Astanadaǧy M.Gorkii atyndaǧy Memlekettık akademiialyq orys drama teatry mereitoilyq 115-şı mausymyn saltanatty şaramen aiaqtady.
Ǧasyrdan astam tarihy bar teatrdyŋ elorda ruhaniiatyndaǧy orny bölek. Mereitoilyq mausym teatr üşın de tabysty kezeŋ boldy. Jaŋa mausym belgılı jazuşy, dramaturg Bolat Jandarbekovtıŋ «Saq patşaiymy – Tomiris» atty spektaklımen aşylǧan edı. Oǧan Memlekettık hatşy Gülşara Äbdıqalyqova qatysyp, joǧary baǧa bergen bolatyn. Odan keiın de öner ūjymy Sankt-Peterburg qalasy men Almatyda ötken Halyqaralyq teatr festivalıne qatysyp, jüldelı orynǧa qol jetkızdı. Al taiauda ǧana bas qalada bolǧan «Sahnadan sälem» atty IV teatr festivalın da şetelden kelgen mamandar teatr ärtısterınıŋ önerın joǧary baǧalady.
–Bızdıŋ öner ūjymy elımızdegı tarihy tereŋ teatrlardyŋ bırı sanalady. Osy mereitoilyq mausymdy jaqsy jetıstıktermen aiaqtap otyrmyz. Türlı halyqaralyq teatr festivalderıne qatystyq. Ärısterımızdıŋ önerı joǧary baǧalandy. Mäselen, Tomiris rölın somdaǧan talantty aktrisa Anastasiia Voronsova mädeniet salasyndaǧy Prezident stipendiiasynyŋ iegerı atandy. Jetekşı akterımız Roman Chehonadskii Qazaqstannyŋ eŋbek sıŋırgen qairatkerı boldy. Denis Annikov «Eren eŋbegı üşın» medalımen marapattaldy. Taǧy bıraz önerpazdar pätermen qamtamasyz etıldı. Bır jyl ışınde osyndai igı jūmystar atqaryldy, – deidı atalǧan teatrdyŋ direktory, Qazaqstannyŋ eŋbek sıŋırgen qairatkerı Erkın Qasenov.
Saltanatty şarada teatr ärtısterı būryn osy ūjymda eŋbek etıp, ömırden ozǧan talantty tūlǧalardy eske alyp, olardyŋ ruhyna taǧzym etıp, körermenderge mausymdaǧy üzdık qoiylymdardan üzındıler körsetıp, şuaqty sezım syilady.
Azamat ESENJOL
