Bügın elımızdıŋ tükpır-tükpırınde sportsüier būqara Halyqaralyq Olimpiadalyq künın atap ötedı. Sporttyq merekenı tılşımız elordalyqtar da nazardan tys qaldyrmaq emes. Halyqaralyq atauly kün qarsaŋynda Astana qalasy Turizm, dene tärbiesı jäne sport basqarmasy bastyǧynyŋ orynbasary Samat Qabdulinmen az-kem äŋgımelesken edı tılşımız.
– Aldymen osy sporttyq şaranyŋ tarihyn bıle jürsek…
– Būl dästürlı şaranyŋ da tarihy tereŋnen tartady. 1894 jyly 23 mausymda Per de Kuberten men onyŋ serıktesterı bükıl jer betınde oinalatyn Olimpiadalyq oiyndardy jaŋǧyrtpaq bolyp, Halyqaralyq Olimpiadalyq komitettı qūrady. 1948 jyldyŋ qaŋtarynda komitettıŋ 42-sessiiasynda Halyqaralyq Olimpiadalyq kündı jyl saiyn ötkızu turaly şeşım qabyldanady. Sol uaqyttan bastap osy oqiǧany atap ötu dästürge ainalyp otyr. Tūŋǧyş Olimpiadalyq kün sol jyldyŋ 23 mausymynda ötkızılgen eken. Ony älemnıŋ 200-den astam elı merekelegen.
– Bügın sportsüier qauymdy qandai igı şaralar kütıp tūr?
– Elordalyqtar Olimpiadalyq künın Q.Mūŋaitpasov atyndaǧy ortalyq stadionda ötkızetın bolady. Şarany merekeleuge jäne öz küşterın tekseru üşın barlyq jastaǧy azamattar qatysa alady. Mereke aiasynda ärtürlı jastaǧy qatysuşylar arasynda jeke jügıruler ūiymdastyrmaqpyz. Mümkındıgı şekteulı jandardy da jarys jolyna qosamyz. Arnaiy jüldelerımız de joq emes. Märenıŋ bastaluy saǧat 10.00-de.
– Ūiymdastyrylatyn jarystarǧa tolyǧyraq toqtalsaŋyz…
– Mäselen, 5-10 jastaǧy balalar üşın «Olimpiadalyq jarystar» atty asfaltqa suret salu baiqauy bar. Ülken synyptaǧy oquşylar men studentter biyl ötetın London Olimpiadasyna bailanysty viktorinalyq sūraqtarǧa jauap berse, ūlttyq sport türlerınen, drotikter laqtyrudan, üstel tennisı, sadaqtan atu oiyndarynan synǧa tüsedı. Sonymen qatar, Parlament Mäjılısı deputattary, Olimpiada chempiondary jäne BAQ qyzmetkerlerı 400 metr qaşyqtyqqa jügırmek. Aita keteiın, jeŋımpazdar men jüldegerler Ūlttyq Olimpiada komitetınıŋ estelık syilyqtarymen, jeke demeuşılerdıŋ jüldelerımen marapattalady. Qaşyqtyqty tabysty aiaqtaǧan ärbır qatysuşyǧa Halyqaralyq Olimpiada Komitetınıŋ prezidentı Jak Roggenıŋ qoly qoiylǧan sertifikat tapsyrylady. Olimpiadalyq komitettıŋ serıktesterı «Coca-cola» jäne «Procter&Gamble» kompaniialary özderınıŋ baǧdarlamalaryn ūsynyp, qatysuşylarǧa öz önımderın tegın taratpaq.
Ashat RAIQŪL
