy boiynşa elektrovoz qūrastyryp jatyr, «ASELSAN İnjiniring» Türkiia kompaniiasynyŋ qatysuymen elektrondy-optikalyq qūraldar öndırısın qolǧa alǧan, «Led system media» JŞS-nıŋ jaryqdiodty önımderı bügınde elımızde keŋınen paidalanyluda. Sondai-aq industrialdy park aumaǧynda «ABK Maqsat» JŞS temırbeton önımderın şyǧarudy jolǧa qoiyp, «Krovlia NS» JŞS elımızdegı qūrylys nysandaryn sendvich-paneldermen qamtamasyz etu baǧytyna kırısken. «Tau-Ken Altyn» affinajdy zauyty önımderı men «KSS Astana» JŞS-nıŋ energiiany ünemdeitın jäne qauıpsız şyny paketterı de bügınde ülken sūranysqa ie. Būǧan qosa, äinektı öndırıstık öŋdeu zauyty da tabysty jūmys ıstep jatqanyn aita ketken jön. Park aiasynda jūmys ıstep jatqan ırı käsıporyndardyŋ bärın auyzǧa alar bolsaq, tızım mūnymen şektelmeidı. Eŋ bastysy – elordaǧa tartylǧan investisiia joǧaryda aityp ötken käsıporyndardyŋ öndırısıne qūiylyp, aimaqtyŋ ekonomikasyn köteruge sübelı ülesın qosuda, – deidı Astana qalasy İnvestisiialar jäne damu basqarmasy basşysynyŋ orynbasary Qanat İsabekov.
Bolattan jasalǧan metall qūrylymdar şyǧaru jönındegı zauyt salu; «GEVO» dizeldık qozǧaltqyştar şyǧaru zauytyn salu;
Qazaqstan Respublikasynda äskeri jäne azamattyq tehnika öndırısın ūiymdastyru; «ZOJE» tıgın jabdyǧyn jäne toqyma önımderın şyǧaru jönındegı zauyt salu; «Weckenmann» nemıs jabdyǧy tehnologiiasy boiynşa üi qūrylysy kombinatyn salu josparlanǧan.
Al endı industrialdy parktıŋ biylǧy josparyna kelsek, onyŋ da mejesı biık ekenın baiqaimyz. 2016 jyldyŋ soŋyna qarai №1 industrialdy park aumaǧy tolyq jobalyq quatyna şyqqan kezde 1500-den astam jūmys ornyn qūru közdelgen. Sol kezde jalpy qūny 32,4 mlrd teŋgenı qūraityn 6 ırı nysandy ıske qosu josparlanyp otyr. Öndırıs auqymy osylaişa keŋeigende №2 industrialdy park jūmysqa kırısedı eken. Qazırgı uaqytta «№2 İndustrialdy parkın qūru» jobasynyŋ tehnikalyq-ekonomikalyq negızdemesın äzırleu boiynşa jūmystar jürıp jatsa kerek.
Astana qalasy İnvestisiialar jäne damu basqarmasy basşysynyŋ orynbasary:
Eksporttyq baǧyttaǧy jobadaǧy eŋ auqymdysy – «Elektrovoz qūrastyru zauyty» JŞS-nıŋ önımderın atap ötuge bolady. Būl 2015-2019 jyldar aralyǧynda Äzerbaijan Respublikasyna jalpy qūny 18,2 mlrd teŋge bolatyn 39 elektrovozdy jöneltudı josparlap otyr.
İndustrialdy park investisiialardy qabyldap, kölemdı ısterdı qolǧa alǧannan berı, 2010 jyldan bastap eseptesek, ondaǧy käsıporyndar 449,6 mlrd teŋgege teŋ önım öndırıp, qyzmetter körsetken. Osy aralyqta önım eksportynyŋ kölemı 10,7 mlrd teŋgege jetken bolatyn. Käsıporyndarda 2707 jūmys orny qūrylǧan. Käsıporyndar qyzmetterınen tüsken salyq kölemı 39,4 mlrd teŋgenı qūraǧan. Jūmys ıstep tūrǧan käsıporyndardyŋ biudjetke tölegen salyǧy esebınen bügınde №1 industrialdy park infraqūrylymynyŋ qūrylysy tolyǧymen ötelgen. Oǧan kezınde 19,8 mlrd teŋge bölıngen edı. Alǧaşqy käsıporyndardy ıske qosqan sätten bastap eseptegende önım öndırısı 50 eseden astam ösken.
Mıne, investisiialardy igeru arqyly ekınşı tynysy aşylǧan elordanyŋ ekonomikalyq körsetkışı sanauly jylda osylaişa eselendı. Älemde investisiiaǧa qolaily qala retınde tanylǧan Astananyŋ būl baǧyttaǧy şyǧar biıgı älı alda siiaqty…
Meŋdolla ŞAMŪRATOV