Ömır sürgen ortada joldyŋ atqaratyn qyzmetı ūşan-teŋız. Ekonomikanyŋ quatty küşıne ainalǧan osy küretamyrdy «sauyqtyrudy» merdıger kompaniialar jylda öz moinyna alǧan. Jylda deuımızdıŋ de sebebı bar. Keŋes däuırınen berı tıs te, qol da batpaǧan ıs soŋǧy jyl bederınde sättı oraiyn tauyp jatyr.
Astana bar qalaǧa ülgı boluy tiıs. Syrt köz aldymen onyŋ kelbetıne, sosyn injenerlık infraqūrylymnyŋ sapasyna nazar audarady. Byltyr jylu beru mausymynda jūrtty eleŋ etkızerlık oqys oqiǧa oryn alǧan joq. Biyl da qys qaharyna daiyndyq mäselesı jergılıktı bilıktıŋ qyraǧy nazarynda tūr. Jospar boiynşa bırqatar jerlerde jylu qūbyrlary auystyrylyp, qyzu jūmys qas qaraiǧanşa jalǧasuda. Qalamyzdyŋ Aqan serı köşesınde üş bırdei – jol, jaryq, jylu mäselesı jaqyn arada öz şeşımın tabady. Būl jerge sonau keŋes däuırınen berı jöndeu jūmysy jürgızılmegen eken. Ärine, keibır jolyn jamap-jasqaǧan. Al köşedegı ortalyq jylu qūbyry mülde jaramsyz bolyp qalypty. – Joldyŋ sapaly boluyna bırneşe faktor tıkelei äser etedı. Eger, jarylǧan jerdı ǧana jöndeseŋ, onda ol ekı-üş jylda-aq syr bere bastaidy. Köptegen merdıger kompaniialar osylai köz aldau jasap, aqyr soŋy taiaq jeidı. Bız qazır sapasy syn kötermeitın 300 metr joldyŋ asfaltyn tügelımen audaryp, tegıstedık. Odan keiın qajettı materialdy töseimız de, betıne asfalt töseimız. Aua raiynyŋ jyly boluy da jūmystyŋ oidaǧydai boluyna septıgın tigızude. Qyrküiek aiynyŋ basynda jöndeudı tolyq aiaqtaimyz,– deidı «Bolaşaq joldary» JŞS şeberı Talǧat Bibatyr.
«Ädılet» JŞS būl jerde elektr jaryǧyn tartumen ainalysuda. Kısı boilamaityn tereŋdıkke kabel tösep jatyr. Oǧan qatparlasa jaŋa qūbyrlar salynu üstınde. Şiraq qimyldy eŋbekkerler künnıŋ ystyǧyn da elemedı. Bız saǧat 13:30-da joǧaryda aty atalǧan serıktestıŋ uchaske bastyǧy Asylan Nazarovty jūmys basynan jolyqtyrdyq. – Nesın aitasyz, elektr jelılerı äbden tozyp bıtken. Osy aumaqtaǧy tūrǧyndar bızge kelıp alǧystaryn jaudyruda. Endıgı jerde olar «jalp» etıp sönıp qalatyn jaryqtan tityqtamaityn boldy. Bügınde bız 530 metrge elektr jelısın jürgızdık. Taǧy osyndai kölemge jelı tartamyz. Özıŋız baiqaǧanyŋyzdai, tamaq ışudı de ūmyttyq,–deidı ol jaidary keiıpte.
Rasynda, jüzın kün şalǧan jıgıtter eşkımdı eler emes. Bar bolǧany on ekı adam älgı mejelı jerge elektr kabelın tösep jatyr. Ekı künde osy jūmysty aiaqtap, kelesı aumaqqa auysady. Tūrǧyn üiler janyndaǧy mektep, emhana da bolaşaqta osy jaŋarǧan jelıden quat alatyn bolady. Jalpy, Astananyŋ biylǧy qysqa daiyndyǧy talapqa sai desek qatelespespız. Oiymyzdy nyqtau üşın Astana qalalyq PİK qauymdastyǧynyŋ töraǧasy Meizambek Kenjebaevqa habarlastyq. – Qalamyz qazır jylu beru mausymyna 98 paiyz daiyn. Tamyz aiynyŋ aiaǧynda jospardy oryndap şyǧamyz. Al jaŋaǧy sız aitqan Aqan serı köşesınde būryn-soŋdy bolmaǧan jūmys qolǧa alyndy. Jauapty merdıgerler ondaǧy kürdelı jöndeudı tamyz aiynda tolyq aiaqtaidy,–deidı ol .
Bas qalanyŋ tırşılıgın kündelıktı qadaǧalap otyrǧan azamattyŋ sözıne bız de senım arttyq.
Ämırhan ALMAǦANBETOV
