KÄSIPKERLIKKE KEŊ ÖRIS AŞYP OTYR
Ötken jazda Ūlttyq käsıpkerler palatasy men «Qazaqstan Halyq bankı» AQ arasynda yntymaqtastyq jönınde memorandumǧa qol qoiyldy. 6-13 tamyz aralyǧynda, bır apta ışınde elımızdıŋ ırı qalalarynda 22 keŋes beru ortalyǧy aşylyp, käsıpkerlerge türlı tegın qyzmetter körsetıle bastady. Mäselen, sol ortalyqtarda «Biznestıŋ jol kartasy – 2020», «Öŋdeuşı önerkäsıp salasyndaǧy şaǧyn jäne orta biznes subektılerın qoldau», «Jūmyspen qamtudyŋ jol kartasy – 2020», «Agrobiznes – 2020» sekıldı memlekettık baǧdarlamalar boiynşa tüsındırme jūmystary jürgızılıp keledı. Jaqynda Astana qalasynyŋ käsıpkerler palatasy, «Qazaqstan Halyq bankı» AQ jäne «Damu» käsıpkerlerdı qoldau qorynyŋ ūiymdastyruymen «Käsıpker künı» şarasy ötkızıldı. Onda osy ūiymdardyŋ mamandary käsıpkerlerge ūsynyp otyrǧan jobalary jaiynda äŋgımeledı.
Qazaqstan Halyq bankı şaǧyn jäne orta biznestı qoldauǧa arnalǧan nesieleu baǧdarlamalaryn ūsynyp otyr. «Halyq käsıpker», «Jedeldetılgen halyq käsıpker», «Halyq biznes start», «Biznes medium», «Biznes kelısımşart», «Biznes depozit», «Overdraft (käsıporyndardy qysqa merzımdık nesieleu baǧdarlamasy)», «Halyq-agro» dep atalatyn būl nesieler turaly bank mamandary jan-jaqty aqparat berıp, bukletterdı taratty.
– «Halyq biznes start» baǧdarlamasy öz ısın endı ǧana bastaǧan käsıpkerlerge arnalady. Iаǧni, käsıpker retınde tırkelgenıne bır jyl bola qoimaǧan zaŋdy tūlǧalarǧa ūsynylady. Būl topqa jeke käsıpkerler men jauapkerşılıgı şekteulı serıktestıkter jatady. 1,5 mln teŋgeden 20 mln teŋgege deiın qarjylandyru somasy 3 aidan 60 aiǧa deiın merzımge berıledı. Käsıpkerler onyŋ 30 paiyzyn depozitke kepılge salady, al 70 paiyzyna «Damu» qory kepıldık beredı. Mysaly, käsıpker 10 mln teŋgenı qajet etse, depozitynda jatqan 3 mln teŋge nesie aluǧa äbden jetkılıktı. Būl jaǧdaida jyljymaityn mülıktı kepılge saludyŋ keregı joq. Biyl ıske qosylǧan būl baǧdarlamaǧa käsıpkerler ülken qyzyǧuşylyq tanytuda. Bıraq, «Halyq biznes start» arqyly nesie alǧysy keletınder aldymen «Biznes keŋesşı» baǧdarlamasy boiynşa oqudan ötıp, sauatty biznes jospar ūsynulary şart, – deidı banktıŋ Astana öŋırlık filialynyŋ şaǧyn bizneske satu qyzmetın ūsynu ortalyǧynyŋ basşysy Anjelika Qaiyrjanova.
«Damu» käsıpkerlerdı qoldau qorynyŋ menedjerı Serık Dosalievtıŋ aituynşa, qor «Biznestıŋ jol kartasy – 2020» baǧdarlamasy şeŋberınde käsıpkerlerdı keşendı qoldau ısın jürgızıp keledı. Atap aitsaq, subsidiialau jäne kepıldendıru baǧdarlamalary boiynşa kömek berıledı. Sondai-aq, «Iskerlık bailanystar» jobasy arqyly Nazarbaev Universitetı men şetelderde oquǧa qūzyrettılıktı joǧarylatu qyzmetın körsetedı. «Subsidiialauǧa 14 paiyzdan aspaityn nesieler jatady. Onyŋ 7 paiyzyn nesie aluşy, qalǧanyn «Damu» qory töleidı. Nesie 3 jylǧa alynady, alaida käsıpkerler ony 10 jylǧa ūzartu mümkındıgıne ie» deidı ol. Qosymşa aqparatty damu.kz saitynan jäne Qajymūqan köşesı, 8a mekenjaiynda ornalasqan Käsıpkerlerge qyzmet körsetu ortalyǧyna kelıp aluǧa bolady.
Tolyq aqparat alu üşın «Qazaqstan Halyq Bankı» AQ AÖF Şaǧyn jäne orta bizneske satu ortalyǧynyŋ +7 717 2 591 150 jäne +7 7172 591 183 bailanys telefondaryna habarlasuǧa bolady.
Amanǧali ŞMİTŪLY