Mektep ashanasyndaǧy özgerıs
Biylǧy oqu jylynda elordalyq mektepterdegı tamaqtandyru jüiesıne ata-analardyŋ baqylau jasauyna mümkındık tudy.
Bılım basqarmasynyŋ mälımetınşe, qazırgı taŋda bas şaharda orta bılım beretın 85 memlekettık mekeme bar. Ondaǧy tamaqtandyru jüiesıne 33 käsıpkerlık subekt jauapty. Biyldan bastap olardy taŋdau konkursy jaŋa erejeler boiynşa ıske asady. Endı baiqaulardy är mektep özderınşe emes, qalalyq Aktivter jäne memlekettık satyp alu basqarmasy ūiymdastyrady. Būl özgerıs konkurstardyŋ ädıl ötuıne oŋ äser etıp qana qoimai, oǧan qatysuşylar sanynyŋ artuyna da septıgın tigızbek.
Taǧy bır atap ötetın jait, astanalyq mektepterdıŋ ashanalary beinebaqylau kamerasymen jabdyqtaluda. Bügınge deiın 30 mekteptegı ashana men tamaq daiyndau bölmesıne osyndai kameralar ornatylǧan.
Sonyŋ arqasynda ata-analar ondaǧy as-auqattyŋ daiyndalu prosesın onlain türde qadaǧalai alady.
Mūnymen qosa, ashanadaǧy mäzırler de qaita qaralyp, retteldı. Mektepte jeuge tyiym salynǧan azyq-tülık mäzırden alynyp tastaldy. Jaŋa tızımdı qūrastyruda ata-analar men Qazaq taǧamtanu akademiiasy ǧalymdarynyŋ eskertpelerı esepke alyndy.
Joǧaryda aitylǧan jaŋalyqtardan bölek, kelesı oqu jylynda Nūr-Sūltan qalasynyŋ Bılım basqarmasy barlyq mektep ashanalaryna elektrondy tölem jüiesın engızudı josparlap otyr. Täjıribelık alaŋ retınde äzırge ekı mektep synaluda. Onyŋ bırı – Esıl audanyndaǧy №59 mektep-lisei. Ondaǧy tölem LRT kartasynyŋ kömegımen jüzege asady. Iаǧni būl kartany qoǧamdyq kölıkte jüru jäne mekteptegı turniketten ötumen qosa, osylai ashanalarda esep aiyrysu üşın de qoldanuǧa bolady. Al №54 mektep-liseide mobildı qosymşa arqyly esep aiyrysu jüiesı paidalanylady. Būl degenımız – ata-ana telefonǧa qarap balanyŋ ne jegenın jäne oǧan qanşa aqşa tölegenın baqylai alady degen söz. Satuşylar üşın atalǧan ädıs öte tiımdı: ırı aqşaǧa qaitarym ızdep uaqyt joǧaltpaidy ärı bufettegı kezek te qysqarady.
Al aqyly tamaqtanu mäselesıne kelsek, Käsıpkerlık kodeksıne säikes, memlekettık organdar tapsyrystardy jetkızuşı tarapqa öz baǧasyn qoia almaidy. Alaida Bılım basqarmasynyŋ basşysy Änuar Janǧozin osy tūrǧyda belgılı bır şektık baǧanyŋ bar ekenın aitady. Būl talapty tapsyrys jetkızuşı kompaniialar da eskeredı. Nätijesınde köp mektepterde balalar 300-350 teŋgege dämdı ärı toiymdy tüskı as ışe alady.