Talǧat ERMEGİIаEV,
QR Sport jäne dene şynyqtyru agenttiginiŋ töraǧasy:
– Küni keşe Kuveitte ötken mergender saiysynda keleŋsiz jaǧdaidyŋ oryn alǧany ras. Jeŋimpaz atanǧan qyzymyz Mariia Dmitrienko tūǧyrǧa köterilgen sätte Qazaqstannyŋ änūranynyŋ ornyna britandyq Saşa Baronnyŋ «Borat» filmindegi saiqymazaq äuen qosylyp ketti.
Men Kuveitke barǧan bizdiŋ delegasiia ökilderin kinälai almaimyn. Negizi, sport oiyndary ötken kezde, ūiymdastyru komiteti ärbir elge sūrau salyp, memlekettik rämizderdiŋ säikestigin tekseredi. Eger būǧan deiin olar osy sūraudy jiberip, bizde olarǧa jauap berip, änūrandy naqtylaǧan lauazymdy tūlǧalar bolsa, olar mindetti türde jauap beretin bolady. Keide ūiymdastyru komiteti özdiginen de is-şaraǧa qatysuşy elderdiŋ memlekettik rämizderin tauyp, şyrqatuy mümkin. Mine, būl jolǧy keleŋsizdiktiŋ ūiymdastyru komitetiniŋ osyndai qateliginen oryn alyp otyr. Olar özdiginen izdenip, bizdiŋ änūranymyzdy internetten jüktep alǧandaryn aityp aqtaluda.
Parijde ötken Älem chempionatynyŋ marapattau räsimi barysynda Qazaqstannyŋ eski änūranynyŋ oryndaluy oqiǧasynan keiin barlyǧyna da mūndai oqiǧalarǧa jiti qarau kerektigi eskertilgen bolatyn. Osy keleŋsizdiktiŋ taǧy da qaitalanuy ärine, ökinişti-aq.
London Olipiadasy qarsaŋynda biz osy oqiǧanyŋ qaita oryn aluyna jol bermeuimiz kerek. Men 18 säuir küni Londonǧa ūşyp baramyn. Sol jerde biz qazaqstandyq sportşylar qatysatyn barlyq jarystar boiynşa memlekettik rämizderdiŋ säikestigin tekseruge tyrysamyz. Biraq, şyny kerek, London Olimpiadasynyŋ ūiymdastyruşy komitetiniŋ jūmysyna emin-erkin aralasa almaisyŋ. Bizge de memlekettik rämizderdi tekseruge oŋailyqpen mümkindik beredi dep aita almaimyn. Degenmen, Kuveitte bolǧan oqiǧa London Olimpiadasynda qaitalanbauy tiis.
Qaldybek QŪRMANÄLI,
kompozitor:
– Būl birinşi ret qaitalanyp otyrǧan jaǧdai emes qoi. Qaibir jyly şetelde ötken älem chempionattarynyŋ birinde bizdiŋ Keŋes odaǧy kezindegi eski änūranymyz oryndalyp bir masqara bolǧanbyz. Taiauda ǧana Qostanaida ötken jarysta şeteldik äuen qosylyp ketip taǧy jerge qaradyq. Mūnyŋ bäri saiyp kelgende jauapkerşiliktiŋ joqtyǧynan. Taŋ qalam, qanşama eldiŋ arasynan nege qazaqtyŋ änūranyn ǧana şatastyryp alady eken? Jergilikti ūiymdastyru komitetin bylai qoiǧanda, öz azamattarymyzdyŋ arasynda da nieti tüzu emesteri bar ma dep küdiktenem.
Änūran memlekettiŋ qasietti dünielerdiŋ biri ǧoi. Sondyqtan, būl mäseleni auyzşa aityp, gazetterge jazyp qana jyly jauyp qoia saluǧa bolmaidy. Ekinşi ret mūndai keleŋsizdik oryn almaityndai şara qoldanu kerek. Būl oqiǧaǧa Sport jäne dene şynyqtyru agenttiginiŋ töraǧasy Ermegiiaev myrza da, onyŋ ainalasynda jürgender de, eŋ arysy tūǧyrǧa köterilip, Borattyŋ mazaq änin qolyn keudesine qoiyp, ūiyp tyŋdaǧan mergen qyz Mariia da kinäli. Mūny öz basym ūltymyzdy syilamaǧandyq, egemendigimizdi moiyndamaǧandyq dep qabyldaimyn. «Kinä bizden emes, kinäli kuveittikter keşirim sūrady» dep, bizdikiler jabuly qazandy jabuly küiinde qaldyra ma degen qaupim bar. Keşirim sūraǧanyna nege mäz bolamyz? Tüptep kelgende, olar bizdiŋ memleketimizdi, ūltymyzdy moiyndamai tūrǧan joq pa?
Alda London Olimpiadasy kele jatyr. Oǧan deiin kinäli adamdy tauyp, halyq aldynda jazalau kerek. Änūran halyqaralyq arenada eki-aq jaǧdaida şyrqalatynyn bilemiz. Biri – Memleket basşysynyŋ şetelge sapary barysynda, ekinşisi – sportşylarymyz jeŋis tūǧyrynan köringen sätte. Sondyqtan, sportşylarymyzdyŋ jüz paiyzy änūrannyŋ mätinin bilui şart. Jattaudy «qiynsynǧandary» alǧaşqy on eki jolyn-aq bilsinşi, eŋ qūryǧandy. Keşegi saiysta chempion qyzymyzdyŋ qylyǧy rasynda ūiat boldy. Eger men sonyŋ ornynda nemese qazaqstandyq delegasiiasynyŋ arasynda bolsam, sol sätte qarsylyq tanytar edim. Sol sätte kinälaryn moiyndatyp, qazaqtyŋ öz änūranyn qaita qoiyp beruin talap eter em.
