Nūr-Sūltan qalasynyŋ äkımı Altai Kölgınov halyq sanaǧynan onlain ötkenın aityp, qala tūrǧyndaryn da sanaqtan ötuge şaqyrdy.
«400 myŋnan astam qala tūrǧyny, sonyŋ ışınde men de otbasymmen onlain-halyq sanaǧynan öttım. 1 qazannan bastap onlain-sanaqtan ötpegender üşın dästürlı üzdıksız ainalym bastaldy. Bügın halyq sanaǧyn ötkızu boiynşa aǧymdaǧy mäseleler talqylandy. Sanaq kezınde sūhbat aluşylar planşetterdı paidalanady. Alynǧan mälımetter tıkelei derekqorǧa jıberıledı. Sanaq jürgızetın qyzmetkerlerge jalaqy, kölık kartalary, jeke qorǧanys qūraldary berıldı. Sanaq sanitarlyq normalardy saqtai otyryp jürgızıledı» dedı qala basşysy.
Soŋǧy ret elde halyq sanaǧy 12 jyl būryn jürgızılgen. «Būl maŋyzdy şara saraptamalyq derekterdı jinaqtauǧa mümkındık beredı: halyqtyŋ naqty sany (ışkı köşı-qondy eskere otyryp), urbandalu därejesı, sondai-aq bılım beru, jūmyspen qamtu jäne t. b. mäseleler boiynşa şeşımder qabyldau üşın qajettı basqa da mälımetter bar» dep tüsındırdı A.Kölgınov.
