N.NYǦMATULİN: ELBASYNYŊ «QAZAQSTAN – 2050» STRATEGİIаSYN JÜZEGE ASYRUDY ZAŊNAMALYQ QAMTAMASYZ ETU – 2014 JYLY DA MÄJILIS JŪMYSYNYŊ BASYM BAǦYTY BOLMAQ
Bügın Mäjılıstıŋ osy jylǧy soŋǧy otyrysy ötıp, bırqatar zaŋnamalyq qūjattar maqūldandy. Sonymen bırge, deputattar bastamaşy bolǧan eŋ tömengı äleumettık standarttar men kepıldıkterge qatysty taǧy bır zaŋ jobasy jūmysqa qabyldandy.
Ötken 2013 jyldyŋ jūmysyna qorytyndy jasai kelıp, Mäjılıs Töraǧasy aldaǧy 2014 – jyly da Elbasynyŋ «Qazaqstan – 2050» Strategiiasyn jüzege asyrudy zaŋnamalyq qamtamasyz etuge basa nazar audarylatyndyǧyn atap öttı.
Sandy mälımetterge jügınsek, 5 – şaqyrylymnyŋ üşınşı sessiiasy barysynda 16 jalpy otyrys öttı, onda 36 zaŋ jobasy maqūldanyp, Senatqa jıberıldı.
Onyŋ 18-ı Qazaqstan Respublikasynyŋ basqa memlekettermen jäne halyqaralyq ūiymdarmen halyqaralyq şarttardy jäne kelısımderdı ratifikasiialauǧa qatysty.
Üşınşı sessiia bastalǧan tört ai ışınde 19 zaŋǧa Elbasynyŋ qoly qoiyldy.
Jalpy aitatyn bolsaq, osy şaqyrylym jūmysyn bastaǧan 2012 – jyldyŋ qaŋtar aiynan berı, Mäjılıs deputattary 170 zaŋ jobasyn maqūldady, onyŋ 153-ne Prezidenttıŋ qoly qoiylyp, öz küşıne endı.
Halyq qalaulylarynyŋ äsırese, zaŋnamalyq bastamalar boiynşa airyqşa belsendılıgınıŋ arqasynda osy jyly deputattardyŋ özderı äzırlegen qūjattar sany arta tüstı.
Mäselen mäjılısmender, 21 zaŋ jobasyna bastamaşy boldy, būl ötken jylmen salystyrǧanda 2 esege artyq körsetkış.
Nūrlan Nyǧmatulin ärıptesterın kele jatqan jaŋa jyl merekesımen qūttyqtap, alda «Qazaqstan – 2050» Strategiiasyn jüzege asyruǧa qatysty auqymdy zaŋdyq jūmystardy qolǧa alu mındetı tūrǧanyn tılge tiek ettı.
