Qazaqstan Respublikasynyŋ Prezidenti Nūrsūltan Nazarbaev biylǧy Joldauynda memlekettik tilge qatysty oilaryn bildirdi. Elbasymyzdyŋ til turasynda, bükil Qazaqstan halqynyŋ ūiytqysy memlekettik til ekenin, barşa otandastardyŋ osy tildiŋ ainalasynda birigetinin aityp jürgeni bärimizge belgili.
1989 jylǧy 22 qyrküiekte Qazaqstan Respublikasynyŋ «Tilder turaly» zaŋy qabyldandy. KSRO syndy alyp eldiŋ köbesi sögilip, ydyrai bastaǧan şaqta, qiyn da kürdeli kezeŋde zaŋǧa «Qazaq tili – QazKSR-niŋ memlekettik tili» dep jazyluy oŋaiǧa tüsken joq. Qoldauşylardyŋ köp bolǧany siiaqty qarsy şyǧuşylar da az bolmady. Sol bir şaqta «Sizderdiŋ öz tilin memlekettik til retinde qalpyna keltiruge ūmtylyp otyrǧan halyqqa nege kömekteskileriŋiz kelmeidi? Territoriiasynda «Kar-lag», «Gulag», «Aljir» oryn tepken, atom poligony salynǧan, bügin qiyn jaǧdaidy bastan ötkerip jatqan halyqqa nege kömekteskileriŋiz kelmeidi? Sizder kimniŋ tize bükkenin qalap otyrsyzdar?» dep söilegen Elbasy N.Nazarbaevtyŋ janaiqaiy tuǧan tilge janaşyr ekenin körsetti. Sondai-aq, tuǧan tilimizdiŋ memlekettik märtebege ie boluyna jol aşyp berdi. Sodan bergi uaqytta ana tilimizdiŋ qoldanys aiasyn keŋeitu maqsatynda talai jūmystar atqaryldy.
Al, bügingi taŋda elimizdegi memlekettik til saiasaty Qazaqstan Respublikasy Konstitusiiasynyŋ, «Qazaqstan Respublikasyndaǧy til turaly» zaŋynyŋ negizinde, sondai-aq Elbasynyŋ jarlyǧymen bekitilgen «Tilderdi qoldanu men damytudyŋ 2011-2020 jyldarǧa arnalǧan memlekettik baǧdarlamasynyŋ» negizinde jüzege asyrylyp keledi.
Biz ana tilimizdiŋ bolaşaqta öz tūǧyrynda qyrandai qonyp, baq jūldyzy janatynynan ümit üzbeimiz. Būǧan bailanysty ötken ǧasyrdyŋ basynda Alaştyŋ kösemi Älihan Bökeihan «Ǧūmyr jüzinde bizdiŋ qazaq tili öz bäi-gesin alar» dep aitqan bolatyn. Solai bolaryna senemiz.
G.AQYLBEKOVA,
Zaŋ şyǧaru instituty Lingvistika ortalyǧynyŋ jetekşi ǧylymi qyzmetkeri